أهل السماء | الرادود الشيخ حسين الأكرف | الشاعر وليد العكيلي
الرادود #الشيخ_حسين_الاكرف
الشاعر #وليد_العگيلي
هندسة صوتية #محمد_خليفة
وفاة #أم_البنين
#موكب_السيدة_زينب
#لبنان
للإستماع على المنصات الصوتية على الرابط التالي
https://l.bayat.me/KSC07pmS
كلمات القصيدة:
الليله كل أهل السماء
تنتظر هذا اللقاء
فاطمة بشوق وحنين
تلتقي بأم البنين
من بعد كل هالسنين وهالمصايب
راح يلتمن سوه الليله الحبايب
ندري قلب ام الحسن للملگة ذايب
تنهض شلون وضلعها بعده عايب؟
باجر بلهفه وذهول
تشبگ عليها البتول
من بعد كل هالسنين
تلتقي بأم البنين
حتى من بعد المنيه ماكو راحه
باچر يگلبنها بالجنه مناحه
ينصب الهن خيمه جبريل بجناحه
ويقرن على حسين ويضمدن جراحه
تفتح الزهره العزاء
تقرا مقتل كربلاء
وبگلب دامي وحزين
تلتقي بأم البنين
باچر الزهره تسولف عن وضعها
والجريمه الصارت وكسرة ظلعها
تحچي ضيم المحسن وفكده بدمعها
شلون قنفذ عالوجه لمّن صفعها
والوفه يواسي الحنان
باچر بوسط الجنان
تشكي آهات الجنين
تلتقي بأم البنين
تصيح يا أم البنين الله اليعينچ
شلون حالچ صار من ذبحوا بنينچ
آنه بالجنه وشب نار الحنينچ
واحترگ بالآه من اسمع ونينچ
فركة اولادچ عذاب
شيبچ هذا المصاب
تذكر ليوث العرين
تلتقي بأم البنين
تكلها آنه وكل ولد غالي عليّه
ألف فدوه نروح لبنچ يالزچية
صعبة اشوف چفوف ابو فاضل رميه
بس لأصعب شوفة چفوفي بديه
لو چنت برض الطفوف
چان اجيت ابلا چفوف
كامت الزهره بونين
تلتقي بم البنين
____________________
الحسابات الرسمية لموكب السيدة زينب (عليها السلام)
Facebook: https://www.facebook.com/MawkebAlSayedaZeinab
Instagram: https://www.instagram.com/mawkebalsayedazeinab
