قصيدة قصة طويلة - الرادود خضر عباس - محرم 1447 هـ
#خضر_عباس #سماوات #قصة_طويلة قصيدة قصة طويلة أداء: الرادود خضر عباس @Khader_Abbas كلمات: السيد عبد القادر المحنة تسجيل وتوزيع: أنور مكاوي مكس وماسترينغ: حسن يونس مدير الانتاج: ميلاد ولدان اشراف عام: يوسف الشمري إخراج: مهران علوي انتاج: شبكة سماوات 2025 ______________________________ 00:00 قصة طويلة 01:00 بعد السنه من شافته عنده روايه 05:08 راد العذب رد منجتل 07:51 ميت لجن بي دمع ______________________________ كلمات القصيدة: قصة هلال وسفر من الوطن للنحر من العطش للنهر ويه العقيله قصه طويله --------- هذا الهلال إبطلعته يروي لزينب قصته بعد السنه من شافته عنده روايه كاللها أبدي إمن اليسر كالتله يهلال العذر إبديلي من وكت الظهر واحنه ضمايه وبراحتك سولف واخذ مني إستماع ولا تخاف إعليه من أحزاني وبراحتك هو العمر خلص وداع وعام الآخر بالكبر تلكاني سولف حزن ياحزن والمايحن خل يحن عفت إخوتي إبلا دفن شتظن قليله قصه طويله ------------- كاللها شفتج بس جرح من رد الأكبر منذبح للخيمه وبكلبج رمح يم المصيبه شفت الأبو ذاك الأشم ظل منحني يم الخيم ويسنده راعي العلم لحظه رهيبه بدموعكم باهه السمه ذاك التراب ونرسم لون العطش بعيونكم بدموعكم حتى الرمل خضر عتاب وندعي الله يكون إبعونكم ذاب الشمع ونطفه واليوم الأسود لفه غير الحزن ماصفه يرفض رحيله قصه طويله ------------- شفت الدمع يجرح جفن ركضت أبو إبطيحة إبن أم وعلى الغالي تون والتنعه إخيته عذرا إذا دمعج يهل بس لازم أحجي عالطفل راد العذب رد منجتل مالت ركبته ماصايره سال الدمه وطلع إديه حسباله ماي أو قررو يروونه ماصايره شفت الأبو ينظر عليه مو سهل بحظانه ويذبحونه رد تنسمع حسرته صاح إخذي ياعمته هذا الطفل قصته تكسر قبيله قصه طويله ------------------ كاللها نجتاز العطش ونسولف إبليل إهدعش حارسه أو جفنج مارمش وانتي أسيره راقبتج إبليل الخطر للمشرعه رحتي إبحذر وبلا ضوه شفتي الكمر محنه جبيره ماجيتني من حركو إعليه الخيام واليصيح أم الخدر طلعوها ماجيتني وانه أستمع أصعب كلام كالو أنواع الشتم سمعوها صافحتي جف منكطع جان النبض ينسمع ميت لجن بي دمع من تشتكيله قصه طويله ---------- شفتج رجعتي إبلا نفس مخنوكه ليشوفج حرس يالخطوتج عثرت فرس خطوت سبيه عينج عله إبن أمج تظل شيلمه ومطشر وصل حتى اللحد هم ماحصل ظل عالوطيه هاوينكم صوتج عله إبوادي الطفوف بين أجانب ياهلي عفتوني ها وينكم وين الهواشم والسيوف لو إجيتو إعله الهزل تلكوني لهنا بعد ورتحل والباقي ماينحمل بالعام الآخر أهل وانتي قتيله قصه طويله __________________________ لا تنسوا الاشتراك وتفعيل الجرس ليصلكم كل ماهو جديد🔔 http://l.bayat.me/samawat-sub تابعونا في منصات التواصل الاجتماعي 👇 http://l.bayat.me/samawat
