🏴 ليلة ٢١ صفر ١٤٤٧ هـ 🏴 ‎ 📍 هيئة باب النجاة - العراق - كربلاء المقدسة [ شايلها عباس ] 🔹أداء : الشيخ حسين الأكرف 🔹كلمات : رضا درويش —————————————— 🔹الكلمات : بالرايه يحسين اجينه وكربله الغايه شايلها عباس وأبد ما توقع الرايه للموت.. وياك وياك .. وياك # يا بوفاضل .. تعاهَدنه على حبك عهد رايتك تحملها بالدم شيعة احسين ولا توقع أبد يا بوفاضل .. تسلمناها منك معتقد ما تطيح الرايه دام انته يعباس إلى الرايه مدد قسم بالأضالع تظل رايتنه مرفوعه بسمانه في خط الولايه ولو تجري ألف مره دمانه أمانه اوتدري بمناحرنه نحافظ عالأمانه قيادتنه عباس نموت احنه ولا يوقع لوانه مـوعدنه عـاشور .. عـهدنه ثـبّت أقـدامه غصبا على اعداك .. رفعنه الرايه والهامه بالروح .. نفداك وياك .. وياك # هاشميه .. يمحلاها في جفين القمر امذهّبه ابخيط الوفه والغيره والباس تدوس اعله الخطر تشهد الطف ..مِنِ احدود الخيم حتى النهر كلها ترجف من يشيل الرايه عباس ويصليهم سقر حفظنه درسنه وفهمنه كربله منّ الولاده وخط المراجع صنع من كربله أعظم قياده تخوفنه بالموت؟ قيادتنه حلمها هالشهاده فخرنه فخرنه سلام الله على سيد القاده ابكل الميادين.. تعيد أمجاده أنصاره عاهدنه يحسين .. ابد ما ينسّى ثاره ثارات .. عشناك وياك .. وياك # جينه يحسين مثل (بن عوسجه) نفدي العمر والله لو سبعين ألف موته علينه أبد ما ننكسر هالوثيقه من أبناء اللطم فوق الصدر ما نعوف الرايه لو قطعوا ايدينه إلى يوم الحشر إرداتنه حيدر ومعروفه الإرادة الحيدريه إذا جيتوا جينه ونقلبها عليكم خيبريه عليٌ عليٌ اذا صحناها زلزلنه الوطيه واذا متنه ندري عسل في حب علي طعم المنيه ما نرهب الموت .. وأبونه حيدر الوالي قلاّع لحصون .. يعيد الكرَّه من تالي كرار .. شفناك وياك .. وياك —————————————— ‏Chapters: 00:00 - شايلها عباس 01:04 - يا بوفاضل 03:03 - هاشميه 05:43 - جينه يحسين —————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ——————————————

الليالي الكاظمية ١٤٤٧ هـ 🏴 ‎ 📍 فندق برج الجواد - العراق - بغداد [ جسر فوق الجسر ] 🔹أداء : الشيخ حسين الأكرف 🔹كلمات : سيد علوي الغريفي —————————————— 🔹الكلمات : جاي / فوق الجسر بجنازتك جاي ماي / احنه الظمايه وشوفتك ماي يا جسر فوق الجسر من رحت مات الصبر آه يمولاي ١ ما بـگت راحـه / بسجنه واجراحه آنـه عـبْـد ..وسيدي ما أحتمل عذابه والسجن لو منگفِل بس قلّي ياهو بابـه قـلبي مفتاحـه لحظة اسجوده / أفتح اگـيوده ولحظة اركوعه أفُك عن رجـله هالسلاسل الحديد ايألمّه وايحزّ عله المفاصـل شگد نحـل عـوده وآنه أنظر من بعيد وهوّه رافع لله إيـد قانت وكان الحديد ينزف اجروح من كثر ماهوْ نحيل من عله السجّاده قِـيل چنّه بسْجوده الطويل ثوب ومطروح من سجوده ماله نهظة والحلَـق سـاگـه يرضّـه لله يـدعـي بتالي فرضه خُذ إلـهـي حته تـرضه تـالي تتخـيل إمامـك غايـب انفاس عالجسر نعشه انترك مكشوف إلى النـاس وأقسى جُملة اعلينه هيّه: مات إمام الرافضية ——— عالجسر نعش طريح جريح / ذبيح يفوح اعله البشر عطر إرادة يا جسر هذا الجليل نحيل / قتيل وكرامتهم من الله الشهادة بِـلگياد / تخلّه اعله الجسر والدمّ بِدينه بِـلگياد / في طامورة ألم غمّضها عينه على الرصافة / طالت المسافة وابتعد عنّـه الي كنّه بانتظاره محد يجي له / امن الجسر يشيله راح أملنـه والحزن شيطفّي ناره بالسجن موسى ابنِ جعفر ختم حياته ما گدر هارون ايزعزع أبد ثباتـه الرشيد بعرشه يرحل إلى زواله موسى حدّ هاللحظه باگي عطر صلاتـه ٢ الصـبر ويـنـه / والله حـنّينه لـو حبيبك يـبتعـد .. يرجـع لك بسـلامـه والـ نحبه امن ابتَـعـد ما شفنه لِـبتسامه وما فـتح عـينه ننتظر صـوتـه / وجانه تـابوتـه أقسى أنـواع الفگـد من بعده تلگـه وَحشة الي تنطـر طـلتـه.. محمول ايطلّ في نعشه صعبة هالموتـه نحـمـل المـاي ابنـعـش واحنه يحملنه العطـش ساعه من ليل احدعـش چـنها عـاشور هالـنـعـش لمّـن ظــهر كل شي بالدنيه انكسر بالفـگـد حتى الظَـهـر ظـهره مكسور الـورد ذابـل بيـديـنـه ومنكسر خاطر علينـه وينه رايـح عنه وينـه بعدك احنه منهو لينه وجهك النوراني نحتاجه يمولاي وإنته تدري بحاجة العطشان إلى الماي بالعمر ما لينه عازة متنه من شفنه الجنازة —————- يا جسر من الغياب عذاب / مصاب حلمنه ينذبح على الرصافه الفرج متى يِحين حنين / ونين جرحنه يابو صالح ما تِشافه يمهدي / أملنه انته واحنه بانتظاره يمهدي / يمن علينه ننتظر نهاره أملنه بيدك / سيدي نريدك يابوصالح الجرح ينادي ثارك قلبنه ذايب / العجل يغايب ذابت عيون الليالي بانتظارك ظلمة كلها الدنيه يمتى نلاگي نورك انته غايب لكن احنه نحسّ حضورك الفرج يا منتظرنه يكل رجانه سيدي يا مهدي عجل على ظهورك ٣ راهبُ الصبرِ / قائدُ النـصرِ أين يمشي.. ظـلُّهُ النضالُ والكفاحُ قاصماً أعداءَهُ .. وصبرُهُ السلاحُ قيـدُهُ الصابر / غضبةُ الثائر حين يخطو ترجفُ الأرضُ ومَن عليها سجدةٌ .. وننتمي إنّا هنا إليها صوتُهُ هادر كاظميونَ الأثـر بأسُنا لا ما انكسَر كفُّنا ترمي الشَـرر في الميادين فابنُ موسانـا الوليْ قـال يا نـارُ انـزلي فوق رأسِ المعتدي حارسُ الدين لو أعادوا حُكمَ هارون نحنُ .. نحنُ الكاظميون و أوليْ بأسٍ شديدٍ رغم ما هدّدتَ .. باقون —————————————— ‏Chapters: 00:00 - جسر فوق الجسر 01:20 - ما بـگت راحـه 12:31 - الصـبر ويـنـه 24:08 - راهبُ الصبرِ —————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ——————————————

📍 المخيم الحسيني - العراق - كربلاء المقدسة [ لن تمحو ذكرا ] 🔹أداء : الشيخ حسين الأكرف 🔹كلمات : رضا درويش —————————————— 🔹الكلمات : بِرَغْـمِ الـدَّمْـعِ وَالآهْ .. مَلَأْنَا الأَرْضَ نَـصْـرا فَكِـدْ كَــيْـدَكَ وَالــلَّـهْ .. فَلَـنْ تَـمْـحُوَ ذِكْــرا فَمِنْ زَيْنَبْ.. إِلَى زَيْنَبْ..مَلَأْنَا الأَرْضَ نَصْرا #/#/# يتامى ابنار غصتنه زينب تروي قصتنه لو زاد الوجع زدنا صبر أكثر جرحنه طبعه يتميز جبل راسخ ولا يهتز ربّتنه العقيله ابمدرسة حيدر من العمه زينب .. عزمنه تلهّب ودمعنه تِحوّل جَمُر زينبي وكل عبره تهمي .. على الطاغي ترمي تِعلمِنه معنى انهزام السبي وعنا تُخْبِرُ الشامْ .. حديثَ التضحياتِ فخُذْ قولَ دِمانا .. و دَعْ قولَ الرواةِ فمن زينب .. إلى زينب ملأنا الأرض نصرا # ابعون الله تصبرَّنه مهما الدنيه تغدرنه لو حبل السبي جرّح أيادينه ضحّينه بأعز الناس لو جثه بليا راس لو سِن الرمح ياخذ غوالينه اذا همنه خيّم .. على الحوره نلتم محد يشبه الحوره وقت الصبر تسهّل صعبنه .. وتمسح قلبنه عرفنه ابمحبتها طعم النصر نمى دمّ الأضاحي .. ولم تخبُ الدماءُ ولولا صبر زينبْ .. لضاعت كربلاءُ فمن زينب .. إلى زينب ملأنا الأرض نصرا # زينب قادت الثوره والمنحر كتب نصره من يوم اللي زينب دخلت الكوفه هزت عرشه بالخطبه كلمه عن ألف ضربه بت حيدر علي لا تظنها مجتوفه عظيمه بأسرها .. ولاحد كسرها وهيبة مُحمد عليها تظَل إجت من خدرها .. هوّية نصرُها مصونه او عفتها مضرب مثَل إذا صالت بصبرٍ .. تراها حيدرية و إن جالت بخدرٍ .. تراها فاطمية فمن زينب .. إلى زينب ملأنا الأرض نصرا # إلى كل طاغي يتجبر اسم زينب يظل أكبر خل يسأل (يزيد) اشسوت الحوره مهما ابعرشه يتفرعن ابزينب ما يخيب الظن تقلع كل عرش ظالم من اجذوره مشينه ابخطاها .. وصحنه بنِداها و"كد كيدك" افكل زمن حاضره ومن يهوى زينب .. أبد لا ميتعب وروحه .. ابقين و أمل .. صابره قريبٌ موعد الثار .. على رغم الطغاة ومهما الليل قد جار .. فإن الصبحَ آتِ ومن زينب .. إلى زينب .. ملأنا الأرض نصرا —————————————— ‏Chapters: 00:00 - لن تمحو ذكرا 01:27 - يتامى ابنار غصتنه 03:50 - ابعون الله تصبرَّنه 06:38 - زينب قادت الثوره 09:05 - إلى كل طاغي يتجبر —————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ——————————————

🏴 الليالي الكاظمية ١٤٤٧ هـ 🏴 ‎ 📍 فندق برج الجواد - العراق - بغداد [ أنتظر و أشتاق ] 🔹أداء : الشيخ حسين الأكرف 🔹كلمات : رضا درويش —————————————— 🔹الكلمات : أنتظر وأشتاق أشوفك .. أشوفك والمدامع.. موسويه والله ما أقدر أعوفك .. أعوفك الله شاهد.. مو بيديه أنه المعصومه يا باب الحوايج # في المدينه وأنه بوحشة اديارك أنتظر لو رساله عن أخبارك بعيده الفرحه وآنه بعيده عنك يمن تسوى حياتي ..نظره منك تذوب اشموعي يا كل انتظاري أنه بحُريّتي وانته في سجنك يبويه.. يقولون العمر كله ابزناينك يبويه .. يقولون الحديد امجرّح ايدينك ما حجب سجنك جمالك لو في طيفك .. رد إليه بويه سَهْرَّني خيالك آنه بنتك .. حن عليه أنه المعصومه يا باب الحوايج # مو"فداها أبوها" قلت ليّه وانتظرتك تجي وطالت الجيه عسى بعيد البله وسالم تجيني وتضمني ابكل حنانك يا حنيني نذرت أقرأ عزه عالزهره بويه إذا ترجع إلي وتسمح جبيني غريبه.. وأدور عن وطن وادموعي منهاره وأبويه.. ابسجن ما ينعرف ليله عن انهاره صاحب السجده الطويله عنّي طول .. في مغيبه قالوا .. أقياده ثقيله ما يرد لج .. يا غريبه آنه المعصومه يا باب الحوايج # الوعد للفرج قالوا الجمعه وشيعتك عالجسر كلها مجتمعه وأنه بنتك واجيتك من بعيدي وبعد طول الهجر مشتاقه عيدي ولن جابوا نعش مقيود وصاحوا تعالي لوالدج .. يا من تريدي لقيتك..على جسر الرصافه يبجي من شافك لقيتك..جسد ناحل يبويه ذابله اشفافك والله بويه ما عرفتك والأيادي .. تنزف ادموم عيني تعمى ولاني شفتك امقيدينك .. وانته مسموم أنه المعصومه يا باب الحوايج # مدري كل "فاطمه" تعاني غصتها ولازم ابدمعه مكتوبه قصتها عجب كل فاطمه تبقى غريبه وقلبي امن الاسم ياخذ نصيبه ولا أصعب من الشافت أبوها على حر الثرى جثه سليبه أبوها .. تشوفه والشمر صاعد على نحره أبوها .. حوافر الأعوجيه تسحق ابصدره كل جرح ياخذ لثاني والمصايب .. هاشمية وآنه يا شمعة زماني كل جروحي .. كاظمية آنه المعصومه يا باب الجوايج —————————————— ‏Chapters: 00:00 - أنتظر و أشتاق 01:39 - في المدينه 06:04 - مو"فداها أبوها" 10:20 - الوعد للفرج 14:28 - مدري كل "فاطمه" —————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ——————————————

🏴 الليالي الكاظمية ١٤٤٧ هـ 🏴 ‎ 📍 حسينية آل الصدر - العراق - بغداد [ يا صاحب الفضيلة ] 🔹أداء : الشيخ حسين الأكرف 🔹كلمات : نادر التتان —————————————— 🔹الكلمات : السلامُ عليكَ وأنتَ السلامُ إمامي و منكَ السلامْ يا صاحبَ الفضيلة والسجدةِ الطويلة سلامْ ***^^^*** ١: قلبك امْذَهّب / يا ضوا المَذهب طابت اعتابك / والجسد أطيب لكن اتساءل / والله و اتعجّب تُهمتك شنهي / حتى تتعذب - ليش خلوك اعلى جِسر الكاظميه / رزيّه / رزيّه ليش ما نصبت عليك الأعظميّه / عزيّه / عزيّه أشوفك جنازه / و يرتفع مناحي و اكبّر و اهلّل / و المِسا وشاحي أجيلك يصاحب / لهفتي و جراحي أحط اعلى رِجلك / منخفض جناحي طارَ قلبي إليكَ ليشدو الحَمامَُ حنيناً لِحَدِّ الحِمامْ يا وارِثَ السكِينة و الهيبةِ الرصينة سلامْ ***^^^*** ٢: سلّم احساسي / و نبضي و انفاسي موسى بن جعفر / يا أعز ناسي من ذكرت اسمك / عصّبِت راسي گاست اضلوعك / و الزمن گاسي - راح عمرك منهو لاحبابك يجيبه / مصيبه / مصيبه عُود و ارحم شيعتك منك قريبه / و غريبه / غريبه شيخبر طبيبك / گِلّي يا طبيبي سألهم عن أهلك / يا سعاده غيبي لوِن يشفي جرحك / مدمعي و ونحيبي بچيتك لموتي / و تشفى يا حبيبي خافِقي في يَدَيكَ فَرَتْهُ الكِلامُ حبيبي و ماتَ الكَلامْ يا عَيْبَةَ الضياءِ و العِلْمِ و البهاءِ سلامْ ***^^^*** ٣: إوصف الغربه / مُتعبه و صعبه و دايم الطيّب / ينجرح قلبه وانته يالكاظم / غربتك غربه الشرف ذنبك / و آية القُربى - ناس ما عِدهم على ابن الهادي غِيره / كسيره / كسيره اشلون قِبلو ترزخ الشمعه المُنيره / أسيره / أسيره تقول الليالي / منسجن گمرها و تقول الظَمايه / گيّدو نهرها بعد وينه عيني / ينگطع سهرها عقب عينك انته / موسى يا نظرها كُلُّ روحي لَدَيْكَ أنا لا أنامُ ارتياحاً كباقي الأنامْ يا مألَفَ المُصيبة و المِحنةِ العصيبة سلامْ ***^^^*** ٤: دنيا من حسره / و صوره منكسره وموتك الگاسي / موتي أعتبره شاللي بالدنيا / و شاللي أنتظره و آنا محبوبي / اجروحه ما تبره - يوم نادو گومو للكاظم نشيعه / يـ شيعه / يـ شيعه مات كل حِلْم و بهت لون الطبيعه / بفجيعه / فجيعه حسافه اعلى عينك / يا ألِف حسافه يريت اعتنيتك / من بُعِد مسافه أموت اعلى نظره / مِنّك بلطافه ي هاللي اعلى حالك / ماتت الرصافه من سنا مُقلتيكَ بقلبي سِهامُ بوجهٍ تجلّى سُهامْ يا صاحِب الوقارِ و الأدمعِ الغِزارِ سلامْ ————————————— ‏Chapters: 00:00 - يا صاحب الفضيلة 01:30 - قلبك امْذَهّب 06:20 - سلّم احساسي 10:40 - إوصف الغربه 18:17 - دنيا من حسره ————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ——————————————