سبحة الزهرة | مسلم الوائلي | مضيف سلطان بني هاشم
كلمات :حسن الترابي
مكساج وتوزيع : كرار الموالي
مخطوطة : زهراء الركابي
مسيرة الأربعين 1440
في البطحاء | ذ ي قار
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يريح بهيدة وي حسين اخاف اجروحه تتعور
هيضتي التراب اعليه ويبس بالدم ع المنحر
اخوي ابلا غطه وصدره ظل فوك الثرة مطشر
بقه من كل كتر ينزف ولجم كلبه السحك والحر
يتيمه اعيوني بغيابه انذبح وانسلبت اثيابه
اه اه
يزحف للخيم عطشان گبل لاينذبح شفته
يريد ايگوم الي وتعبان حيلة احروحه ماخذته
يغمض من اباوعله ويدير اعيونه الي بسكته
صعدت التل وحشم ووين اخوي المافزع لخته
يزينب ردي اترجاچ ترة مابيه اگوم وياچ
اه يبن امي يحسين. اه يبن امي يحسين
گبل ليله كعدنه وياه وشعلنه بالخيم شمعه
وجابتله الرباب ابنه شمه وبلله ابدمعه
كلتله اسم الله يبن امي خيرك چنك تودعه
اومالي وطلع بره. يم باب الخيم ينعه
لحگته وگلي اوليدي. باچر ينذبح بيدي
عمر ماجافه اخيته ابيوم. ساعه ولا هجر مرة
ماصدگ جفاني ونام مذبوح بحضن صحرة
السحگ يم الخيم دناه. وشاغت روحي بالحسرة
من اجفوفه خنصر. ضاع. وعازت سبحة الزهرة
عساه لا صبح العاشر. شجابه لگلبك الحافر
يريح احچيلچ ع حسين ومعزة خدري العندة
من طاح ابنه الاكبر راح وشاف السيف البخدة
احتضر راد علة صدرة يموت ردت اطلع اله وهدة
رجع يرگض يزينب وين. الخدر عندة اغله من ولدة
وهسه ارگض ولاگلي ردي لخيمتج يهلي
شمس وافراگه يچوي اكثر واچماله الرمل ياذيه
متعود گـبـل لو نام. زينب اخته التغطيه
وهسه بلايه ثوب حسين نايم محد يباريه
لو ما خدري اعز بهواي جا عفت العبايه اعليه
وحگ رب العطش والماي بس هاي العبايه وياي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
رابط تلكرام
https://t.me/muslimalwaeli
الصفحة الرسمية لفيسبوك
https://www.facebook.com/muslimalwaeli313/
الحساب الرسمي في الانستكرام
https://www.instagram.com/msulim_alwaeli/
جميع الحقوق محفوظة . لا يحق لي أي أحد رفع المقطع .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
