قصائد
ما جف الدمع
أداء
الملا محمد بوجبارة
كلمات الشاعر
أبو نجم الاحسائي
مكساج
حسين نجم
مخطوطة
حسين مقيم
ترجمة
حسن القطري
إدارة المتابعة
محمد عبدرب الرسول
مونتاج
علي حسن
اشراف عام
محمود السلطان
إنتاج
بوجباره ميديا
~~~~~~~~~~~~~~~~~
*ماجف دمِع عيني على خير البرية*
*و هِجموا على داري و ساتر ماعليه*
1
منتحلة و بفگد النبي هاجت شجوني
وشبوا على داري الحطب و روعوني
•ظليت ادافعهـم و ظَنْتي يِرْحَموني
*والطاغي سبني و دمعتي بخدي جرية*
2
قوَّة دِفع بابي و سطر خدي الخوَّان
بحيله عصرني و بالرفِس ياشيعة فرحان
•سگطني المحسن و خلَّى الجسد نحلان
*و يمي جنيني يعتفر فوگ الوطية*
3
من سطرته دم و دَمِع بالوجنة يجري
وحيدر يشاهد عصرتي وبحالي يدري
•جسمي انتحل من ضربةْ المسمار صدري
*لـكـن علي متگـيد ابـحبل الوصية*
4
ليش اِنقِتل محسن جنيني شاللي سوَّه؟!
و سوط العبِد بمـتوني بالقوَّة تِلوَّه
•ما قصـروا فـيـنا عـديمين المروَّة
*إثْلَثْ مِيه..و جاروا علينا ابكل أذية*
5
ضلعي انكسر،قُرطي انتثر هذا اللي رادوه
والمُرتضى اگبالي بحبل يا ويلي گادوه
•ما گصروا أجر الرِسالة اليوم أدوه!..
*ما چني بنت المُصطفى الزهرة الزچية*
6
بنوحي و نحيبي تزلزلت أرض المدينة
أمشي و أنادي يا علي و أعثر حزينة
•و بس عاينِت حيدر املبَّب گايدِينه
*راسي لطمته و ياعسى جَتْني المنية*
أداء
الملا محمد بوجبارة
• كلمات الشاعر : أمجد صاحب الشطري
• مخطوطة: سيد علي الموسوي
• ترجمة : حسن القطري
• مكساج :حسن المرهون
• اشراف عام : محمود السلطان
• إدارة المتابعة : محمد عبدرب الرسول
• مونتاج : مهدي الحداد
• إنتاج : بوجباره ميديا
~~~~~~~~~~~~~~~~~~~
جميع الحقوق محفوظة للقناة الرسمية للملا محمد بوجبارة
القناة الرسمية للملا #محمد_بوجبارة
أداء
الملا محمد بوجبارة
كلمات الشاعر
أسامة العامر
مخطوطة
حسين مقيم
مكساج
حسين نجم
إدارة المتابعة
محمد عبدرب الرسول
مونتاج
مهدي الحداد
اشراف عام
محمود السلطان
إنتاج
بوجباره ميديا
~~~~~~~~~~~~~~~
الغالي وينه
يا سْكينه
يختي سبع شهور و احلامي مَقاتِل
ما اظن ابخير ابويه اولا بوفاضل
————————
( 1 )
وين العشيرة ؟
وشيخ العشيرة ايطمِّن ابحِضنه فَزِعتي
اشصاير عليهم !
موهذا ظعن الوَّدعِت يَسْكينه يختي
لمَّن مشيتوا الكربلا
ابعيني اَنِظْره … چنْ غيمة خَضرة
راية اعله راية ، تمطر اعليكم حَميَّه
و اليوم أَصد إلكم وَ لَا
كافل يظِلكم .. اتغيَّر شَكِلكم
حر الشمس منكم مِحَا ، ذاكَ المُحيَّا
ارجعتوا طيبة
ابيا مُصيبة ؟!
هالحچي البعيونكم حَچْي الثواكل
ما اظن ابخير ابويه اولا بوفاضل
————————
( 2 )
اشْهور انتظركم
اتمنى يرجع وَالدِي و ماظنه يرجع
كل ليلة احلم
مِصْراع بابي ينفتح و اگبالي مصرع
چف ابحجر ، يطبر گمر
يصبغني جرحه … و مرعوبه اصحى
عَـمّ الظلام ابدنيتي و اشهگ وَحيدة
و انده يَرِيتك هالمِسه
يابويه يمي … اعليَّه تسمِّي
ويْرد على اْيَّامي الضّوه وجهك أريده
دمعي ماجف
اطيوفي بس طَـفْ
خوفي نار و ما تخف اشما احاول
ما اظن ابخير ابويه اولا بوفاضل
————————
( 3 )
نار ابدليلي
تلسعني يختي و لو نمِت أَلگاها تسعر
و انتي ابادينچ
ماي و تبدَّه اعله الثره يا كافي الشر
غرگانه بدموعي اظل
وبصدري حسرة … حلمي اشيفسره
ما اعرف اشقصده وشنو الرايد يگلِّي
عطشانه بس مَالحَّگِت
أروي وريدي .. حبل اعله ايدي
ايجرني و اصيحن : لاتِبَاعدني عنْ اهلي
يالعَـلـيلـة
ماكو عيلة
صوت اسمعه امن النهر و العلم مايل
ما اظن ابخير ابويه اولا بوفاضل
————————
( 4 )
سَبعة شُهوري
و آنه لَحَد سابع سِما واصل ونيني
أحلامي صعبة
مِنّ السهر اكثر صورها امتعبه عيني
و اصعبها ليلة شاهدِت
( شِيخَة ) اعله منبر … صاعدته بالبر
اعرفها چَني ياسْكينه وْمَاعَـرُفها
ابنص الرِّياح العاتية
لزمت گلبها … والهَم غِلْبها
هذي أظِن عَمْتي ، نَفِس وگفة شَرفها
هيَّه تـقرا
و خيل عشرة
بالسَّنابِك تسحگ أوراق السَّنابـل
ما اظن ابخير ابويه او لابوفاضل
————————
( 5 )
طول الليالي
مِنّ اليتم اتعوّذ و غُصة عذابه
ما لَـذْ مَنامي
مَـرَّة احْلم و آنه ابقصُر مَـرَّة ابخرابة !
اشكي لرُقيَّه وَحشتي
لكن رُقيَّه … مَتْرِد عليَّه
منهو اللي كـَدّرها ابكلامه، رُوح أبوها
اشْسِمعت أذيَّة امن الغُـرُب
وْلزمت إِذنها … ابشِدة حزنها
لـ يْكون ما رَاعوا عُمرها و روُّعوها
اشلون إختنه
امدلِلَتنه
دوم اشوفَنها و تراب اعله الجِدَايل
ما اظن ابخير ابويه او لابوفاضل
————————
أداء
الملا محمد بوجبارة
كلمات الشاعر
السيد سعيد الصافي
مكساج
حسين نجم
مخطوطة
حسين مقيم
ترجمة
حسن القطري
إدارة المتابعة
محمد عبدرب الرسول
مونتاج
مهدي الحداد
اشراف عام
محمود السلطان
إنتاج
بوجباره ميديا
~~~~~~~~~~~~
عجب يهل الوفه وياخير الاصحاب
تركتوني وحيد ابولية اذياب
ردت منكم تفزعون
انادي وماتسمعون
تركتوني وحيد ابولية اذياب
.........................
نشامه
ولا بلدنيه اصحاب المثلكم
طلعتو
تنصروني وتركتو اديار اهلكم
وفيتو
ويجازيكم رسول الله ابفضلكم
وجنت اتنومس ابلمة شملكم
الف وسفه شملكم فرقه البين
صوركم مااظنها اتفارك العين
امل ماضل ترجعون
انادي وماتسمعون
تركتوني وحيد ابولية اذياب
.........................
مشيتو
ولاعدكم خبر شنهي الجرالي
بعدكم
من اخواني وهلي محد بكالي
ولوني
ولاناصر فزعلي ونتخالي
وملائكة السمه تبجي اعله حالي
فقدت ابني علي الجنه بدر تام
وكسر كلبي ابن خوي الغالي جسام
وبعد ياجرح اليهون
انادي وماتسمعون
تركتوني وحيد ابولية اذياب
.........................
يلصحاب
ردت من عدكم اليسمع نهائي
ويعاين
كسر ظهري وعلى الكاع انحنائي
زماني
غدر بيه وكطع ظني ورجائي
جفوفه اتكطعت حامل لوائي
واكول اشلون ارد لخيام العيال
شجاوب لو اجت تنشدني الاطفال
عطاشه وماي يردون
انادي وماتسمعون
تركتوني وحيد ابولىة اذياب
.........................
ورضيعي
جبدته من ظماها رادت اتذوب
وكلهم
يناس ابيا ذنب عبد الله مطلوب
قساوه
ولا بيها حنان ورحمه الكلوب
وشفت مابين اديه طفلي مصيوب
ورجعت اتعثر ودلالي مجروح
شكل لامه وطفلها تشوفه مذبوح
ردت وياي تبجون
انادي وماتسمعون
تركتوني وحيد ابولية اذياب
.........................
انادي
وعلي صوت الصدى يرجع جوابي
اعاتب
ولو يجرح مشاعركم عتابي
ردتكم
تعينوني على شدة مصابي
كبل ماتنسلب مني ثيابي
كبل لابلحوافر صدري ينداس
كبل لاينفصل من جسمي الراس
علي بلجن تلحكون
انادي وماتسمعون
تركتوني وحيد ابولية اذياب
.........................
وجبيني
تصوب بلحجر والدم عماني
امسحه
شلت ثوبي ولمثلث رماني
انازع
بقيت الوحدي وذباحي اجاني
وعلى صدري كعد وليه ولاني
ونحري وخنصري يصحابي مكطوع
وراسي اعله الرمح بلحومه مرفوع
غدو بيه يمثلون
انادي وماتسمعون
تركتوني وحيد ابولية اذياب
.........................
وعلى التل
شفت زينب تنادي ياولينه
يخويه
اذا بعدك عدل افزع علينه
دخيلك
اجت خيل العده متعنيه لينه
وبعد عين الكفيل اشلون بينه
ولا عدنه محامي ايرد الاشرار
حياره وبلخيم لو تلتهب نار
على ايتامك يسحكون
انادي وماتسمعون
تركتوني وحيد ابولية اذياب
• | 1443 هـ - 2022م |
• | استشهاد السيد محمد سبع الدجيل ( عليه السلام )
| الأمان |
• أداء | الملا محمد بوجبارة
• كلمات | حسن طاهر المعيبد
• هيئة محبي الحسين (ع) - بني جمرة - البحرين
• مكساج | حسين نجم
• مخطوطه | السيد علي سيد كامل
• تصوير | عين الحياة للإنتاج الفني
• تنفيذ | هيئة محبي الحسين (ع)
• متابعة وتنسيق | محمد عبدرب الرسول
• إنتاج : بوجباره ميديا
كلمات الشاعر حسن طاهر المعيبد
.
إستشهاد الإمام محمد الباقر - ع
الحسينية الكربلائية - دولة الكويت
.
.
#الباقر_ميديا
#بوجبارة_ميديا
• | 1443 هـ - 2022م |
• | استشهاد فاطمة الزهراء ( عليها السلام )
| موقف صعب |
• أداء | الملا محمد بوجبارة
• كلمات | محمد هادي العقابي
• الحسينية العباسية ( البطالية )
• مكساج | حسين نجم
• مخطوطه | حسين مقيم
• مونتاج | سجاد الشغب
• اشراف عام | صادق ابراهيم
• متابعة وتنسيق | محمد عبدرب الرسول
• انتاج | #بوجبارة_ميديا
• | 1443 هـ-2021م |
• | استشهاد فاطمة الزهراء ( عليها السلام )
| كل شي محتار |
• أداء | الملا محمد بوجبارة
• كلمات | حسن طاهر المعيبد
• الحسينية | المحمدية ( بوخمسين )
• مكساج | حسين نجم
• مخطوطه | حسين مقيم
• مونتاج | سجاد الشغب
• اشراف عام | صادق ابراهيم
• متابعة وتنسيق | محمد عبدرب الرسول
• إنتاج : بوجباره ميديا
طوَّل مشينا
أداء
الملا محمد بوجبارة
كلمات الشاعر
علي البحراني
سابع الامام الحسين عليه السلام 1445هـ
موكب الكاظمية - بلدة الجبيل
مكساج
حسن المرهون
توزيع مقدمة
يوسف العشيري
مخطوطة
حسين مقيم
ترجمة
حسن القطري
إدارة المتابعة
محمد عبدرب الرسول
مونتاج
علي حسن
اشراف عام
محمود السلطان
إنتاج
بوجباره ميديا
~~~~~~~~~~~~~~~
وحشه السبي وبس مدمعي
وسوط العدا ايسلّيني
كل ساع أسولف وي رمح
ما واحد ايحاچيني!
أسمع شتم ليلي ونهاري
وامچتفه ايميني ويساري
-١-
طوّل مشينا ابهالفلا
حسره وألم صدري امتلا
تلحگني ريحة كربلا
نار ودما انحور
برماح أصد روس الأهَل
ماحد تدنالي ونزل
شافوني أركب عالجمل
بس ظهري مكسور
أمشي وأحس بچتافي ثگل الغاضريه
چم مره خفت امن الشمس يغمى عليه
واشلون أأشر للأعادي اتروف بيّه؟
وآنا المصونه الأستتر بثنين إيديه!
ابگد السياط الـ عالمتن
أحسب صرت خطواتي
درب الذي امشيته صعب
والأصعب اهوا الآتي
ما ينجبر والله انكساري
وامچتفه ايميني ويساري
-٢-
يا راس أبو اليمه ترى
آنا اللي چنت امخدره
بعدك خذوني اميسّره
وظل خدري محروگ
تدري انطردنا ابچم بلَد؟
واندگت اطبول السعد
أخفيها لو أحچي بعد
جرّونا بالسوگ!
يا أعلى راس اعله الرمح جيتك أعاتب
ما ريد أرفع صوتي تسمعني الأجانب
ضاعت بنات العز عگب عزّ الغوالب
كل خوفي تتعوّد بناتك عالخرايب!
چم مرّه صكّوا جبهتك
يبن النبي بحجاره
والشامت ايمر مبتسم
وآنا ابغرب محتاره
ايحسبونا يا خويه جواري!
وامچتفه ايميني ويساري
-٣-
يا راس أبو الغيره الگمر
لا سامح الله النهر
تدري اللي شفته ابهالسفر
خلاني ما شوف
ايهد الجسد ممشى الهزِل
وابچفي مربوط الحبل
مثلك عسى يا بالفضل
طاحت هلِچفوف
تتصدّق اعلينا العوام واحنه ساده!
أصبحنا فرجه والعدو ابذلنا تمادى
راس ابن أبويه علّگه الطاغي ابجواده
وابكل حقد "يا خارجيه" اعليّه نادى
شيل السهم يا كافلي
وانظر سواد امتوني
يا للأسف زينب أنا
ابمجلس لهو ايوگفوني
دار الوحي معروفه داري
وامچتفه ايميني ويساري
-٤-
من مجلس لمجلس أطب
وابلا مُبرّر أنضُرُب
الراحه الوحيده بهالدرب
من تجري لدموع
الدرب الوعر أتحمّله
بس اللي ما أصبر إله
راس الرضيع أتأمّله
اگبال أمه مرفوع
هاي النساء الثاكله اشظل من حزنها
لو راس أخوها اعله الرمح لو راس ابنها
أما جثثهم فازت الخيل ابحضنها
ما حصّلت تكفين والحافر طحنها
ليلى على الأكبر تصد
رمله تصد عالقاسم
روس الهواشم تنتقل
من ظالم لچف ظالم
ضيعتنا ضيعه ابهالبراري
وامچتفه ايميني ويساري
-٥-
كل الجرالي مو سهل
مثل الجمر ما ينحمِل
لاچنّي أعرف ما مثل
دخلتنا للشام
يرمونا بالنار العدا
وأمشي لْيزيد امگيّده
ريته حلم عمري غدى
ولا تالي أنضام
ابّوابة الساعات وگفتنا طويله
حتى العدا مستغربه آنا العقيله!
ضاع الدلال وضاعت العتره الجليله
وابلا رقيّه رجعتي للطف ثجيله
چم طفله ماتت چم طفل
بالغربه واريناهم
صاروا علامه اعله الحزن
وأتمنى موتي اوياهم
يلفيني كل يوم احتضاري
وامچتفه ايميني ويساري
____________
شد حيلك يا مشاي
أداء
الملا محمد بوجبارة
كلمات الشاعر
امجد الشطري
مخطوطة - حسين مقيم
مكساج - حسين نجم
مونتاج - حسن رضا
انتاج وتنفيذ - حسينية سيد الشهداء - الكويت
------------
الليالي الحسنية ليلة 7 - 1445 هـ - 2023 م
#بوجباررة_ميديا
~~~~~~~~~~~~~~~
شد حيلك وكوم يزاير كربله
1
شد حيلك وتوكل للبقعة العظيمة
وأكصد صوب الجنة بإصرار وعزيمة
عطر حسين بمشيك راح يهب نسيمه
وشيخ أنصاره أيسجلك بجفوفه الكريمة
وأنت بالادين لوائك شايله
شد حيلك وكوم يزاير كربله
2
لتفوت هالفرصة هاي أعظم تجارة
عوف الدنيا وبالك تتركها الزيارة
كل هم ميظل عندك لو شفت المنارة
والما زار حسينه كل عمره خسارة
هاذي للأحرار رسالة عاجلة
شد حيلك وكوم يزاير كربله
3
ماظل شي للممشه هم روحك يزاير
البس ثوب الأسود خلك أنت حاضر
لأرض الطف عطشانه وملهوفة المشاعر
موعدنا وي زينب يم الكعبة باجر
زينب تناديك يراعي المرجله
شد حيلك وكوم يزاير كربله
4
درب حسين نوصفه وحِدة من العجايب
بالزحف المليوني تتلاكه المذاهب
هذا الموسم قرّب بيه الخدمة واجب
من هسه منشورة ومتحزمة المواكب
وترحب بصوت هلا وميت هلا
شد حيلك وكوم يزاير كربله
5
اقره بقول الصادق وأفهم شنهو كايل
بدرب الحسين الخطوة جم عمرة تعادل
أفضال شكد بيها ما يعقلها عاقل
بس صفيها النية ويبرالك بو فاضل
عباس أبو الزود يريدك توصله
شد حيلك وكوم يزاير كربله
6
راح تشوف بدربك أشكال المعاجز
الأعمى والأبكم والي بمشيه عاجز
يسولف وي حسينه ومرفوعة الحواجز
يمكن راح تشوفه يمشي وكلشي جائز
نظره من الحسين توصله للفلّه
شد حيلك وكوم يزاير كربله
7
من توصل يزاير للأرض الشريفة
تلكَه حسين هناكه فاتحلك مضيفه
تشرب مايه بصحنه وتشبع من رغيفه
وتعاهد يم كبره انك ماتعيفه
مشاي أجي ازحوف يَبن عقد الوله
شد حيلك وكوم يزاير كربله
