من الروائع هاك الرايه سجل افعالك بيهه المرحوم مله جواد الكوفي

الكلمات للشاعر المرحوم عبد الحسين ابو شبع
وبصوت الرادود المرحوم جواد الكوفي
كلمات القصيده
حسين ياعباس اخوك
بثورته يحسب حسابه
ينتظر جان الزمان اللي يجي
يعين اصحابه
وينتظر تربية جسمك
بالشجاعه والصلابه
وانته من صلب الشجاعه اسد
والمعركه الغابه
وترعرت روح بجسم
فكره وايمان عزم
غاب الابو ذاك الاسم
واسمك اتسامه بغيابه
روح الوالد عندك واربيت عليهه
راية ابوك اختارت اسمك وبيدك صارت
وبهالساعه سجل افعالك بيهه
.....................................................................
تدري هاي الفكره جانت
للنبي راعي الرساله
جان يكتمهه ونشرهه
ساعة العين رجاله
ينتظر جان الهه ابوك
يشاركه الثوره بنضاله
سلمه الرايه بشبابه
وصارع ابطال الجهاله
وخلاه قائد عسكره
بكل الحروب يناصره
والنبي براية حيدره
قوم اركان العداله
وانته الدارس من حاضرك ماضيهه
كل شده جان الهادي
ينطي الرايه وينادي
انته الفارس سجل افعالك بيهه
.........................................................
عباس اخوك تنصره
ياقائد بهالثوره
هاك الرايه سجل افعالك بيهه
..........................................................
انته من هالروح ياابا الفضل
من هاي الشجاعه
انته من ام البنين اربيت من هاي الرضاعه
انته ياعباس ابوك
الرادك بهذي الساعه
ياغصن صار عله ماي الوفه
وبين افتراعه
شفنه العدو بسمك لفه
شعنده حديث يسولفه
يريدك لاخوك تخالفه
انته مو رايد اطماعه
هوه الطامع خل ينظر لتاليهه
انته الطمع مو يمك
انته الوفه بكل دمك
الثوره الواقع سجل افعالك بيهه
........................................................
خل نشوف الشمر يمك
كاصد شعنده روايه
يدعي بالرحم جابه عليك خايف هذا رايه
يكلك حسين ورجاله راحت تصبح ضحايا
وابن اختنه انته وامشي لاتخوض المنايا
وانه الوسيط وبالفعل
قائد علينه تنجعل
ذب رايتك كبل الجتل
احنه نعقد لك الرايه
شوف الجاهل هاي الجلمه يحجيهه
كل عقله عود تخدعك
وهالرايه تعرف طبعك
بيهه تناضل سجل افعالك بيهه
......................................................
الشمر يتحدث وياك
وعالبعد ربعه شتاهد
ويسالفه تدور بلسنهم
واحد يسولف لواحد
راح ابو فاضل يجينه
وراحت تقل الشدايد
بهالحديث ولن تشوف
الشمر ليهم جاي شارد
ولنه يصيح بهمهمه
لو مااهج من صارمه
ذبحني ابن حامي الحمه
صلب طالع عله الوالد
وهالشهاده لسان الشمر راعيهه
يكفي العدو يشهد لك
وتشهد الرايه بفضلك
والقياده سجل افعالك بيهه
..............................................
الشمر هوه صدك جابه الرحم
وتدفعه العواطف
لو خديعه يريد يهجم
منك المغرور خايف
خله عد غيرك يروح
يعبر عليه السوالف
انته جيت تريد تثبت
وفه الخوه بالمواقف
مو اخو لايام الدهر
انته اخو بيوم الخطر
الموقف وياهم والخبر
همه زحفو وانته زاحف
والمعارك بكل واقعه ترويهه
هذا عضيدك ثاير
وانته لثورته تناصر
بيهه تشارك سجل افعالك بيهه
............................................
والعدو أيس وراح بيا فعل
هالنوب فكر
كال الزمو الماي خلي النهر يتوجه العسكر
وشبناءه تسلم الهم هذا راي العو إشأثر
اثر عله اطفال عطشت
يعباس وعله الخدر
كثرتهم بذاك النهر
ماالهه عندك كل اثر
انته ابن فارس مضر
ذاك داحي باب خيبر
هاي الوادم طي السجل تطويهه
من النهر تقلعهه
هاي الرايه ترفعهه
بهذا الصارم سجل افعالك بيهه
.............................................................
انته ثبتت الشجاعه بشرف
واتجول بحماسك
والعدا تثبت جبنهه
بالغدر هشمت راسك
بعمد غدر واغتيال
وهالعمد خمد انفاسك
انته عله هذا الالم
تفكر باطفال وحرم
عطشانه ظلت بالخيم
مليت جودك
ردت ليهه تروح وهيه تصيح وينك
اجت نبله لعد جودك
اجت نبله لعد عينينك
طبره اجت كطعت يسارك
طبره اجت كطعت يمينك
راسك تهشم بالعمد
واتواصل جروح الجسد
والعايله شعدهه بعد
تنتظر طاحت الرايه وطاحت جفوفك وياهه
https://www.facebook.com/abotorab172
على تويتر
https://twitter.com/abotorab72
على مدونتي الخاصه
http://abotorab72.blogspot.com/