حنيتلك | حيدر الفريجي | 2024 _ 1445هـ

#حنيتلك
#حيدر_الفريجي
#الداعي_للمولى_المغيب

الرادود : حيدر_الفريجي Haider Al-Fariji
الشاعر : ابو معصومه الفريجي
الذاكر : مـــحمد الحصناوي

العمل المشترك
موكب سيوف المهدي و هيئة لواء زينب


{ تنفيذ وانتاج اعلام موكب سيوف المهدي }
مكســــــــــــــاج : محمود عبد الكريم
مونتاج تلوين : كرار القريشي
مخطوطـــــات : غين سين قـاف
البث الشبكي : خدمة حيدريون

اللَّهُمَّ عَجِّل لِوَلِيِّكَ الْفَرَج

حنيتلك خويه
ودعني وايده اعله ضهرة
وتعلى گوة اعله مهرة
اخر سوالفنه نضرة
نضرت محتار
،
التهضمني بعيوني شفته
من العطش نشفت دمعته
ابتعد بس عينه لاخته
كل ساع ودار
..
شفت اخوي لوحدة صاير
والزلم داير مداير
لوحده بين اشچم الف
ايرد الارماح ابچفوفه
من الفزع ماگمت اشوفه
بس شفت ذاك النزف
..
اخوووووي  اخوووووووي  بس شفت ذاك النزف
ميمونك..   رد للخيام ايصب دمة ميمونك
ميمونك..   چي عاين وشاف الخيم بعيونك
  &&&&&&&&&&&&&&&&
لميت  كل  بنياتك
ونسوانك وكل خواتك
التمينه بس وغلاتك
طشتنه الخيل
،
ياهو اشكيله واگله
لا دمع ضل حتى اهله
النار جابتني اعله تله
تل رايد حيل
..
هذا انته اگبالي طايح
تلوب حيلك كله رايح
تمد رجل وتلم رجل
هناك لن الخيل اجتك
حيل ما عندك لگتك
سحگتك وانتةّ عدل
اخوووووي   اخوووووووي  سحكتك وانت عدل
..
حنيتلك..  يحسين رغم الصار بس حنيتلك
حنيتلك.. عفت الخيام ارماد واتعنيتلك
&&&&&&&&&&&&&&&&&&
رديت من عندك گوة
شيبت من اول خطوة
تتلوة واختك تتلوة
ورديت اونين
.
امشي لبناتك خليني
التاذيك ضلت تاذيني
يحسين عالتل خمسيني
صارت سبعين
...
هنا جزى الشيب اعله عمري
وموش ضهرك حتى ضهري
هنانه يحسين انكسر
.
عالنهر ضهرك كسرته
وانه عالتل من صعدته
اه يالتل والنهر
اخوووووووي اخوووووووي اه يالتل والنهر
..
ياروحي .. لا خيمة عندچ لا اخو  ياروحي
ياروحي .. ولا چلَمة ضلت بيها أطيب جروحي
&&&&&&&&&&&&&&&&&&&
من اجة الليل بضلامة
والگلب ناخ بهيامة
نومت كل اليتامى
وجيتك يحسين
،
جيت امشي وبالي انته
اتعثرت بابني وتركته
رديت لاچن نشدته
چا خالك وين
..
گتله عون اعذرني يمة
ما أوچد دربي ضلمة
يبني ما شفت الدرب
راح اروحن يبني عنك
يمة خالك اغلى منك
حسين سباح الكلب
..
اخوووووووي اخوووووووي حسين سباح الكلب
ماشوفه.. مو حگي يمة الدرب لو ماشوفه
ماشوفه.. روحي اعله خالك يالولد ملهوفه

&&&&&&&&&&&&&&&&&&&

ابو معصومة الفريجي