انصارك يا مولاي_حماسيه_ملا عامر جعفر

قصيده انصارك يا مولاي
ليله 6 محرم
للشاعر الميرزا محمد الساعدي
بصوت ملا عامر جعفر
المكان موكب وحسينيه فاطمه الزهراء ديالى ناحيه قره تبه
عزاء الشيعه التركمان
ليالي محرم الحرام
كلمات القصيده :
هدوا وكت طگها وصار بيهم يفتخر هاشم
من حُبهم لبو الاحرار حـازم يـنـده بـحـازم

أنصارك يامولاي أنصارك يامولاي
================≈=============
أنصارك يبو السجاد عدنا اويه العده اطلابه
المتصوّب المـنه ايگوم مـا هـم أبـد بصـوابه
ويـاه ونـظـل ويـاه فـدوه انـروح لـخـضـابـه
حتى من نموت انصيح آه يحسين ومصابـه

أنصارك يامولاي أنصارك يامولاي
================≈=============
يـل دربك حقيقة وذاك مـا مـتـوفـق الدربك
يـانــور الـعـلي الـجـبـار ربــك نـزّهــك ربـك
ياصمصام آمان الكون يـل مـتـفـنـن بصبك
يــبـحـبك نـجـاة الناس والله الآمـر بحـبك

أنصارك يامولاي أنصارك يامولاي
================≈=============
من صاحوا حبيب وجون مالت بيهم الحومه
عـابـس چـي يـحـبك صـار ألله موفقه دومـه
هنياله وهـب مـن جاك عاشگ مـا يـهـم لومه
كلمن راد الـك يـوصـل يـا هذا الحدث يـومه

أنصارك يامولاي أنصارك يامولاي
================≈=============
من طرهم برير وگـام شب كل الغضب بيها
تـشـرد لـو زهـيـر ايـثـور خـيرتهـم امخليها
أخـذ العزم والاخـلاص والمنكر ميـثـنـيـهـا
ذول المِن يصير ازمـاط حـگـك لـو تناديها

أنصارك يامولاي أنصارك يامولاي
================≈=============
مثـل انصار ابـو الاحرار كـل احـنـه فدائيه
هنياله اليصير اوياه نفسه اتظـل حسيـنيه
واليطلب طلب ياناس كل حاجاته مگضيه
بـس توقيع لازم كون مـن حضرت العلويه

أنصارك يامولاي أنصارك يامولاي
================≈=============
دايـر حـول افـكـر بـيـه هـوه الـنـفِـس يـرويها
بـاچر عـالصـراط هناك بـيـده الـجـنـه يسگيها
أسمع وافتهمني زين چلمه ودوم انه احچيها
الما عنده اهل ياناس روحـه حسـين يحميها

أنصارك يامولاي أنصارك يامولاي
================≈=============
3/7/2023 الاثنين
#الشاعر_الميرزا_محمد_الساعدي