أهم مقاطع الفيديو
قصيدة رايتنه غايتنه مابيهه تقصير المرحوم مله وطن النجفي
اللهم صل على محمد وال محمد
السلام على الحسين وعلى اولاد الحسين وعلى اصحاب الحسين ابدا مابقيت وبقي الليل والنهار
ارجو من الجميع مشاركة الفديوات لتصل الى اكبر عدد ممكن من اجل ايصال مظلومية اهل البيت عليهم السلام
الشاعر :الشيخ ابراهيم حسون الهنداوي
الخيل غارت والخيم مگصودهه
ويوم الاخوه اليوم دون حدودهه
________________
يوم الاخوه اليوم وبساعة الضيج
دون حدهه عله العده ليوث وتهيج
خيامنه بيهن نهب صار وحريج
والاعادي طمعت بفرهودهه
_______________
وين اخوتي وانه لو گلت اخوتي
خوف ترتج الارض من نخوتي
وبيكم اللي تنتخي ماهگوتي
حايره تظل تخمش بخدودهه
______________
العدهه اخوتي ماتظل محيره
ولا بعزهه تطمع اشرار الوره
لايخوتي الصار بخيمنه وجره
ليه تهد الدار ثمن لحودهه
_______________
حسين يبن امي ويبن داحي الباب
مايطيع الگلب وياك العتاب
عندي نشده ورادتي منك جواب
ولو مايتهل مرد منشودهه
_________________
ارد اذچرك من نويت عله الرحيل
وگلت نيتنه الضعن يمشي بلليل
گتلك انه وياك وارجالي چفيل
بيه يتوزم الناگه يكودهه
_______________
يوم الاخوه اليوم وبساعة الضيج
دون حدهه عله العده ليوث وتهيج
خيامنه بيهن نهب صار وحريج
والاعادي طمعت بفرهودهه
________________
وين اخوتي وانه لو گلت اخوتي
خوف ترتج الارض من نخوتي
بيكم اللي تنتخي ماهگوتي
حايره تظل تخمش بخدودهه
_______________
العدهه اخوتي ماتظل محيره
ولا بعزهه تطمع اشرار الوره
لايخوتي الصار بخيمنه وجره
ليه تهد الدار ثمن لحودهه
_____________
حسين يبن امي ويبن داحي الباب
مايطيع الگلب وياك العتاب
عندي نشده ورادتي منك جواب
ولو مايتهل مرد منشودهه
_______________
ارد اذچرك من نويت عله الرحيل
وگلت نيتنه الضعن يمشي بلليل
گتلك انه وياك وارجالي جفيل
بيه يتوزم الناگه يگودهه
________________
ماگلت عباس ماعنه بديل
ذاخره لهاليوم حماي الدخيل
اجه ودك صدره وكال انه الجفيل
بشيمتي انتي وانه كمت بزودهه
________________
اعذر اختك من تنشدك ياحسين
ليك اجيت مذاحره عباس وين
اليوم حل ذاك الوعد والوعد دين
واخته سوده من السياط زنودهه
_______________
زنودهه سوده ولحاميهه اعتنت
تشوف ليش عداه منه امنت
ثره بكدس خيلهه لخدره ودنت
وبالولي ماهاي من معهودهه
_________________
هاي ماچانت لزينب بالحساب
بكربله ينسلب من عدهه الحجاب
وتعتب ومحد يرد الهه العتاب
وعالارض كل طف ضحايا حيودهه
_________________
ايست منه ومشت عن مصرعه
لايجه ومحيره ومروعه
تريد للعباس راعي المشرعه
تصل يمه تطالبه بموعودهه
_________________
ليه مشت حسره ومدامعهه حمر
واشد جمر الغيض عدهه من الجمر
اليمنه منه بكتر واليسره بكتر
شافته مطروح ضنوة عودهه
_________________
نادته عباس خويه جيت ليك
اشتكي لك ضيعتي واعتب عليك
شفتك بهالحال مگطوعات ايديك
حيف وانطر راسك بعمودهه
_________________
نودعك الباري لعد جسمك نعوف
يسر ويه عداك من وادي الطفوف
اه لو عندك يبو فاضل چفوف
ماشفت بينه الاعادي چبودهه
_________________
الشيخ علي المظفر
الخطيب الحسيني الشيخ زمان الحسناوي ينعى ذكرى وفاة السيدة زينب عليها السلام في منزل اية الله الشيخ باقر القرشي
مجلس العزاء في ايام عرفه (2014-1435 هجري) لحسينية وموكب الرسول الاعظم الكربلائيه في دولة الكويت عند مرقد خادم اهل البيت اية الله الشيخ باقر شريف القرشي في مدينة النجف الاشرف بمشاركة الخطيبين الشيخ زمان الحسناوي والسيد هشام البطاط
لسماحة الشيخ صالح الكرباسي
مناقب فاطمة الزهراء عليها السلام
اعداد مركز الاشعاع الاسلامي للدراسات و البحوث الاسلامية
www.islam4u.com
