كلمات القصيده للشاعر المرحوم كاظم منظور الكربلائي

للشاعر :عبد الحسين ابو شبع
حسين لعضيده نظره بعيده
من زغير عمره يتابع النظره
حط ايده بيده نظره بعيده
*******************
شكثر اخوه حسين عنده وتحظر باخلاص يمه
يجيب ابو فاضل بايده يكعده بصفه ويشمه
هنا اكو سر للحسين لساعة الموعد يضمه
مزج روحه بروح اخوه ومزج دمه ويه دمه
لابد سنين المقبله للسر تجي وتحلله
لابد يشاهد كربله ولا بد يكوم بمهمه
عينه بعينه ويحسب سنينه
هالاخو گباله وقدر نضاله
لثورته يريده نظره بعيده
حسين لعضيده نظره بعيده
من زغر عمره يتابعه النظره
حط ايده بايده نظره بعيده
____________________
تربية عباس صارت عد عضيده ابو الاكبر
جان ميفارگ حسين وياه حته بعهد حيدر
گبل مايطلع كلامه تشوف ابو فاضل تحظر
شراد يركض هوه بيهه والسرور بگلبه يكثر
لو طلب ماي تشاهده يجيبه لضنوة والده
بزغره ويحب يساعده ابن ابوه وبيه يفخر
من الزغر حبه تملك بگلبه
والوفه واضح بالاخو الصالح
بكل مواعيده نظره بعيده
حسين لعضيده نظره بعيده
من زغر عمره يتابع النظره
حط ايده بايده نظره بعيده
______________
يسأل العباس عن أشياء ينظرهن بعينه
شاف رايه لافيهه سأل عن صاحبهه وينه
شاف سيف وگال منهو الجان هالسيف بيمينه
شاف جود وگال هذا الجود المن ضامينه
جاوبه الرايه لحيدره وحصتك يسبع الگنطره
والجود والصارم تره الك ياحامي الضعينه
انطبعت الچلمه بگلبه وبجسمه
بروحه وصبرهه ظل ينتظرهه
بعين العقيده نظره بعيده
حسين لعضيده نظره بعيده
من زغر عمره يتابع النظره
حط ايده بايده نظره بعيده
______________
گام عن كل وحده يحچي حسين يحچيله روايه
هاذي الرايه لابوك وسامع شصنعت الرايه
حطمت رايات اهل الجور نشرت للهدايه
الهه يوم تصير بيدك يالاخو بيك الكفايه
رايات اميه الظالمه تلفهه يبن حامي الحمه
ويصير بيدك صارمه وبيه تسگي هالمنايا
وجوده تستلمه بساعة الازمه
تروي ضمانه وتحمي حمانه
الماضي تعيده نظره بعيده
حسين لعضيده نظره بعيده
من زغر عمره يتابع النظره
حط ايده بايده نظره بعيده
_____________
چلم هاي ووين صارت هالچلم كلهه بضميره
وعزم ظل يزداد بيهه ينتظر يوم المسيره
هناك لن من برجه يبزغ بدر حي بدر العشيره
وغده يطبق مابذهنه وين بالساعه الخطيره
وبكربله هذا البدر يبزغ واشعاعه النصر
واللي سمعهه من الزغر شافهه بعين البصيره
بوكت موعدهه هاذي شاهدهه
الراية جهاده يصنع كلاده
من دم وريده نظره بعيده
حسين لعضيده نظره بعيده
من زغر عمره يتابع النظره
حط ايده بايده نظره بعيده
_________________
ها يخويه حسين صاح شجنت اسولفلك واخبرك
هذا جودك هذا سيفك هاي العيال التنظرك
هاي هالرايه استلمهه وسام تصبح لعد صدرك
گال ابو فاضل يخويه شوف الافعال التسرك
لو تجتمع كل البشر وكل هاذي الدنيه خطر
انه شبل فارس مضر انه يامظلوم انصرك
شوف حملاتي وخطر جولاتي
هذا صمصامي ينشد ايامي
بسيفي ونشيده نظره بعيده
حسين لعضيده نظره بعيده
من زغر عمره يتابع النظره
حط ايده بايده نظره بعيده

قصيدة خلي التاريخ يحجي لك اسمع اخبار
بصوت المرحوم مله جواد الكوفي
للشاعر المرحوم الشيخ هادي القصاب

من اروع القصائد التي كتبها المرحوم عبد الحسين ابو شبع وفيها يذكر قصة المراه الحامل على شكل قصيدة
رابط قناتنا الاحتياطيه يرجى الاشتراك فيها
https://www.youtube.com/channe....l/UCVPJBtBRG-3sFKUsR

#جميع_الحقوق_محفوظه_لقناة_ابو_تراب_الحسيني
ياشبه نوح بانسهه وجانهه لامير الشعراء عبود غفله ولامير الرواديد حمزه الزغير

سيد محمد العوادي جسام هاك انتصاره

يالنايم عله العلكمي من نومتك كوم
المرحوم الحاج حمزه الزغير
للشاعر الاديب :كاظم منظور الكربلائي
__________________
يالنايم عله العلگمي من نومتك گوم
يهنالك النوم ماتگعد تسوي لعليلك والحرم چاره
يالنايم عله العلگمي من نومتك گوم
يهنالك النوم ماتگعد تسوي لعليلك والحرم چاره

هالله هالله شلون وگفه وگفت الحره العقيله
گابلت شاطي الفرات وصاحت بونه ثجيله
يعباس الضعن هذا رد يودعك ياچفيله
ويخبرك شصار وسدر من طحت مرمي عله النهر
ونصاب الحسين بحجر
والسهم مرد دليله
فرهود صاحو بالخيم من عگبك الگوم
يهنالك النوم وظليت انه بهاي الحرم حايره ومحتاره
يالنايم عله العلگمي من نومتك گوم
يهنالك النوم ماتگعد تسوي لعليلك والحرم چاره
________________________
ريت سيف الگص يمينك گص يبو فاضل يميني
والعمود الفضخ راسك حال مابينك وبيني
نشف مني الدمع جفني من سنه جمرة حنيني
وحگ چفك والعلم عگبك علي بيتي انهدم
الله من صوت السهم من عينك فگس عيني
يالصوبوا عينك سهم والسهم مسموم
يهنالك النوم
من عينك يفور الدمه ومن عيني يتجاره
يالنايم عله العلگمي من نومتك گوم
يهنالك النوم ماتگعد تسوي لعليلك والحرم چاره
________________________
يعباس شلون وليه بولية عداك نولينه
حرم والخيل ادهشتنه وحرگوا خيمنه علينه
نار فوك النار شبت بالضماير وانسبينه
نار المخيم والضمه وصاحت ودايع فاطمه
لا ظل خدر لا ظل حمه
گوم ياحامي الضعينه
نارين صارت بالگلب تتواگد اليوم
يهنالك النوم جمر الضمه ونار المخيم چملت ناري
يالنايم عله العلگمي من نومتك گوم
يهنالك النوم ماتگعد تسوي لعليلك والحرم چاره
________________________
يالعليك الخوه فرضت تسبح بدم الحميه
فرضت عليه الكفاله ومضت بيهه الغاضريه
واكفلت عگبك خواتك وشگفت عنهن بديه
لاچن الحاله اتغيرت وبيوت اهلنه اتهدمت
عگبك والعيال انسبت وانه اديت العليه
بين الاخو وبين الاخت لازم وملزوم
يهنالك النوم
وهرش الگلب من ينمرد تتغير اثماره
يالنايم عله العلگمي من نومتك گوم
يهنالك النوم ماتگعد تسوي لعليلك والحرم چاره
________________________
يعباس شلون حيره اتحيرت وانگطع گلبي
وظل يحوم عله الشريعه وعيني عله الخيم تربي
طحت يصبي البصيره وبيش اوچد بعد دربي
نصين دلالي انجسم مابينك وبين الخيم
ياخذلك اخبار الحرم يالطحت بسهام عتبي
عباس ظل بمصرعك گلب اختك يحوم
يهنالك النوم
ويسدر لخدر الحرم ياخذلك اخباره
يالنايم عله العلگمي من نومتك گوم
يهنالك النوم ماتگعد تسوي لعليلك والحرم چاره
________________________

للشاعر المرحوم كاظم منظور الكربلائي
#جميع_الحقوق_محفوظه_لقناة_ابو_تراب_الحسيني_abotorab72
زينب يالتنشدوني عليهه زينب بالخرابه منزليهه
المرحوم الحاج حمزه الزغير

اللهم صل على محمد وال محمد
بديرة الكوفه الرادود الشيخ جاسم النويني
#جاسم_النويني

اللهم صل على محمد وال محمد
السلام على الحسين وعلى اولاد الحسين وعلى اصحاب الحسين ابدا مابقيت وبقي الليل والنهار