أداء
الملا محمد بوجبارة


كلمات الشاعر
السيد سعيد الصافي


مكساج
حسين نجم


مخطوطة
حسين مقيم


ترجمة
حسن القطري


إدارة المتابعة
محمد عبدرب الرسول


مونتاج
مهدي الحداد


اشراف عام
محمود السلطان


إنتاج
بوجباره ميديا

~~~~~~~~~~~~

عجب يهل الوفه وياخير الاصحاب
تركتوني وحيد ابولية اذياب
ردت منكم تفزعون
انادي وماتسمعون
تركتوني وحيد ابولية اذياب
.........................
 

نشامه
ولا بلدنيه اصحاب المثلكم
طلعتو
تنصروني وتركتو اديار اهلكم
وفيتو
ويجازيكم رسول الله ابفضلكم
وجنت اتنومس ابلمة شملكم


الف وسفه شملكم فرقه البين
صوركم مااظنها اتفارك العين
امل ماضل ترجعون
انادي وماتسمعون
تركتوني وحيد ابولية اذياب
.........................

 


مشيتو
ولاعدكم خبر شنهي الجرالي
بعدكم
من اخواني وهلي محد بكالي
ولوني
ولاناصر فزعلي ونتخالي
وملائكة السمه تبجي اعله حالي


فقدت ابني علي الجنه بدر تام
وكسر كلبي ابن خوي الغالي جسام
وبعد ياجرح اليهون
انادي وماتسمعون
تركتوني وحيد ابولية اذياب
.........................

 
يلصحاب
ردت من عدكم اليسمع نهائي
ويعاين
كسر ظهري وعلى الكاع انحنائي
زماني
غدر بيه وكطع ظني ورجائي
جفوفه اتكطعت حامل لوائي


واكول اشلون ارد لخيام العيال
شجاوب لو اجت تنشدني الاطفال
عطاشه وماي يردون
انادي وماتسمعون
تركتوني وحيد ابولىة اذياب
.........................

 
ورضيعي
جبدته من ظماها رادت اتذوب
وكلهم
يناس ابيا ذنب عبد الله مطلوب
قساوه
ولا بيها حنان ورحمه الكلوب
وشفت مابين اديه طفلي مصيوب


ورجعت اتعثر ودلالي مجروح
شكل لامه وطفلها تشوفه مذبوح
ردت وياي تبجون
انادي وماتسمعون
تركتوني وحيد ابولية اذياب
.........................

 
انادي
وعلي صوت الصدى يرجع جوابي
اعاتب
ولو يجرح مشاعركم عتابي
ردتكم
تعينوني على شدة مصابي
كبل ماتنسلب مني ثيابي


كبل لابلحوافر صدري ينداس
كبل لاينفصل من جسمي الراس
علي بلجن تلحكون
انادي وماتسمعون
تركتوني وحيد ابولية اذياب
.........................

 
وجبيني
تصوب بلحجر والدم عماني
امسحه
شلت ثوبي ولمثلث رماني
انازع
بقيت الوحدي وذباحي اجاني
وعلى صدري كعد وليه ولاني


ونحري وخنصري يصحابي مكطوع
وراسي اعله الرمح بلحومه مرفوع
غدو بيه يمثلون
انادي وماتسمعون
تركتوني وحيد ابولية اذياب
.........................

 
وعلى التل
شفت زينب تنادي ياولينه
يخويه
اذا بعدك عدل افزع علينه
دخيلك
اجت خيل العده متعنيه لينه
وبعد عين الكفيل اشلون بينه


ولا عدنه محامي ايرد الاشرار
حياره وبلخيم لو تلتهب نار
على ايتامك يسحكون
انادي وماتسمعون
تركتوني وحيد ابولية اذياب

• | 1443 هـ - 2022م |
• | استشهاد السيد محمد سبع الدجيل ( عليه السلام )

| الأمان |

• أداء | الملا محمد بوجبارة
• كلمات | حسن طاهر المعيبد
• هيئة محبي الحسين (ع) - بني جمرة - البحرين
• مكساج | حسين نجم
• مخطوطه | السيد علي سيد كامل
• تصوير | عين الحياة للإنتاج الفني
• تنفيذ | هيئة محبي الحسين (ع)
• متابعة وتنسيق | محمد عبدرب الرسول
• إنتاج : بوجباره ميديا

كلمات الشاعر حسن طاهر المعيبد
.
إستشهاد الإمام محمد الباقر - ع
الحسينية الكربلائية - دولة الكويت
.
.
#الباقر_ميديا
#بوجبارة_ميديا

• | 1443 هـ - 2022م |
• | استشهاد فاطمة الزهراء ( عليها السلام )

| موقف صعب |

• أداء | الملا محمد بوجبارة
• كلمات | محمد هادي العقابي
• الحسينية العباسية ( البطالية )
• مكساج | حسين نجم
• مخطوطه | حسين مقيم
• مونتاج | سجاد الشغب
• اشراف عام | صادق ابراهيم
• متابعة وتنسيق | محمد عبدرب الرسول
• انتاج | #بوجبارة_ميديا

• | 1443 هـ-2021م |
• | استشهاد فاطمة الزهراء ( عليها السلام )

| كل شي محتار |

• أداء | الملا محمد بوجبارة
• كلمات | حسن طاهر المعيبد
• الحسينية | المحمدية ( بوخمسين )
• مكساج | حسين نجم
• مخطوطه | حسين مقيم
• مونتاج | سجاد الشغب
• اشراف عام | صادق ابراهيم
• متابعة وتنسيق | محمد عبدرب الرسول
• إنتاج : بوجباره ميديا

طوَّل مشينا

أداء
الملا محمد بوجبارة

كلمات الشاعر
علي البحراني

سابع الامام الحسين عليه السلام 1445هـ
موكب الكاظمية - بلدة الجبيل

مكساج
حسن المرهون

توزيع مقدمة
يوسف العشيري

مخطوطة
حسين مقيم

ترجمة
حسن القطري

إدارة المتابعة
محمد عبدرب الرسول

مونتاج
علي حسن

اشراف عام
محمود السلطان

إنتاج
بوجباره ميديا

~~~~~~~~~~~~~~~

وحشه السبي وبس مدمعي
وسوط العدا ايسلّيني
كل ساع أسولف وي رمح
ما واحد ايحاچيني!
أسمع شتم ليلي ونهاري
وامچتفه ايميني ويساري

-١-
طوّل مشينا ابهالفلا
حسره وألم صدري امتلا
تلحگني ريحة كربلا
نار ودما انحور

برماح أصد روس الأهَل
ماحد تدنالي ونزل
شافوني أركب عالجمل
بس ظهري مكسور

أمشي وأحس بچتافي ثگل الغاضريه
چم مره خفت امن الشمس يغمى عليه
واشلون أأشر للأعادي اتروف بيّه؟
وآنا المصونه الأستتر بثنين إيديه!

ابگد السياط الـ عالمتن
أحسب صرت خطواتي
درب الذي امشيته صعب
والأصعب اهوا الآتي
ما ينجبر والله انكساري
وامچتفه ايميني ويساري

-٢-
يا راس أبو اليمه ترى
آنا اللي چنت امخدره
بعدك خذوني اميسّره
وظل خدري محروگ

تدري انطردنا ابچم بلَد؟
واندگت اطبول السعد
أخفيها لو أحچي بعد
جرّونا بالسوگ!

يا أعلى راس اعله الرمح جيتك أعاتب
ما ريد أرفع صوتي تسمعني الأجانب
ضاعت بنات العز عگب عزّ الغوالب
كل خوفي تتعوّد بناتك عالخرايب!

چم مرّه صكّوا جبهتك
يبن النبي بحجاره
والشامت ايمر مبتسم
وآنا ابغرب محتاره
ايحسبونا يا خويه جواري!
وامچتفه ايميني ويساري

-٣-
يا راس أبو الغيره الگمر
لا سامح الله النهر
تدري اللي شفته ابهالسفر
خلاني ما شوف

ايهد الجسد ممشى الهزِل
وابچفي مربوط الحبل
مثلك عسى يا بالفضل
طاحت هلِچفوف

تتصدّق اعلينا العوام واحنه ساده!
أصبحنا فرجه والعدو ابذلنا تمادى
راس ابن أبويه علّگه الطاغي ابجواده
وابكل حقد "يا خارجيه" اعليّه نادى

شيل السهم يا كافلي
وانظر سواد امتوني
يا للأسف زينب أنا
ابمجلس لهو ايوگفوني
دار الوحي معروفه داري
وامچتفه ايميني ويساري

-٤-
من مجلس لمجلس أطب
وابلا مُبرّر أنضُرُب
الراحه الوحيده بهالدرب
من تجري لدموع

الدرب الوعر أتحمّله
بس اللي ما أصبر إله
راس الرضيع أتأمّله
اگبال أمه مرفوع

هاي النساء الثاكله اشظل من حزنها
لو راس أخوها اعله الرمح لو راس ابنها
أما جثثهم فازت الخيل ابحضنها
ما حصّلت تكفين والحافر طحنها

ليلى على الأكبر تصد
رمله تصد عالقاسم
روس الهواشم تنتقل
من ظالم لچف ظالم
ضيعتنا ضيعه ابهالبراري
وامچتفه ايميني ويساري

-٥-
كل الجرالي مو سهل
مثل الجمر ما ينحمِل
لاچنّي أعرف ما مثل
دخلتنا للشام

يرمونا بالنار العدا
وأمشي لْيزيد امگيّده
ريته حلم عمري غدى
ولا تالي أنضام

ابّوابة الساعات وگفتنا طويله
حتى العدا مستغربه آنا العقيله!
ضاع الدلال وضاعت العتره الجليله
وابلا رقيّه رجعتي للطف ثجيله

چم طفله ماتت چم طفل
بالغربه واريناهم
صاروا علامه اعله الحزن
وأتمنى موتي اوياهم
يلفيني كل يوم احتضاري
وامچتفه ايميني ويساري

____________

شد حيلك يا مشاي

أداء
الملا محمد بوجبارة

‎كلمات الشاعر
امجد الشطري

‎مخطوطة - حسين مقيم
‎مكساج - حسين نجم
‎مونتاج - حسن رضا
انتاج وتنفيذ - حسينية سيد الشهداء - الكويت
------------
الليالي الحسنية ليلة 7 - 1445 هـ - 2023 م

#بوجباررة_ميديا‎
~~~~~~~~~~~~~~~

شد حيلك وكوم يزاير كربله

1
شد حيلك وتوكل للبقعة العظيمة
وأكصد صوب الجنة بإصرار وعزيمة
عطر حسين بمشيك راح يهب نسيمه
وشيخ أنصاره أيسجلك بجفوفه الكريمة

وأنت بالادين لوائك شايله
شد حيلك وكوم يزاير كربله

2
لتفوت هالفرصة هاي أعظم تجارة
عوف الدنيا وبالك تتركها الزيارة
كل هم ميظل عندك لو شفت المنارة
والما زار حسينه كل عمره خسارة

هاذي للأحرار رسالة عاجلة
شد حيلك وكوم يزاير كربله

3
ماظل شي للممشه هم روحك يزاير
البس ثوب الأسود خلك أنت حاضر
لأرض الطف عطشانه وملهوفة المشاعر
موعدنا وي زينب يم الكعبة باجر

زينب تناديك يراعي المرجله
شد حيلك وكوم يزاير كربله

4
درب حسين نوصفه وحِدة من العجايب
بالزحف المليوني تتلاكه المذاهب
هذا الموسم قرّب بيه الخدمة واجب
من هسه منشورة ومتحزمة المواكب

وترحب بصوت هلا وميت هلا
شد حيلك وكوم يزاير كربله

5
اقره بقول الصادق وأفهم شنهو كايل
بدرب الحسين الخطوة جم عمرة تعادل
أفضال شكد بيها ما يعقلها عاقل
بس صفيها النية ويبرالك بو فاضل

عباس أبو الزود يريدك توصله
شد حيلك وكوم يزاير كربله

6
راح تشوف بدربك أشكال المعاجز
الأعمى والأبكم والي بمشيه عاجز
يسولف وي حسينه ومرفوعة الحواجز
يمكن راح تشوفه يمشي وكلشي جائز

نظره من الحسين توصله للفلّه
شد حيلك وكوم يزاير كربله

7
من توصل يزاير للأرض الشريفة
تلكَه حسين هناكه فاتحلك مضيفه
تشرب مايه بصحنه وتشبع من رغيفه
وتعاهد يم كبره انك ماتعيفه

مشاي أجي ازحوف يَبن عقد الوله
شد حيلك وكوم يزاير كربله

[ اشعلامه ؟ ]


‎أداء الملا محمد بوجبارة
‏‎كلمات الشاعر : أبونجم الإحسائي
------------
‎مخطوطة - سيد علي الموسوي
مكساج - حسين نجم
‎مونتاج - محمد الخليفي
------------
ليالي استشهاد أمير المؤمنين - عليه السلام 1444 هـ - 2023 م
‎حسينية سيد الشهداء - دولة الكويت

إنتاج : بوجبارة ميديا

~~~~~~~~~~~~~~~~~~~~~~~~~

جميع الحقوق محفوظة للقناة الرسمية للملا محمد بوجبارة

‏‎[ الغالي وراح ]

أداء الملا : محمد بوجبارة
كلمات الشاعر: أبو تراب الأحسائي

مكساج : حسين نجم
مخطوطة : حسين مقيم
ترجمة : حسن القطري
مونتاج : علي حسن
إدارة المتابعة : محمد عبدرب الرسول
إشراف عام : محمود السلطان


إنتاج: بوجبارة ميديا
1446-2024

~~~~~~~~~~~~~~~~~~~~~~~~


اِلـْغالي اِوْ راح عن عيني اِلـْغالي اِوْ راح
و شلون ارتاح بالدّنيه و شلون ارتاح
ايّامي سراب و اسنيني عذاب اتمنّه اِوْياك ماخذني البين


كسر ضلع الصبر موتك
يبويه اِوْ خلصت العشره
مريم هزّت الشجره
اِوْ فـﮕـدك هزني اِبـْسطره
يـَرايح اِبـْأحله ايّامي
انطبـﮓ بابي عله اعظامي
اِوْ كسر صدري
هشم ضلعي
بعد ما غمّضت عينك
اِوْ حطب ما بيني اِوْ بينك


اِفراﮔـك ﭼـتـّال يا بويه اِفراﮔـك ﭼـتّال
بالنار انذال حرﮔـتني بالنار انذال
ما اﮔـدر اشوف من طـَﮓ لـﭼـفوف يا ياب انخاك اِوْ مالي اِمْعين

~~~~~~~~~~~~~~~~~

أمانه اِوْ حتّه من بابي
الأمان اِوْياه ما شفته
طاح اعليّه بالـﮕـوّه
اِوْ محسن بويه سـﮕـّطته
غدر حتّه الخشب بيّه
كسر ضلعي اِوْ هُوه اعليّه
و اخذ روحي
عصر صدري
وراه يا بويه بالـﮕـوّه
و اجر انفاسي ما اﮔـوه

من غير احجاب ضربوني من غير احجاب
من خلف الباب شتموني من خلف الباب
يا بويه الناس ما بيها إحساس خلتني اهناك ملطومه العين

~~~~~~~~~~~~~~

الحسن و حسين شافوني
اﮔوم اِوْ اعثر اِبـْحزني
اِوْ بين المسجد اِوْ بيتي
قنفذ عالمتن طـَﮕـني
يبويه السوط ما يرحم
ظهري اِبـْضربته اتوسّم
اِوْ جرح ﭼـتفي
امد ايدي
يبويه اِوْ ايدي محروﮔـه
اِوْ من الدّخّان مخنوﮔـه


و اعيون اهواي شافتني و اعيون اهواي
ارجف و اعداي ترفسني ارجف و اعداي
الكل يمشي وراي ماحد ويّاي يا بويه اعداك اِشـْﮕـد قاسين

~~~~~~~~~~~~~~~


احاتي من طحت زينب
و اداري لطمتي اِبـْﭼـفـّي
أخاف اتشوف دم عيني
اِوْ تسمع ونـّي المخفي
توها بنتي اِزْغيره
عليها اجروحي اِﭼـبيره
اِوْ تأذّيها احاتيها
و أخاف اتشاهد اللطمه
اِوْ خدري ناﮔـع اِبـْدمّه

ازغيره و اتخاف ادريها ازغيره و اتخاف
و اعداي اجلاف ما ترحم و اعداي اجلاف
اِمن اتصد بالعين كسر الضلعين اِوْ دمّي و اِدماك اتموت الحين

~~~~~~~~~~~~~~
ادوّر عن علي اِوْ دمّي
عله عيني جمد نزفه
اِوْ ﮔـمت شفته بلا اعمامه
العدو بعمامته اِمْـﭼـتفه
رحت له اِوْ خصمه اِيْسحبه
اِوْ قنفذ متني اِيْضربه
بلا رحمه علي شفته
لاﭼـن مستحي منّي
يصد ﭼـف طابع اِبـْجفني

يوﮔـف و اِيـْطيح عاينته يوﮔـف و اِيـْطيح
اِوْ حس بنته اتصيح يسمعها حس بنته اتصيح
خايض لاهوال ينجر بحبال حمّاي احماك يجذب لونين

الملا محمد بوجبارة

كلمات الشاعر
السيد سعيد الصافي

مكساج
حسين نجم

مخطوطة
حسين مقيم

ترجمة
حسن القطري

تصوير
موكب السيد محمد سبع الدجيل

إدارة المتابعة
محمد عبدرب الرسول

مونتاج
قاسم بو شفيع

إشراف عام
محمود السلطان

إنتاج
بوجباره ميديا

~~~~~~~~~~~~~~~~~~

يازماني اليتمتني من حنان امي وابوي
عاد بس خليلي اخوي
ذبحو ضواي اعله النهر
. دنياي ليل ابلا كمر
يازماني يازماني
-------------------------------------
ياعتابي اعليمن اعتب
يازمن كافي الغدر حن اعله حالي
امن الطفوله التالي عمري
عندي ماخله دمع ظيم الجرالي

الراح يادمعة عتب تكدر تجيبه
ومن مصيبه اوكع بأصعب مصيبه
والصدى يناديني زينب ياغريبه
وشبديه وشبديه

ومن بدت رحلة عذابي ويه عباس الكفيل
عاشرت دمعي اليسيل
وماادري شيظملي القدر
دنياي ليل ابلا كمر
يازماني يازماني
-------------------------------------
امن المدينه من طلعنه
جان يبره الناكتي حامي الضعينه
ماتركني خطوه وحده
وجان يغمرني الوفه العنده وحنينه

وبين ساعه وساعه يازينب يكلي
بلصبر يابت علي يختي تحلي
ومادنت ليه الشمس ولرايه ضلي
حامي خدري حامي خدري

ومن وصلنه الكربله بعيوني شفت النيه ليل
ونار وتهاجمني خيل
ونعرضت اكبالي صور
. دنياي ليل ابلا كمر
يازماني يازماني
-------------------------------------
وشدهاني اعضامي ترجف
واني بوجود اخوتي واشعر وحيده
المن اسأل حتى اعرف
بعد من عندي الزمن شنهي اليريده

راحت امي واني خمس اسنين عمري
وراح ابوي وودعت وياه صبري
واعله جبد الحسن دمعي لسه يجري
فاركوني فاركوني

حكي ياوادم لون دمعي يهل كلبي يحير
وبعد ماادري شيصير
ماانصف وياي الدهر.
دنياي ليل ابلا كمر
يازماني يازماني
-------------------------------------
ولن كفيلي العندي غالي
من كبل كل الخيم دك خيمه اليه
هذا طبعه كله غيره
وزين يعرف هيبت اخته الهاشميه

مانسه ارباي وسهر ليلي اعله مهده
ولجميل الزينب الرايد يرده
يقدم اجفوفه هديه ويوفي وعده
مانساني مانساني

ومن كعدنه ثنينه كعدت عتب اني وضواي
كتله خويه انريد ماي
وتبسم ابوجهي ابفخر
. دنياي ليل ابلا كمر
يازماني يازماني
-------------------------------------
اخذ جوده وراح عني
واني نساني العطش شوك انتظاره
وبين خوفي ونتضاري
وكمت اشوف الطف علي مضلم نهاره

لو يرد سالم اضل اصبر وتاني
واعله شوفة كافلي هايج حناني
ومن بعيد حسين اشوفه الوحده اجاني
ابلا عضيده ابلا عضيده

يصيح يازينب ولوني من وكع حامل لواي
ونكطع منه رجاي
ورديت مكسور الظهر
. دنياي ليل ابلا كمر
يازماني يازماني
-------------------------------------
خويه اخذني خل اكله
عندي للعباس من امه وصيه
مأمنه عندك يبني اختك
زينب الحره العقيله الهاشميه

واني اخته الماكو عندي غيره والي
وبوجوده محد امشاهد خيالي
بعد غير النوح بلغربه شبكالي
ياكفيلي ياكفيلي

انياط كلبي تكطعت عباس وي كطع الجفوف
ولا بعد بعيوني اشوف
شلي ابعمر بس للقهر
. دنياي ليل ابلا كمر
يازماني يازماني