جفوف القنوت | ملا عمار الكناني | هيئة عاشوراء

جفوف القنوت
أداء : عمار الكناني
كلمات : علي عويز الشويلي
مونتاج : مهدي الدخيلي
مكساج : علي الگرعاوي
عزاء أمير المؤمنين عليه السلام
هيئة عاشوراء
العراق - بغداد ١٤٣٨ - 2017

النص :
المستهل...

وصلت السابع سمة جفوف القنوت.
يالهي نريد وي حيدر
نموت.
كل جرح باجر يفز.. وي علي
باجر يموت الخبز.. وي علي
...........................
1/
كل يتيم ابروحة كاعد.
ويه ربة ومختلي.
لوخذت حيدر يكلة.
انه منهو اليبقى إلي.
من الحزن صلينة كعدة.
ابحضرتك انه وهلي.
ربي لوتاخذنة كلنة.
لو تحط روح ابعلي.

الحناجر سكتت وتحجي
الجروح.
وين ماتاخذ علي وياه
نروح.

لونظل نشتم هوى.. وي علي
لو نطب حدر الثرى.. وي علي
...............................
2/
خافو يكعدك حجيهم.
والنشد عنك همس.
اليبجي مايلكة اليسكتة.
وباجر اموادع يحس.
هذا عالتربانة كاعد.
تأكل ابوجهه الشمس.
وذاكة فوك العتبة نايم.
ما رفع راسة من امس.

ربي من عدنه أخذ وانطية
سنين.
شلنة بالدنية إذا مات
الحنين.

كونه مايكظي العمر. وي علي
ربي خلينة ابكبر..... وي علي
.............................
3/
كل مرة عدهه يتامة.
جفهه للباري تمد.
تسولف او يالله بدمعهه.
وشوغة تمرد بالجد.
جايبة ابنياتي ذني.
اكبال عنيك والولد.
من هذولة اخذ التريدة.
وخلي بس حيدر يرد.

هاي ادينة انمدت ومدنة
اديك.
حيدر اترجعة انه ماتصعب
عليك.

الفقر جنة عدن... وي علي
الغربة تتسمة وطن.. وي علي

..............................
4/
ربي أخذ روس اليتامه.
وزع اعليهه الجرح.
واترك الينطي فطروة.
ويفطر ابخبزة وملح.
اليملك الدنيه ابكبرهه.
ويلبس هدوم الفلح.
روحة إذا تاخذهه باجر.
فدوة لاتخلق صبح.

صاحو ابابك علي يومك
بعيد.
لوجهك اشتاقينه ونشوفك
نريد.

حتة إذا ماكو حجي.. وي علي
نكدر انسولف بجي.. وي علي
..............................
5/
كل يتيمة تصيح ابونة.
حيدر وباكة الدهر.
وامهه يمهه تصيح اخونة.
لو رحل كسرة ظهر.
والسنة تصيح انه سودة.
شلون اجيبن هلخبر.
وكام عيد الفطر يصرخ.
مااجي ابهذا الشهر.

انتة والد كل يتيمة وكل
يتيم.
يا كريم بدنية شح بيهه
الكريم.

نعمت الفقرة انجفت.. وي علي وماتت الطيبة ومشت وي علي .
#هيئة _عاشوراء
#Ashura _ Establishment