ضيعوني (لشهداء مظاهرات العراق) | ميثم التمار | 2019

ضيعوني

اداء : ميثم التمــــــــــــــــــــــــــار

الحــــــــــان : الشيخ ميثم التمار
كلمــــــــــــــات : وليد العكَــيلي

توزيــــــــــــــــع : محمد الغراوي

مكس&ماستر : قيصر الغــروي

يهدى ثواب العمل لشهداء مظاهرات العراق

الكلمات:

آ يگلبي….راحوا وطال السفر
شنهو ذنبي….امگابل البوم الصوّر
ضيعوني .. ضيعوني
-----------------------------
چانوا بروحي وچنت ماعرف الفراگ
هسّه گمت اشبگ صورهم لمّن اشتاگ

شنسه منهم... والشوارع...كلها ألهم بيها تذكار
والصورهم...من اباوع…عيني تطفى واشتعل نار

ضيّعوني…ابدنيا مابيها عرف
فارگوني...وجرح المفارگ كلف
ضيعوني .. ضيعوني
--------------------------
نزلوا يرجعّون حگهم عود الأحباب
تالي حتى أعمارهم باگتها الأحزاب

ناري تلهب… من جفاهم… ياهجرهم هدّم الحيل
گلبي ينحب…ما نساهم… وين اروحن من يجي الليل

ذكرياتي… هاجت ومات الامل
امنياتي… اوياهم ايلمني الاجل
ضيعوني .. ضيعوني
------------------------------
ليش بالقنّاص ترموهم يظلّام
والله مارفعوا بنادق رفعوا أعلام

منتظرهم…گلبي ناده...وگتله كلهم سكنوا الگاع
شلگه منهم... والشهاده...الحلوة بيها اتحب السباع

دوّرتهم...فرحه بدروب الحزن
من بعدهم…صارت الدنيا سجن
ضيعوني .. ضيعوني
------------------------
امس مو حق التظاهر گتلي مكفول
ليش كل واحد تظاهر ردلي مكتول

وين اخوتي…اللي ردتهم…
لو ولتني ابشرها الايام
بعله صوتي… فزّعتهم… ما شفتهم بس بالاحلام

وين اهاجر… ما بقه بس الگبر
ما اكابر…خافن يطول العمر
ضيعوني .. ضيعوني
--------------------------
وليد العكيلي

انضم الآن إلى القناة الرسمية للشيخ ميثم التمار على اليوتيوب:

https://bit.ly/2puKK1v



Music video by © 2019 OUD Records, a Division of OUD Production Recordings, L.L.C. Digital Music Distribution &Adminstorter Publishing by OUD Production, توزيع الدجيتال شركة العود للانتاج والتوزيع الفني OUD Production L.L.C جميع الحقوق محفوظة شركة العود للانتاج الفني © 2019 OUD PRODUCTION ALL RIGHTS RESERVED http://oudproduction.com https://www.facebook.com/oudproduction/ فيس بوك
https://www.facebook.com/fanz.altammar/