كعدية | باب الحسن | الرادود قحطان البديري / #هيئة_وصال_العاشقين #محرم 1446هـ

#هيئة_وصال_العاشقين


قصيدة ( باب الحسن )
الرادود :ـ #قحطان_البديري
الشاعر: كرار حسين الكربلائي
مونتاج : كاظم الموسوي
مكساج: احمد البرمكي
وتنفيذ : وارث للانتاج الحسيني
مخطوطة :- عباس علي
ترجمة | رقية الأكبر

ذكرى استشهاد الإمام السجاد
( عليه السلام) #شوال 1446هـ
#المضيف_المهدوي / هيئـة وِصال العاشقين واسط_العراق

"

للحسن مرفوعه رايه بكل حسينيه
خيمته تلمنه بليالي الاربعينه
من يتعبنه الزمن
نگعد اباب الحسن
بكل حسينيه
...
الحسن مدرسة الكرامه والزمن يظل بيها يدرس
للشعائر للمنابر هو نعتبره المؤسس
يعني لو ما الحسن لتظن ينعقد لحسين مجلس

التاريخ من تتأمله
تلگه الحسن بالقافله
قائد مسيره بكربله
وكربله بسمه تهوس

هو المعلمنه دوم انهلي ونمرحب
والحسن لو ما مضيفه ماكو كل موكب
من ندوّر عن وطن
نگعد اباب الحسن
بكل حسينيه
...
الحسن صاحب فضل عالطف فضل محد ما ينكره
سكت بس چان بسكوته العاصفه التسبق الثوره
خلق من صمته حناجر بسم ابو السجاد تقره

صمته الخلود المستمر
خلّف دواوين وشعر
والحسن لازم ينذكر
شما هوت لحسين عبره

شما ذكرت الغاضريه وتنحب اعليها
دمعتك ما تجري الا يوقع اعليها
تصيح الدموع الجرن
نگعد باب الحسن
بكل حسينيه
..
من گبل ساعة رحيله فكره يم الغاضريه
كتب خطة حرب كبره ووزع ادوار القضيه
انطه للعباس رايه وراية الطف حسنيه

الانصار عدهم بالإسم
ومن روحه مداها بعزم
سيوف الابه الما تنثلم
وخص حبيب بهالوصيه

يا حبيب انت القيادي وهيبة الهيبه
شيبتك فجر الشهاده وبخت كل شيبه
الملتقه بجنة عدن
نگعد باب الحسن
بكل حسينيه
..
صفر بي ريحة محرم هز مشاعرنه الحزينه
والحسن شاهد كلامي اشلون ما عايف حسينه
من يمر سابع صفرها نلتقي بيوم اربعينه

هاي العلاقه الطاهره
ما بين چبده ومنحره
تجمعنه خيمة منبره
وكل گلب تسمع ونينه

بأربعين حسين تنظر للكرم آيه
هذي معناها الحسن متعني مشايه
بالمصايب والمحن
نگعد اباب الحسين
بكل حسينيه
...
اقره ما بين المقاتل وإلقي بالاحزان نظره
تلگه چبد الحسن ذايب وتشب بين احشاه جمره
والحسين انمرد چبده بسهم راح لخرز ظهره

وحسين گطعو منحره
وحسين حزو خنصره
حافر لصدره كسره
مثل كسر الزهره كسره

والحسن يبچي اعله اخيه ضلوعه محنيه
والتشيب گلبه زينب مشت مسبيه

تگول الدموع البچن
نگعد اباب الحسن
بكل حسينيه
..،
خادم الحسين ( عليه السلام)
كرار حسين الكربلائي
( ابو كميل )


""للتــواصل مع الحسابات الــرسمية""✔️
ل{ هيئــة وصــال العاشقيــن } العراق_واسط

——————————————————
🔷Facebook::
https://m.facebook.com/wesallovers
——————————————————
🔺YouTube::
https://youtube.com/channel/UC....Ih8LM6hAY0hSa82wvmYM

——————————————————
🔶Instagram::
https://www.instagram.com/wesallovers_wasit/

——————————————————
🔷Telegram:

https://t.me/joinchat/AAAAAEEDwVEE8RupzAqY8Q
——————————————————
/🔵twitter.

https://twitter.com/wesallovers
_
🔴 جميع الحقوق محفوظه للهيئة والقنوات الخاصه🔶