التالي

العاشق | عيسى العيسى | مولد الإمام الحسين ع

4 المشاهدات· 24/05/15
ESSA_MEDIA
ESSA_MEDIA
مشتركين
0

:: العاشق ::
بمناسبة مولد الإمام الحسين عليه السلام
شهر شعبان 1434هـ - 2013 م
قرية المركز - الحسينية الحيدرية

أداء الرادود / عيسى العيسى
كلمات الشاعر / جابر الكاظمي
كرافيكس/ عبدالحميد العامر

الحسابات الرسمية للرادود الحسيني عيسى العيسى
اليوتيوب : https://www.youtube.com/@ESSA_MEDIA
الانستقرام: https://www.instagram.com/essa_media
تويتر : https://twitter.com/ESSA_MEDIA
التيك توك: https://www.tiktok.com/@essa_media

القصيدة كاملة:

عشگتك يا امامي عشگتك
حبيبي وعله گلبي رسمتك
الك اهدي .. أمل ودي .. اخذ عهدي .. يبو الاكبر

* * *
يريحانة رسول الله ... وسليل النبي المختار
ابوك المرتضى حيدر ... قسيم الجنة والنار
امام وأمك الزهره ... وأخوك المجتبى صار
الك يا والد التسعه ... الأيمه الغر الاطهار

أوقع بيعة الحب بديه
واقدم لك حياتي هديه
ومثل أضرب .. الك بالحب .. اذا تطلب .. يبن حيدر

* * *
إذا روح القدس نازل ... يهز مهدك بالافراح
وإذا فطرس مسح جنحه ... ورجعله ذاك الجناح
بعد المن يلومونه ... يمالك حبـــــــك ارواح
سكت صوتي ولساني الدم ... الك يبن النبي صاح

نحبك ياشعاع الامامه
وحگك ما تهمنه الملامه
كرامتنه .. ابعقيدتنه .. ومودتنه .. الك تكثر

* * *
اذا جدك رسول الله ... هواك ابگلبه مكتوب
واذا حيدر گبل حبنه ... دليله ابحبك يذوب
بعد ليش اعله هذا الحب ... يلومونه يمحبوب
وحگك مو گلب واحد ... تحبك كل الگلوب

عرفنه هذا حبنه وهوانه
عقيده من أصول الديانه
نهج ربك .. رسم دربك .. يمن حبك .. غصن أثمر

* * *
ملايين البشر احنه ... يمحبوب الملايين
عرفنه دربك الطاهر ... نجاح الدنيه والدين
نقيم الكم شعايرنه ... ونظل الكم موالين
عله اعناد اليعادونه ... ويحسبوهم محبين

شعاير هذي عدنه ومجالس
وجعلنه هالمجالس مدارس
العلم يمنه .. وتعلمنه .. وتفهمنه .. من المنبر

* * *
وجودك يا رعاك الله ... يطهر هاي الافكار
مشينه ابدربك الواضح ... ولا يجرفنه تيار
يفوز اللي على خطك ... يبو الاكبر مشه وسار
وشعايرنه نفع كلها ... أبد ما بيها أضرار

هدفنه بالمحبه تحقق
وعهدنه بالمسيره توثق
الشگ بينه .. يبارينه .. ويدلينه .. عله الكوثر

* * *
ابضمايرنه يبو الاكبر ... الك سجلنه مضمون
اهل بيت النبي وربنه ... لجلكم شيد الكون
تفرحون احنه وياكم ... فرحنه من تفرحون
تحزنون احنه هم نحزن ... اذا لحظه تحزنون

سعاده واحنه بيها صدحنه
فرحكم يحبيبي فرحنه
محبتنه .. بإرادتنه .. وسعادتنه .. حلم أخضر

#الرادود_عيسى_العيسى​

أظهر المزيد

 0 تعليقات sort   ترتيب حسب


التالي