أحدث مقاطع الفيديو
أداء
الملا محمد بوجبارة
كلمات الشاعر
حسن طاهر المعيبد
مكساج
حسين نجم
مخطوطة
حسين مقيم
ترجمة
حسن القطري
إدارة المتابعة
محمد عبدرب الرسول
مونتاج
علي حسين الشافعي
إشراف عام
محمود السلطان
إنتاج
بوجباره ميديا
~~~~~~~~~~~~~~~~~~~~~
جيتچ لا روح .. (يُمّه) ولا عين
يا (أم احسين) .. خلّاني (احسين)
كلهم وايّاه .. وآنه ويَه الآه
خلّاني (احسين)
****
(١)
دار الحادي باحبابي .. وعليّه اندارت الوحده
ضاگ البيت يا (يمّه) .. وحلت يم گبرچ الگعده
إجيت وآنه شبه الكاس .. وبعز الظمه اتبدّه
بعض احزان (لِبنيّه) .. تحتاج لحضن (جدّه)
(يمّه) اخذيني .. بعد (احسيني) .. ضياع! ضياع!
شحال الطفله … وفوگ العلّه .. وداع! وداع!
گبرچ مجهول .. و دلّاني النوح!
بس المجروح .. يفهم مجروح
يحس ببلواه .. وآنه ويَه الآه
خلّاني (احسين)
(٢)
وگفت بالعمر، لايّام .. يـ (يمّه) بساعة الممشه
زغيره وجفني خلف (احسين) .. شيّب حاجبه و رمشه
لذت بيچ بنحيب الطير .. أخذوا لهفته و عشّه
الفگد لمّة أهل بيته .. يحس بيت الأهل، نعشه
العاف اعزازه .. يمشي اجنازه .. غريب … غريب!
راح الغالي .. ما خلّا لي .. حبيب ! .. حبيب!
جر گلبي الضيم .. يم گبرچ جيت
بنت اهل البيت .. بلا أهل و بيت
بغربة فرگاه .. وآنه ويَه الآه
خلّاني (احسين)
****
(٣)
الگال الـ جدّه ضمني و راح .. واخذ أحلامي من عيني
خلّاني ولذت يمّچ .. أگلّچ: (يُمّه) ضمّيني!
يا فاطم فلا ظنّيت .. الـ بسمچ چان ايسمّيني
مثل بابچ بعد ميروح .. الحزن يطبگ على اسنيني
بعد احبابي .. مثلچ بابي .. جريح .. جريح!
گلبي امن ايحن ..مثل (المحسن) .. يطيح .. يطيح!
بگلبي المزروع .. يم باب الدار
كل رجفة شوگ .. ينبت مسمار
نار امْحاتاه .. وآنه ويَه الآه
خلّاني (احسين)
(٤)
راح (احسين) يـ(ام احسين) .. ويمچ جيت أنتظره
ترك تحت الترب (زهره) .. وسط داره ترك (زهره)
ترى من فارگت حضنه.. وانا يا (يُمّه) متحيره
أخاف الخيل ما ترحم .. باقي ادموعي بصدره!
شحال الفاگد .. مو بس والد .. إمام .. إمام!
بصدره الحاني .. اتصير امچاني … سهام.. سهام!
أغفى بيا حال .. لو جن الليل
أسمع بالدار … ركضات الخيل
واسهر وانعاه .. وآنه ويَه الآه
خلّاني (احسين)
( ٥ )
إجيتچ بس جسد ناحل .. تركت ارويحتي ببابه
تهب ريح الهجر وتصيح: .. (آه يحسين و اغيابه!)
أشم گبرچ واسولف له .. و دموعي تبلّل ترابه
واوسّد خاطري، بضلعچ .. و اون لاحبابي و احبابه
عمري الأخضر .. بعد (الأكبر) .. جفاف .. جفاف!
ترجع (زينب) .. خدر امسلّب .. أخاف…أخاف
كلما أشتاگ .. (عبدالله) النوب
گمت و هزّيت … مهده المگلوب
سكته امناغاه! .. وآنه ويَه الآه!
خلّاني (احسين)
(٦)
يـ(يُمّه) اشحال معلوله .. واتشوف الدوه يسافر
بعد (البارحه) ظلّيت .. ما حس بطعم باچر
تشبه كسرة اضلوعچ .. يـ (زهره) كسرة الخاطر
تحفر خدّي دمعاتي .. امن احس بسحگة الحافر!
ازغيره وحزني .. أكبر مني .. عذاب .. عذاب
واللي امدّلل .. ما يتحمّل .. غياب … غياب
امن اسمع بالدار .. دگّة بيبان
أركض بالماي .. يمكن عطشان
بس ما ألگاه! .. وآنه ويَه الآه!
خلّاني (احسين)
الملا محمد بوجبارة
كلمات الشاعر
أمجد صاحب الشطري
مكساج
حسين نجم
مخطوطة
حسين مقيم
ترجمة
حسن القطري
إدارة المتابعة
محمد عبدرب الرسول
مونتاج
قاسم بو شفيع
إشراف عام
محمود السلطان
إنتاج
بوجباره ميديا
~~~~~~~~~~~~~~~~~~
وكت الفجر مامستقر كلبي حاير
دعواتي إلك بويه لهلك تلفي باجر
دعوه حميدة وجهك تريده
1
بليلة كئيبة صابتني ريبه
فزيت أدور مثل الغريبة
كلبي وجعني والهم أخذني
مو مطمئنه يـلــ واعدتني
وكت الفجر فزيت حسيت برزية
صليت إلك ودعيت ودموعي جريه
بهذا الدعه يابوي أدعو وشلت أديه
من كُل طارق كون يحفظك ربي إليه
بسمك صحت بويه شوكت يمي أشوفك
صبري كضه رد عوضه مااعوفك
الظلت وحيدة وجهك تريده
2
تسألني عيني وشوكي وحنيني
انعه واكلها هسه يجيني
كل بالي يمك مشتاقة أشمك
والثم جفوفك وبروحي أضمك
صار شكثر والعين ماشافت خيالك
شنهو السبب ماجيت ما ادري شجرالك
أبالي أنت أدور وآنه أدري أعله بالك
يَحنَيّن الدلال محتاج الدلالك
أبنيتك محتاجتك رد عليها
بدونك بقت وتغربت ماتجيها
جيتك بعيده ؟ وجهك تريده
3
ليلة أعله ليلة دمعي أسيلة
تدري سفرتك صارت طويلة
منهو الاسأله وعليك أكله
يابويه هجرك سوالي عِلّه
كل يوم أكول اليوم ترجع ياحياتي
وآنه أعله هذا الحال فاضت نايباتي
لنه أجاني حسيـن كلي ياغلاتي
أنتي يبعد الروح وحده من بناتي
هدني السهر حالي بخطر وأنت سكته
خوفي بقهر أسمع خبر ماسمعته !
بنت العقيدة وجهك تريده
4
مرت ليالي وحسين اجالي
خله أعله راسي أيده وحجالي
سألته بنحيبي وينه حبيبي
فكده ذبحني وهو طبيبي
كلي بعد ميعود أيسي ياحميده
من القصر شمروه وتكَطّع وريده
وتالي بحبل جروه ومكيده أيده
وديني كتله أعليه محبوبي أريده
كلي بعـد حان الوعد ماتشوفيّ
ظهره أنكسر وبلا نحر نوحي وانعيّ
السكنت البيده وجهك تريده
5
جتني رقية لزمت أيديه
بهذا مصابي تهون عليه
شافني أعاني بهمي السباني
كالتلي مثلج هم باجر أني
كتلها شنو يصير كولي يارقية
كالتلي رأس حسين احضنه بهاي أدية
أنتي إلي ماشفتي الابو بيوم المنية
بس آنه اشوفه بطشت والشيبة دمية
بذاك المحل يلفي الأجل بالخرابة
وأنتي بحزن كلبج يون وينه بابا
حالة شديدة وجهك تريده
[ عذرته ]
ليلة 10 محرم1445هـ
-
-
أداء الملا محمد بوجبارة
كلمات الشاعر
علاء عبدالحسين الكربلائي
-
مخطوطة - حسين مقيم
ترجمة - حسن القطري
مكساج - حسين نجم
مونتاج - قاسم بوشفيع
إدارة المتابعة : محمد عبدرب الرسول
إشراف عام : محمود السلطان
إنتاج: بوجبارة ميديا
1445 هـ - 2023
مأتم النمر سيهات
~~~~~~~~~
يا خيل من عنده شتريدين
بالله اعله جسمه لا تسحكين
عطشان اخيّ ومات مذبوح
كبالي تطشر جسم الحسين
……
يخيل وهذا ابو اليمه … نكطع نحره نسلب هدمه
وصل يم الخيمه عظمه …. تسلب … تعذب
تعالان سحگن بعظمي … كافي ادوسن ابن امي
كفايه اعله الترب مرمي … تخضب … تغيب
الف وتسعمية جرح بيه
وجسمه اعله كبر الطف تطشريه
حرورة عطش من دم الجروح
وصلت لعد باب الصواوين
………
غريب وجثته مطروحه … يلوج امن الضمه بروحه
وحوافرجن عله جروحه … جمر آه … اويلاه
يدير بعينه لخيامه … يريد يودع ايتامه
كافي ادوسن اعضامه … حسيناه … غريباه
يا خيل مو كافي تعذبيها
وجسمه بحوافرجن تگلبيها
بالحرگه اموتنً يمه مسموح
وچبده نجسم بالنبله نصين
………
الرمل حار وجوه خده … وطلع وي السهم چبده
يخيل وحيل ما عنده … تحير … تغير
برگبته اكبالي يتلوه … تجر ريته الهوى گوه
واكولنً هوه مو هوه … تعفر … توذر
بخاصرته مطعون برمح حيل
وطالع سهم من ظهره يا خيل
واعله الوجه عالغبره مطروح
وحده غريب وماله امعين
………
ندهته يا ابو الاكبر … يريد يكوم ما يگدر
وجسمه امن الدمه احمر … فجعته … وعذرته
الشمر كاعد على صدره … وبده اكبالي يحز نحره
يذبحه ويشتم الزهره …. سمعته … نظرته
شفته التفلي وشايل الراس
حسينچ ذبحته ووينه عباس
طكني وشتمني وطلعت الروح
ومنين اجتني كربله منين
…………
صعد راسه برمح عالي … يخيل وجيتن اگبالي
تسحگن جثت الغالي مصيبه … عجيبه
الحوافر تسحگ المنحر … و سمعت ضلوعه تتكسر
جمعته وجسمه يطشر … غريبه … سليبه
صدره اعله ظهره كبالي مطبوگ
ومثل المخيم كلبي محروگ
وجفني اعله راعي الغيره مشبوح
ومني اعتذر ما عنده جفين
…………
اخويه الغمض عيونه … شفتهم من يسلبونه
شفتهم من يذبحونه … ضحيه … شبديه
كطعو خنصره وشفته … وشفت دم وضمه بشفته
اخويه اعله الثره عفته … رميه … اذيه
يا خيل رحت اركض للخيام
بالنار اطفي واجمع ايتام
وموقف ابد عن بالي ميروح
طولي طلع وتشوفه كل عين
……..
اخويه الحمره شيباته … شمر طب اعله خيماته
وعله النسوان طگاته … ضربهن … يسبهن
الحرم سمعو بواجيهن … وخيمنه طاحت اعليهن
شعل نار الحقد بيهن … سلبهن … نهبهن
واني غريبه ولوني مخطوف
اعثر واكومن بين الصفوف
وخلص نهاري بدمعه وبنوح
ها يخوتي وين اتجه وين
……..
أداء
الملا محمد بوجبارة
كلمات الشاعر
حسن طاهر المعيبد
مكساج
حسين نجم
مخطوطة
حسين مقيم
ترجمة
حسن القطري
إدارة المتابعة
محمد عبدرب الرسول
مونتاج
مهدي الحداد
اشراف عام
محمود السلطان
إنتاج
بوجباره ميديا
~~~~~~~~~~~~~
ورده وتدوّر حضن ساگيها
والعطش بالصحره يفتر بيها
و بالأسى تفوح .. غصن مجروح
(١)
طول الرحله بس تتصفّح الوادم
وجفنها من مسية الفرگه ما نايم
بعطرها امبينه ورده من (بني هاشم)
حلمها تشوف (مُسلمها) يرد سالم
مثل رجفة غصن بالريح .. هيچ الشوگ خلاها
إذا تتلفّت اتدوره .. الضعن يتلفّت اوياها
والرساله الـ بالدمع مكتوبه:
والدي، محتاجه شمّة ثوبه
اختنگت الروح .. غصن مجروح
******
(٢)
لو حان الفرض الله يساعدها
الما تسمع لاذان بصوت والدها
(حميده) بالدمع غرگت (محامدها)
و تتأمّل يجيها (احسين) يعايدها
ويگلها: گرّت عيونچ .. بوجه الوالد الغالي
لچن منّ الحلم تفزع .. فقط دمعه وحضن خالي
تدوّر بوجه (الحُسين) ابشاره
وترجع اكثر من گبل محتاره
ترجع تنوح .. غصن مجروح
*******
(٣)
زغيره بس گلبها ونّته اثجيله:
مصحف منكسر خاطر تراتيله
چفها للدُعا ما تگدر تشيله
تلزم راية العباس وتدعي له
يكاشف كرب اخوك (احسين) .. إكشف حيرتي وكربي
أبويه يقدّس اچفوفك .. خلّيها على گلبي
اتگلّه: إمسح عالجفن بالرايه
وافتح وألگى الأبو وايّايه
و غرّته اتلوح .. غصن مجروح
*******
(٤)
شيعوضه الأبو لو عاف لبنيّه
شيفيد الماي للعطشانه حنّيه
الطفله برحلة الغربه الحُسينيه
امن اتودّع ابوها، تحسها مسبيّه!
تظل تتمنّى والدها .. إذا ينجاب طاريّه
يجي وتجيب خاطرها .. واتخلّيه باياديّه
گبل ما تنشد أبوها اشلونه
امن التعب تغفى بأمان اعيونه
اتگلّه لا تروح .. غصن مجروح
******
(٥)
الأبو لمّن تصير ابعيده أحضانه
بليالي الصيف ترجف بنته بردانه!
بت (مُسلم) تصد لـ(احسين) حيرانه!
كلما نادته، تتغيّر الوانه
الله يعين ابو اليمّه .. شيبدي بهمّه شليكتم
يظل يتوچى عـ(العباس) .. إذا جابوا إسم (مُسلم)
الراح ابن عمّه و رفيق اجروحه
تنسمع بونينه كسرة روحه!
يعيش مذبوح .. غصن مجروح
******
(٦)
بيا حاله إذا إسم الأبو اتسمْعه
وجفنها بالعمر أصغر من الدمعه
لو عدها گلب يسمعها من تنعه
تطاوعها المسافه و توصل لـ (طوَعه)
تشوف بطيف والدها .. بدروب الديره لبعيده
إذا يتذكّر ابنيته .. يطيح الماي منّ ايده
تمشي ولو مرها طاري (الكوفه)
تدوّر (احسين) وتضم اچفوفه
ونها مبحوح .. غصن مجروح
******
[ يرتاح خلوه ]
ليلة 9 محرم1445هـ
-
-
أداء الملا محمد بوجبارة
كلمات الشاعر
عبدالله بوحمد
-
مخطوطة - حسين مقيم
ترجمة - حسن القطري
مكساج - حسين نجم
مونتاج - قاسم بوشفيع
إدارة المتابعة : محمد عبدرب الرسول
إشراف عام : محمود السلطان
إنتاج: بوجبارة ميديا
1445 هـ - 2023
مأتم النمر سيهات
~~~~~~~~~~
دمّـــي ســد عـيـن المهـر مـن كـثـر الجراح
ظنّـــه رايـــح للخــيــم بــــس للعـــــده راح
من تگطّعني السيوف .. ريت أبويه مـا يشوف .. مـقـتـلـي
*** *** ***
من جـره دمّـي اعله مهري وسدهــا عـيـناه
صِحِـت الله ايعــيـن أبويــه بالـــــــي ويّـــــاه
لو نظر هالطبره خايــــــف موتـــــــه يـدنــاه
والأشـــد من هــــــذا مهري ضـــــاع مسـراه
يركض ودمّي يصب .. چنّــه يركض عالگلب
وآنه اگلّـه هالــدرب .. مــــو درب الخــــــيام
وانته تـدري بالأمــر .. عندي والــــــد ينتظر
لا تگصرلـــــه عمر .. مـــن گبــــل السهـــام
يا مهر صــــوب العــــده يا ريـــت متْـروح
آنــه روح الوالـــدي رجّــع إلـــــــه الــروح
لا تزيّـــد لــــه آذاه .. كافــي بالعاشر تـــراه .. مبتلي
اعداي إجت وآنــه اصرخت بــس ما يسمعون
بالسيـــوف وبالرّمــــــــــــاح أدري اشتريـدون
ويّا جسمــــي گـلـــب أبويـــــــــــــه لا تگطعـون
ابعـيــد إخذونــــــي وبعـــــــــد ســوّوا التسـوون
كل فرد ليّـه گصــــــد .. شنهو مـــا عنـده ولـد
لو نوه ايضــربه أحــد .. يتراكــض اعـلـيـه
العين أبوي آنـه الضوه .. ايضمني من هبّ الهوه
ومن تضربوني ســــوه .. چنّـه الضرب بيــه
ردّوا اعليّــــه الذَبِحتــــــك كلـنــــــه نــاويــن
من نذبحك ردنــــه نحــــرگ گلــب الحسـيـن
انريده ينحـب بالمصـاب .. وگلبـه يبگه بالعـذاب .. يـغـتـلي
اسيـــوف كـثـره الگطّعتنــــــــــي وشگّــــت الثـــــوب
والتراب التحتـــــــي كلّــــــــــه ابدمّـــــــــي مخضوب
اشلون ينظرنــــي أبويــــــــــــه وآنـــــــــــه مصيــوب
ابعيني صـــورة وجهـــه ذابــــــــــل كلّــــــه متعــــوب
وصوره مــــا بيـن الصور.. إيد أبويـــه اعله الظهر
وصرخ صرخه امن القهر .. بـس لا تضربــوه
اشويـه خل ياخـــذ نِـفَـــس .. بالدمه وجهـــــه انترس
يا بشـر مــو كـافــي بـــس .. يرتـــــاح خلّـــــوه
وآنـــه اگلهـــم مــــــــو گــلـــــت إخذونـــــــــي لبعـيـــد
گالـــــــوا احسينــــك نريـــــده ايشــــــــــــوف وانعـيـــد
وسيف يضربني اعله سيف .. والضحك منهم يحيف .. يعتلي
اعـــداي مـــن كثر الضـــرب سوّنـــي أوصـــال
وآنـــه احس موتـــي گرب من هــــاي الأهـــوال
اشتگـــت أشاهـــد أبوالأكبـــــر گبـــــل الآجــــال
صــرت أنادي يا حُسيــــن أدركنــــــــي بالحـــال
من صِحِت باسمه فزع .. وآنه أدري مـــن طلع
هوّه چــــــــم مره وگع .. مــا بين عــدوان
اشكثر طاح اعله الأرض .. مدري ظل عنده نبض
خوفي يتعــــب بالركض .. وادريـــه عطشان
اينادي مـــنّ ابعـــيــد إلي هسّه الأبو ايْـجـــيــك
لا تمــــوت الخاطري خــــل أنظـــر اشـــبيـــك
كلشي منّ يبني ضاع .. او يا علي حــلــم الوداع .. ظل إلي
الصــدره ضمنـــي من وــصل وايجرهــــا ونّــات
او نــام يـمّـي عالتـــرب وآنــــــه احسبــــه مــــات
يصحـه مـرّه ايشـــــوف حالــــي ايمـوت مـــرّات
گـلّـي مـــــا أگــــــدر أعوفـــــــك إنتــــه بالـــذّات
بيّــــــــه يالغالي عِشِت .. لحظه عنّــــي غَــبِـت
تالي بالطّـــــف ألتفـت .. ما اشوفـك اشلون
اعليك آنه اتعــــــوّدت .. وتـدري يوليــــدي ردت
ننذبــح نفــس الوكــت .. وابمصرعك كُون
كُــــــــون أمــــوت اوياك يبنـــــي اشگــــــد تمنّيت
وبــس گبـــر واحـــــــد يلمنـــــــه يا عـلـــي ريـــت
إنته إبني وكل هواي .. وانظرك بالدنيــــــا هاي .. كل هلي
گمــــت أنازع بيـــــن إدينــــــه وگلبــــــه مفطـور
ويّا طلعـــــت روحـــــي عينـــــه کامـــت اتــــدور
هـــذي لحظاتـــي الأخـــيـره ويختـفــــــي النـــــور
وصــار آخــــر شــــي أشوفــــه احسيـــن مكســور
اكْسَرَتْ گلبـــي دمعته .. اشگد تألّــــــــم حالته
إبگــه يمّــــي صرخته .. يوليدي أرجـــوك
صعب مثلك أفگــــــده .. احسين منهو ايســاعده
كافي موه بالطف العده .. جدّامي ذبحــــوك
ضمني وايگـلّـــي اشكثــــــر راح أبگــــه مشتاگ
وآنه اگلّــــه أعـــــــتـــــذر مو حــــان الفــــــراگ
روحي طلعت بين إديه .. واسمـــع اينادي ابّچــيــه .. يا علي
-
أداء الملا محمد بوجبارة
كلمات الشاعر أبو_يحيى المسعراوي
-
ذكرى استشهاد السيدة فاطمة الزهراء
عليها السلام-الرواية الثانية- 1445هـ
*بضعة النور 3*
مخطوطة - حسين مقيم
ترجمة - حسن القطري
مكساج - حسين نجم
تصوير ومونتاج - اليقين ميديا
إدارة المتابعة - محمد عبدرب الرسول
إدارة الإنتاج - محمود السلطان
-
إنتاج: بوجبارة ميديا
1445 هـ - 2023
~~~~~~~~~~~~~~~~~~
الا بذكر فاطمه
رب السمه وصانه
وياها دنيه وآخره
وأم الحسن ويانه
________________
يا فاطمه هذا الأسم من ينذكر أمان
حرز الموالي السرمدي من كبوة الزمان
سر الله المستودعه
الصديقه والشافعه
الينخاها مترجعه
من جفها الكريم
المعصومه بأعلى الرتب
بارينه الها وهب
الميمونه بجفها انكتب
الرحمان الرحيم
وكل القرون الماضيه
بالراضيه ولهانه
وربنه جعل حبل الوصل
ما ينفصل ويانه
________________
أم الوجود بأكمله وأم سيد الوجود
من فاطمه والفاطمه كل الخلق يعود
وبجفها ايدور الفلك
خادمها حتى الملك
ونگله الغاصب فدك
والموعد قريب
الزهراء المحدثه
حقها وهي الوارثه
ما ننسه هالحادثه
والحق ما يغيب
بنت النبي خير المله
والبسمله بقرانه
بيا فاطمة مدد مدد
وكت الشدد ويانه
________________
بيا فاطمة ترد الشمس لا هذا مو عجيب
بيا فاطمه عيسى نرفع شبهْ على الصليب
و ذنون بذاك الخطر
والحوت الوسط البحر
يا فاطم لمن ذكر
صارتله سلام
ويوسف بالبير التجه
من الزهره عطف ارتجه
من خوانه يوسف نجه
ونزاح الظلام
بيا فاطمه شق البحر
موسى انتصر بيمانه
هذا الاسم من نندبه
أهل العبا ويانه
________________
بنت ابو القاسم فاطمه زوجت علي القسيم
الوالاها في جنة عدن العاداها في الجحيم
ميزان الحق والعدل
الايمان بفرع وأصل
لولاها ما تكتمل
اصحاب الكساء
فاطم قران المجد
فاطم آيات الحمد
فاطم يا اعظم ورد
في أرض وسماء
عين الله بنت المصطفى
وبعاطفه ترعانه
ويوم القيامه وبالحشر
من ننحشر ويانه
________________
اكبر حصون بخيبره روح سأل الشهود
بيا فاطمه حيدر قلع بوابة اليهود
فاطم باب الموعضه
من ترضه الباري رضه
جوشن صدر المرتضى
من ضيم الدهور
فاطم حجه اعله حجج
وللدين شريان ودج
فاطم للمهدي الفرج
في يوم الظهور
وصوت الامام المنتظر
طول الدهر مولانه
يا فاطمة يا فاطمة
يا فاطمة ويانه
________________
حسينية القطان
الهفوف - الأندس
مخطوطة | حسين مقيم
مكساج | مصطفى آل حمد
مونتاج | حسين باقر
• إنتاج : بوجباره ميديا
• | 1444 هـ - 2022م
• | ذكرى مولد نبي الرحمه (ص)
• | خبروني
• أداء | الملا محمد بوجبارة
• الشاعر | السيد حسن سعدون
• مجلس القاسم ابن الإمام الكاظم (ع)
• مخطوطه | حسين مقيم
• مكساج | حسن مرهون
• ترجمة | حسن القطري
• اشراف عام | محمود السلطان
• إدارة المتابعة | محمد عبدرب الرسول
• مونتاج | خادم العباس
• إنتاج : بوجباره ميديا
يا سيدة حبي
أداء: الملا محمد بوجبارة
كلمات الشاعر : أبو نجم الاحسائي
مكساج: حسين نجم
مخطوطة: حسين مقيم
ترجمة: حسن القطري
إدارة المتابعة: محمد عبدرب الرسول
مونتاج: علي حسن
إشراف عام: محمود السلطان
إنتاج
بوجبارة ميديا
~~~~~~~~~~~~~~~~~~~
يا دمعي وافراحي
يا بلسم اجراحي
يادرعي واسلاحي
يزينب..يزينب
~~~~~~~~~
1
يا سـيدةْ حُــبي
إنتِ نبض گلبي
ونور الله في دربي
وصومي وصلاتي
مثلچ ألاگي منين؟!
ياجامِعه الضدين
يا مدمع العينين
و فرحةْ حياتي!
يا وردة قُدسية
حورية إنـسـية
چفوفچ سماوية
يزينب..يزينب
~~~~~~~~~
2
من فاطِمة وحيدر
چــفَّچ نَبِع كَوثـــر
و بنَهْرَچ الأطــهــر
*أنهَل عقــيدة*
يا رحمةْ أحبابچ
مـن أعـتني بابچ
ألگى على اعتابچ
كُل شي أريده
حاشا أظل حاير
يا لبـوةْ العـاشر
ذليتي كل فاجر
يزينب..يزينب
~~~~~~~~~
3
معصومة بِتْ معصوم
تــحديتي كل اهمــوم
نَكَّستي روس اخصوم
و صرتي الأمــيرة
صوت الحُسين انتِ
عالكِل تِــسَـيَّـدتي
و عالنَّــاقة مَـثَّلْتي..
بَدر العــشيرة
رُغْـــمًــا على الأرجاس
بعِز و فخر واحساس..
شـلـتــي عَـلَم عباس
يزينب..يزينب
~~~~~~~~~
4
أدري تسمعيني
و حاشا ترديني
مولاتي سجليني
زاير في هالعام
زاير لَبو الأحرار
و ذُرِيَّته الأطهار
و عباسچ المغوار
و أتعنى للشام
أتــمنى يم گبرچ
أزحف واشم عطرچ
و تعطيني مِن صَبرچ!
يزينب..يزينب
~~~~~~~~~
5
و آخِر طَلَب يُمَّه!
ثَــبْـتِيني عالخِدمة
ورزق الدَّمِع رحمة
ونعمة عظيمة
بيچ ارتفع قدري
نـاذر إلـچ عُمري
و تْـصَرِّفي بأمري
يا هالرحيمة
بفضلچ سِطع نجمي
وخَتْم الوِفى بوَسْمي
(عبدالعقيلة اسمي)
يزينب..يزينب
• | ذكرى استشهاد الرسول الأعظم
(صلى الله عليه وآله وسلم)
• | نبرة رعب
• أداء | الملا محمد بوجبارة
• كلمات | أبو تراب الأحسائي
• الحسينية العلوية ببلدة الجبيل - الأحساء
• مخطوطه | حسين مقيم
• مكساج | حسن المرهون
• ترجمة | حسن القطري
• اشراف عام | محمود السلطان
• إدارة المتابعة | محمد عبدرب الرسول
• مونتاج | علي باقر
• إنتاج : بوجباره ميديا
