عباس رجوة املنه الرادود المرحوم عبد الرضا النجفي
للشاعر :عبد الحسين ابو شبع
عباس حامي ضعنه عباس رجوة املنه
كل طفل ظل يردد بالهلجكلمه
يلوج بعطش كلبه ويفور دمه
من الجلمه مشبوحه العيون لعمه
والامل كل ساعه ويجي عليه يمه
وتصيح كامت سكينه
الله واكبر ضمينه
عباس وينه يااهلنه
عباس رجوة املنه
عباس حامي ضعنه
______________
صاحت كبل ساعة كبالي موجود
عمتي زينب سلمت بيده الجود
كالت له يبو فاضل يومك مشهود
والمثل هذا اليوم وصاك العود
هالجود جان ويه عودك
واليوم صار بوجودك
وشكال والدك عنك
عباس رجوة املنه
____________
كالت اسولف لو دريت بهالحال
من العطش كامت تموت الاطفال
وعليك معقوده جميع الامال
نعطش شلون وعدنه مثلك خيال
موجود جودك ويانه
ياخوي تدري بضمانه
عباس ساعه وكتلنه
عباس رجوة املنه
_______________
كالت سكينه شفت عمي بعيني
ناده يازينب رايح وشوفيني
والوعد ساعه بينج ومابيني
واسكي عطاشه وبالخيم تلكيني
والعين تربي عله دربه
والماي يمته نشربه
متكول ايسنه منه
عباس رجوة املنه
______________
سكينه باملهه وزينب التربي العين
وبكل امل ماتشعر اطفال حسين
تلكاهه ملتمه عله زينب صوبين
كل طفل يصرخ وين ابو فاضل وين
ماراح واحد يخبره
ويشوف غايته وفكره
ونخاف مايرجع النه
عباس رجوة املنه
________________
زينب بحيره وبكلب يتصدع
تطلع من الخيمه وتشوف وترجع
شتسكت المرضع تجي لليرضع
وين التريد تروح ضجه تسمع
لن هاي تحمل طفلهه
وتشوف تندب باهلهه
وتصيح يااهل المحنه
عباس رجوة املنه
___________
ياعباس اطفال منتظره وحرم
شعطلك لساع مترد للخيم
شراح اكول اتعودت رمية سهم
___________
للشاعر : ياسين الكوفي
سكنه تنادي وعينهه لحامي الضعينه
ياعمي منك طلبتي شربة اميه
ياعمي مهجه من العطش مابكت بيه
هاليوم يومك ياشبل حامي الحميه
للماي اريده وحبته سكنه بيمينه
كال الهه بشري وامني زاجي حليبه
عد عينج وللماي ياسكنه لجيبه
كالت له ياحي وهله صاحب الهيبه
وانتخه وزمهه لجربته ليث العرينه
للشاطي صول عالمهر وبجتفه جوده
وعالماي حول بالعزم مرتفع زوده
والماي شاله بيمنته الحامي حدوده
هيهات كال اشرب كبل والد سكينه
زم جوده وعباس وركض لعياله سدر
كطعوا زنوده وماي البجوده تطشر
يحسين ياخويه ندب حين التنكطر
صوبوا راسي وجسمي عالغبره رهينه
ناده يخويه اظلمت الدنيه عليه
عباس حين اللي طحت فوك الوطيه
يبن الصميده شمتت عدواني بيه
ينتحب يم راسه كعد واظهر ونينه
______________
للشاعر : عبد الحسين ابو شبع
كوم شوف اطفال اخوك بخيمتي
كلهه ملتمه وتذوب جبدتي
لون دمعه بجفني جان بدمعتي
اروي جبدة كل طفل والالامهه
اجه الصوت لزينب من المشرعه
راح اخوج القدر صارت فاجعه
هامته انهشمت جفوفه مكطعه
والاقدار اندارت عله احزانهه
