يالماگدرنه انزورك لاننحرم عاشورك | دخيلك ياحسين | الشيخ حامد الحساني

لطفاً إشترك في القناة واضغط على زر الجرس كلمات الشاعر | ابو عبدالله الشمري يالماگدرنه انزورك... لاننحرم عاشورك . . دخيلك... دخيلك.. للتواصل معنا WhatsApp | 07712100345 https://www.instagram.com/muslim.abdul.karim/ الخلود_للانتاج_الفني | https://www.facebook.com/alkhuloodm #دخيلك_ياحسين #الشيخ_حامد_الحساني @alkhulood يالماگدرنه انزورك... لاننحرم عاشورك . . دخيلك... دخيلك.. ____________________________ هاي مامرت علينه گبل شهرك ننهضم. شلون تتعلگ روايا اونگعد احنه بلا لطم. ننحُرم من كلشي نرضا اولا مجالس ننحُرم. عيونه امخزنه بواچي اوچنهه بيام الضُلم يالنور ألاهك نورك... لاننحرم عاشورك. دخيلك.... دخيلك... __________________________ صفنت العاشگ طويله اوصارت بطول الحَضر. اودمعت الحصرة چبيره اوحيل كاتلنه القهر. ارفع اچفوفك للاهك ها يمذبوح النحر. كون يفرجهه علينه گبل ليهل الشهر. يالمحتمين بسورك... لاننحرم عاشورك. دخيلك.... دخيلك. __________________________ مايرد ربك دعائك وانته صاحب مُعجزة. وامك ادور المجالس وين ماصار العزة. احنه من هسه انكتلنه شلون لو شهرك جزة. وچلمة الخاف ابجرحنه كل دقيقه اتفززة. اونذكر هذيچ اشهورك... لاننحرم عاشورك دخيلك.... دخيلك ____________________________ ادموع متعوده اعله ذچرك ياشهيد ارض الطفوف. اصدور متلهفه اوتناطر رايده اتعانق چفوف ياابو اليمه تعبنه اوقاسيه ويانه الضروف . اتعودينه اعله خدمتك خلي هالخدمه نشوف. خدمتنه بيهه احضورك.... لاننحرم عاشورك. دخيلك...... دخيلك ____________________________ انريد نحضرها المجالس وانته لازم دفترك. كل اسم بيدك تسجله اونعجز شما نشكرك. خلي كلشي انفارگ احنه ولانفارگ منبرك. والمناحر كلهه فدوه لقطرة من دم منحرك. انوفي نريد انذورك.... لاننحرم عاشورك.. دخيلك.. دخيلك. ____________________________ ياابو اليمه دخيلك فرگه لاشهرك يمر. احنه عشاگ المجالس والله ملينه الصبر. نريد نبچي اعله العقيله اوحيل نلطم عالصدر. عُمر مابي ذچر زينب كون لا طال العمر. بهل الامر جينه انشورك. .. لاننحرم عاشورك دخيلك... دخيلك.. لخادم أهل البيت الشاعر ابو عبدالله الشمري