🏴 ليلة رابع محرم ١٤٤٧ هـ 🏴 ‎ 📍 موكب السيدة زينب - لبنان [ سلامي ] 🔹أداء : الشيخ حسين الأكرف 🔹كلمات : علي الخفاجي —————————————— 🔹الكلمات : سلامي على كل مفصل بجسمك سلامي سلامي على كل گطره من دمك سلامي سلامي سلامي *** أسلم وأنحني ابابك وأجيلك أعرفك شهم ما يرجع دخيلك أجيت بطرگ دمعاتي أشتكيلك غيور وماكو بالدنيا مثيلك سلامي على آهاتك وهمك سلامي سلامي على كل گطره من دمك سلامي *** أسلم على الضامي أنگطع نحره وعلى طبرات جسمك طبره طبره أسلم عالعيون الكلها عبره وعلى حسين التدوس الخيل صدره سلامي على كل حرف من أسمك سلامي سلامي على كل گطره من دمك سلامي ** أسلم عالجروح الكلها غيره وعلى راعي العلم بدر العشيره على الضحه وختم بسمك مصيره على الراحت سبي وهي أميره سلامي على ايمانك وحلمك سلامي سلامي على كل گطره من دمك سلامي *** أسلم عالرضيع وعالأكبر وأطوف بمرقدك وجدامي تعثر سلم گمت كل لحظه عله منحر شگولن من أشاهد هيچ منظر سلامي على أوصافك ورسمك سلامي سلامي على كل گطره من دمك سلامي *** أسلم عالشباب الكلها همه على جاسم البالطف ضحه دمه أسلم وأنحني الدمعات عمه لمن بي رجع مذبوح لمه سلامي على شوغاتك وهضمك سلامي سلامي على كل گطره من دمك سلامي *** أزورك والگلب يبدي سلامه على أنصارك السبعين النشامه غياره وضحوا من أجل الإمامه ويظل باقي ذكرهم للقيامه سلامي على أنصارك وعزمك سلامي سلامي على كل گطره من دمك سلامي *** أسلم عالجروح الفاطميه وأزور بلهفه تل الزينبيه اذا أوصل اتراب الغاضريه أنوح الزينب الراحت سبيه سلامي على زينب وضلع أمك سلامي سلامي على كل گطره من دمك سلامي *** —————————————— ‏Chapters: ‏‎00:00 - سلامي ‏‎00:55 - أسلم و أنحني ‏‎02:40 - أسلم عالجروح الكلها غيره ‏‎04:20 - أسلم عالشباب ‏‎06:06 - أسلم عالجروح الفاطمية —————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ——————————————

🏴 ليلة ٢٤ محرم ١٤٤٧ هـ 🏴 ‎ 📍 عزاء شباب الماجدية - العراق - ميسان [ طبت شمس ] 🔹أداء : الشيخ حسين الأكرف 🔹كلمات : ذو الفقار الزيدي —————————————— ‏Chapters: ‏‎00:00 - طبت شمس ‏‎01:17 - اعله طول الدرب ‏‎03:56 - دك اطبوله ‏‎06:34 - مكسورة ضهر ‏‎09:17 - لبن لواجة ‏‎11:53 - اني استحقرك ————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ——————————————

🏴 ليلة ثاني محرم ١٤٤٧ هـ 🏴 ‎ 📍 موكب السيدة زينب - لبنان [ رسالة ] 🔹أداء : الشيخ حسين الأكرف 🔹كلمات : عباس فرحان ——————————————

🏴 ليلة ١٩ محرم | محرم ١٤٤٧ هـ 🏴 ‎ 📍 حسينية المرحوم داوود عاشور - العراق - البصرة [ راية ] 🔹أداء : الشيخ حسين الأكرف 🔹كلمات : رضا درويش —————————————— 🔹الكلمات : رايه رايه رايه .. محروسه بالولايه للسماء السابعه صيحتها .. هيهات .. رايه رايه # أحمدية .. كريمة من كرامة فاطمه صامده بوجه الكسر والعصره والباب/ولا مستسلمه حيدرية .. تنافس بالفخر سابع سمه رايه لكن من تسولف ويه لرقاب تسولف ملحمه رايــه ربـاّهـا عـلـي اتـسد الـشمس لـمّن تـمر سـبع أراضـي تـنحني ورايـة علي ما تنكسر رايه علمّها الحسن (تزرع صبر تحصد نصر) رايـه مـتخون الـعهد لـو تـمطر الـدنيه جـمر من محمد وإلمحمد .. رايه وحده والله يشهد رايه رايه رايه .. مرفوعه للنهايه من ترف تسمع صدى تسبيح وإخبات رايه رايه # هاشميه .. يمحلاها في جفين القمر امذهّبه ابخيط الوفه والغيره والباس تدوس اعله الخطر تشهد الطف ..مِنِ احدود الخيم حتى النهر كلها ترجف من يشيل الرايه عباس ويصليهم سقر راية في حب الحُسين اتظل عزيزه ابعزّته رايــة تـسـتاهل أبـوفـاضل يـقـدم هـامـته يـترك اشـماله ويـمينه ومـا يـعوفن رايـته رايــه هــزت كـل جـبل لـكنها ظـلت ثـابته منهج الحق .. ما تبيعه للقياده .. بس مطيعه رايه رايه رايه .. تركض إلى المنايا ما تعيش الذله لو عاشت جراحات رايه رايه # يا بوفاضل .. تعاهَدنه على حبك عهد رايتك تحملها بالدم شيعة احسين ولا توقع أبد يا بوفاضل .. تسلمناها منك معتقد ما تطيح الرايه دام انته يعباس إلى الرايه مدد احنه لجل الرايه تدري كل جرح نتحّمله ابكل ميادين العقيده دم مناحرنه اعلته احنه واحدنه تشوفه عن ألف بالمرجله هذا طبع اللي تخرّج من مجالس كربله صيحة أبنا.. ء المواكب النحر يا .. سيف غالب رايه رايه رايه .. مسرى إلى الهدايه رايه وحده بحب علي .. لاْ تظنها رايات رايه رايه # جينه يحسين مثل (بن عوسجه) نفدي العمر والله لو سبعين ألف موته علينه أبد ما ننكسر هالوثيقه من أبناء اللطم فوق الصدر ما نعوف الرايه لو قطعوا ايدينه إلى يوم الحشر لو حرب كونيه تجري اعلينه نبقى اعله العهد رايـتك هـيّه الـسفينه الناجيه اف بحر الشدد تـرتـفع رايــة مـحـرم يــا حـُسـين إلــى الأبـد رايـه مـنك يـستلمها الـمهدي فـي يـوم الوعد الراية حنت.. بانتظاره ربي عجل .. يوم ثاره رايه رايه رايه .. مستودع الرزايه من ترف يجري دمع بس كله ثارات رايه رايه —————————————— ‏Chapters: ‏‎00:00 - راية ‏‎01:00 - أحمدية ‏‎03:20 - هاشمية ‏‎05:55 - يا بوفاضل ‏‎08:48 - جينه يحسين —————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ——————————————

🏴 ليلة عاشر محرم ١٤٤٧ هـ 🏴 ‎ 📍 موكب السيدة زينب - لبنان [ صيحة المهدي ] 🔹أداء : الشيخ حسين الأكرف 🔹كلمات : رضا درويش —————————————— 🔹الكلمات : حسيناً واحسيناه // غـريـباً واغـريـباه أصيح ابصيحة المهدي مصاب العنده ما عندي # إذا يـومـيه لـك دمـعه وإذا سيرة حياتك هم يمهدي صعبه أتخيل شعورك عاشر امحرم لـوحـدك تـقرأ الـمقتل وبـعيونك نـزيف الدم وتـلطم وجـهك الـليله لأنّــه صـدرك امـهشم مصابك .. الله يمصابك كأن سهم القلب صابك إلك مصرع في كل عاشر مـثـل جــدك تـظل حـاير مـنـو فـيـكم أشــد غـربه ومـنـو فـيـكم بــلا نـاصر # يـمـهـدي ابـعـاشـرك ويـنـه تـصـب ادمـوعـك الـحـمره كـــأن شـايـل عـلـى ايــدك جــرح بـس مـختلف أمـره ورد لــــو هــــذا عــبــدالله وروحه امن العطش جمره يـشـوفـه حـرمـلـه ضــاوي ويـفّـت امـن الـسهم نـحره فـي جـفك.. يـمتلي دمـه وبــيـدك تـنـتـزع سـهـمـه عـلى صـدرك .. يذبحونه طـفـل لــون الـقـمر لـونـه شرب لكن .. شرب سهمه يـمـهدي وغـمض اعـيونه # حــزن كــل الأرض عـاجز يـبـوصالح عـلـى شـرحك مـثـل زيـنب فـي هـالليله يــبـات ابـكـربله جُـرحـك تـنـادي يـا ضـوى الـعاشر عسى الله لا يهل صبحك كــأن سـيف الـشمر نـاوي عـلى حر الـثرى ايـذبحك يحزّك .. يفصل أنفاسك يعلّي اعلى الرمح راسك كـأن جسمك .. يرضونه في كل عظمه ألف حافِر عـلـى الـغبره .. يـقلبونه ويـخـلـونـه بـــلا ســاتـِر # يــمـهـدي مـآتـمـك ويــنـه وحــــق الــزهـرا.. دلـيّـنـه نــجــي يـالـمـنتظر يــمـك اونــتــشــارك بــواجــيـنـه نـعينك لو سمعت احسين وحـيـد ومــا حــد يـعـينه مـن ايـصك الـحجر راسـه يـسـيل الــدم عـلـى عـينه ثـلاثـي .. سـهـمه هـالـمره يـشـيله مــن خــرز ظـهره تـفـجر دم .. مـن جـروحه وشـيـبـه خـضـبـه ابــدمـه تـعب نـاله .. مـن أسـهامه وطاح اعلى الترب جسمه # —————————————— ‏Chapters: ‏‎00:00 - صيحة المهدي ‏‎01:42 - إذا يوميه لك دمعه ‏‎04:34 - يمهدي ابعاشرك وينه ‏‎07:29 - حزن كل الأرض عاجز ‏‎10:16 - يمهدي مآتمك وينه —————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc —————————

🏴 ليلة ١٨ صفر ١٤٤٧ هـ 🏴 ‎ 📍 هيئة الروضتين - كربلاء المقدسة [ يا ريحة علي ] 🔹أداء : الشيخ حسين الأكرف 🔹كلمات : رضا درويش —————————————— 🔹الكلمات : مـاي لـو ترجع إلي .. مـاي يا ريحة علي ماي واختك تنولي مـا أريـد أنـه الماي خويه وإبقى يمي يـلـوجـهك افــيـاي آه يــا دعــوة أمـي &_&_& وين .. يبواحساسي // وين .. يكل ناسي ويـنـه رايـح يـا كـفيلي ابـشوفتك يـبرد غليلي خويه بس طمّن دليلي .. وينه رايح يــا قـمر تـدري بـغلاتك إلـمـن اتـخـلّـي بـنـاتـك الرجس يضرب خواتك .. وينه رايح أحـلـى أيـامـي بـدلالك عايشه ورده اعله بالك آنـه عطشانه جمالك .. وينه رايح مـا أريـد الـماي أنه / يا عسى يموت النهر المهم عندي قمر / عينه أحلى امن السحر آه يـعباس .. تدري الـجرح ويـن؟ آه يعباس .. خوفي على احسين *_______* يخويه وقـفتك صـوب الخدر عن كل نهر .. تكفيني يخويه مـن أنـادي (يـا بـوفاضل) هالأسم .. يرويني يخويه روح إذا ترضى الشمر فوق الهزل .. يسبيني يخويه ينادي هاي اختك أسيره وعالأرض .. يرميني آه .. لـو طـاح العلم آه .. لو صابك سهم آه .. يا راعي الشيم أقسم بفاطمه لا تخليني بيك .. كل المُعتمد عود .. للخيمه عمد ماي .. ما ردنه أبد طلتك يم أبواليمه تسقيني قـلبي لا تـجرحه .. جـرحي لا تفتحه أدعــي يــــا رب عــســى يــعــودك آنه اوصية علي .. اختك لا تنولي أغلى مـــن كــل ظـمـه .. اوجــودك تـِذَكّـرني يـخـويه واتــرك الـمـاي أهم من كلشي حِسّك يبقى وياي أنـه بهالمره مو مرتاحه روحي.. يـعين الله يـبوفاضل على الجاي ****** موت .. يحاصرني // وشوق .. يغامرني لا شــمــالـي ولا يــمـيـنـي والـسهم نـابت فـي عـيني والـعـمـد هــشّـم جـبـيـني .. عالشريعه جــودي مـنّ الـماي خـالي ورايتي تبجي اعلى حالي والـشـمـر واقـــف اقـبـالي .. عالشريعه وآنـــه شـاغـلـني حـنـيني مـو عـلى اجفوفي ونيني انــتـظـر يـمـكـن تـجـيـني .. عالشريعه يـا حـسين إلحق ترى / رايتي فوق الثرى باقي بس عندي نَفَس /منك أرجو المعذره خويه سَكنه ..سلّم عليها والـوديـعه.. إتـعـذر إلـيها # يعباس .. جيتك أركض مالي صَبر ابطحيتك .. تدريني يعباس .. افـتح عـيونك تـرى ظـْهري انـكسر .. حاجيني يعباس.. سـهمك الـنابت فـي عينك أشعره .. في عيني يعباس .. أي جــهـه جـفـك يـخـويه اتـقـطعت.. دلـيـني آه .. شيال الــعـلـم آه .. ما شال الألـم آه .. ضجة في الخيم كسرة اسكينه بعدك تبجّيني نوح .. من عدها ارتفع راح .. عمي وما رجع وين .. خبروني وقع ما أصدق غريبه يخليني هاي أول مرّه بس .. تهجرني ابلا نَفَس يا ماي ويا هوا صدري جم خاطر ينكسر .. والحوره تنتظر عنك يا خويه ما تدري أقـول إلـها كفيلج سهمه بالعين؟ طريح اعلى النهر ما عنده جفين تـعـاتـبني اذا شـافـتـني وحـــدي أبـوفـاضل تـركته ويـنه يـحسين ———————————— ‏Chapters: ‏‎00:00 - يا ريحة علي ‏‎01:45 - وين يبواحساسي ‏‎10:24 - موت يحاصرني ———————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc —————————

🏴 ليلة ١٩ محرم ١٤٤٧ هـ 🏴 ‎ 📍 حسينية المرحوم داوود عاشور - العراق - البصرة [ رحلة صعبة ] 🔹أداء : الشيخ حسين الأكرف 🔹كلمات : كرار حسين الكربلائي —————————————— 🔹الكلمات : رحله صعبه والفجر لاح انه عالنوگ وانته برماح وبدربنه التقينه التقينه آنه وانته بچينه بچينه يا حبيبي ... ابتعدنه عمر عشنه سوه وتالي ابتعدنه خريف الطف اجه وذبل وردنه بخيله الدنيه ما تقبل تردنه بهزيله اشوفك عالرمح وانه بهزيله گلتلي شلون حالچ يالعقيله شگلك وانه تعبانه ونحيله شگلك وشأجاوب عالسؤال شگلك وانت كل شيبك رمال شگلك وانه بچفوفي الحبال اخفي يمك كلشي بيه لا يجرحك حبل اديه أدري روحك حنينه حنينه آنه وانته بچينه بچينه ... لگيتك ذبيح وتبچي لمصيبة اخيتك تعال من الرمح خويه نخيتك اريد امسح دموعك عن لحيتك حياتي يبعد عيون زينب يا حياتي الك جوه الرمح افرش عباتي ردت تنزل واسولف نايباتي امد چفي واردها بمستحاتي إعله فَي رمحك گعدتي يا ذبيح إعله معصب راسي دمعاتك تطيح إلك فدوه گلب زينب اصيح يا بقية ريحة امي اختك بخير وانته يمي من دمعنه ارتوينه ارتوينه آنه وانته بچينه بچينه ... غريبه يضربوني وانه يمكم قريبه أسامينه تغيرها المصيبه سليب انته ويصيحولي السليبه شفتني قبل ما تنذبح يمك شفتني ركضت اعله النهر بس ظهر محني أدور ماي وسياط اعله متني مثل هاجر على نحرك أطوف سبع مرات أسعه بالطفوف سعيت ابين نحرك والچفوف آخر الليل من وصلتك شسوت الخيل ما عرفتك گلبي تسمع ونينه ونينه انه وانته بچينه بچينه ... يزينب گلتلي من الرمح يختي يزينب عَليّه صُبري سكنه هواي تنحب عزيزة گلبي گلبي اعليها شيّب وصيه وبعد عندي يبت امي وصيه يزينب خلي عينچ يم رقيه عمت عيني اشوفنها سبيه أبو ويشوف بالغربه البنات بعد عزهن يويلي مسلبات السياط اعليهن باربع جهات وانه گتلك شيبتني وابناتك حيرتني عالمصايب حچينه حچينه انه وانته بچينه بچينه —————————————— ‏Chapters: ‏‎00:00 - رحلة صعبة ‏‎01:46 - ابتعدنه ‏‎04:35 - لگيتك ‏‎07:33 - غريبه ‏‎11:27 - يزينب —————————————— الموقع الرسمي http://husseinalakraf.com/ —————————————— تابعونا عبر وسائل التواصل: الانستغرام: https://www.instagram.com/alakraf_ofc/ الفيس بوك: https://www.facebook.com/alakraf.ofc/ الساوند كلاود: https://soundcloud.com/alakraf_ofc تويتر: https://twitter.com/alakraf_ofc ——————————————