الاربعينيه عشك | اوبريت | الشيخ ميثم التمار | منشدين العراق | محرم ١٤٤١ ه
الاداء حسب الظهور
الشيخ ميثم التمار - بغداد
الرادود كرار الحميداوي - النجف
الرادود كرار هادي - بابل
علي هاشم - الناصرية
حسين البديري - بابل
محمد الصويلي - الديوانية
ميثم التمار - بغداد
علي السوداني - بغداد
كلمات : علي عماد السعداوي
الحان : الشيخ ميثم التمار
توزيع - فاضل الزيادي
مكس&ماستر - حسين الطليباوي\
اخراج : ماهر الموسوي
الكلمات :
بالأربعينيه عشگ .. مَحّد ايفسره
بالأربعينيه وفَه .. للوفَه ابْنَحْرَه
فكْرَه وبيها مضمون .. ثوره اتْكَحْل العيون
يا حسين مدد .. يا حسين مدد
----------------------
عُمر .. يُمُر .. والسنين تروح فدوه اللذّة ايامك
نِلِمْ .. حِلِمْ .. بلكي تتفضّل علينه نصير خدّامك
مشي.. وبچي .. نِنْكِسر خاطر نجبّر خاطر ايتامك
عشگ .. حرگ .. ماطفه ومشتعله ناره ابجمرة اخيامك
بالاربعينيه عمُر .. ضايع انلمّه
بالاربعينيه عطر .. للوفه انشمّه
الماتوا بيها يحيون .. ثوره اتْكَحْل العيون
يا حسين مدد .. يا حسين مدد
----------------------
كِتَبْ .. وَهَبْ .. للمسيح حسين قِبْلَة لا تعوفوها
عَرَفْ .. وگفْ .. عابس وگال المحبّة جنون سووها
عَهَد .. وَعَد .. حسين جنّه وبسلام وحُب ادخلوها
صِدَرْ .. خَبَرْ .. الأربعينية فريضة وبالمشي احيوها
بالاربعينيه هّوَه .. اتْوَزّع الحضره
بالاربعينيه دوه .. الداسوا ابصدره
كتبت للقلم ( ن ) .. ثوره اتْكَحْل العيون
يا حسين مدد .. يا حسين مدد
----------------------
سَعي .. ونَعي .. حتى بيت الله يجيك لگبرك ايطوفك
تحن .. تِونْ .. ويجرن دموعك سوالف من تجي ضيوفك
هَلي .. إلي .. اتعنّوا اتگل لبو فاضل حَضّر چفوفك
ابسبي .. العِبي .. نقسم نعوف الحياة ومحّد ايعوفك
بالاربعينيه تِرِفْ .. للنصر رايه
بالاربعينيه ورد .. عطره مشّايه
بيها انوفّي الديون .. ثوره اتْكَحْل العيون
يا حسين مدد .. يا حسين مدد
----------------------
وفه .. شِفَه .. الله من دون التراب امّيّز اترابك
حلِم .. عَزِم .. بربعينك من نجيلك جيّة اصحابك
دمع .. يشع .. بالعيون الما تفارگ لوعة امصابك
حچي .. وبچي .. الدنيا كل غروب ترفع لون لخضابك
بالاربعينيه نهر .. عالعطش صلّى
بالأربعينيه نحر .. ننطي عبد الله
روح العاشگ تهون .. ثوره اتْكَحْل العيون
يا حسين مدد .. يا حسين مدد
----------------------
صَحَن .. وطن .. للهوه ، وبالكون كلّه شاعت اخباره
ولِفْ .. ترف .. ايلچمه التراب اليلوح هدوم زوّاره
جرح .. ربح .. ايچمّل العايز محنّه من تشب ناره
گلب .. صعب .. ينسه الحسين وخدمته وهاي الزياره
بالاربعينيه مشي.. الدنيا تتعنه
بالاربعينيه تجي .. لكربلا الجنه
بيها الغالي مدفون .. ثوره اتْكَحْل العيون
يا حسين مدد .. يا حسين مدد
---------------------- فيس بوك
https://www.facebook.com/fanz.altammar/