شفت بالنار خيمة مستعرة | باسم الكربلائي
حسينية الرسول الاعظم (ص) الكربلائية في دولة الكويت
ليلة 7 محرم سنة 1422 هجرية

شـفـت بـالـنـار .. خـيمه مستعره
ذكـرت الـدار .. وفـاطـمـه الزهره
وبگطـعـت الچفـين *** نستعرض مصابين
بـيـن الـعـقـيله وبين *** فاطمه الزهره

يـا مـن عـنـدك بـصـيره وبيها تتبصر
إلـك انـقـل مـصـيـبـه اتفسر المرمر
مـصـيـبـة گمـر جـسمه بكربلا توذر
واقـارنـهـا بـمـصـيـبـة والده حيدر
واراوي لـك خـيـم بـيـها اللهب يسعر
واريـدك بـالـجـرى عـلى الزهره تتذكر
واشــوفـك حـال زيـنـب الـحـره
تـحـن أبـطـال صـرعـى عـالـغـبره
وبـحـرگة الأطـناب *** نذكر لهيب الباب
نـجـري الـدمع لمصاب *** فاطمة الزهره

إلـك يـا الـسـامـع أروي أفجع الأخبار
واگل لـك لـيـش هـاي الخيم تلهب نار
ولـيـش الگمـر طـاح ووذرتـه الأشفار
بـسـبـب گبله انغصب حگ والده الكرار
وزيـنـب لـيـش تـبگى بـولية الأشرار
الـسـبـب يـرجع لأمها ودفع باب الدار
هــجــوم الگوم مـو سـهـل أمـره
بــحـزن وهـمـوم حـيـر الـعـتـره
وزيـنـب تبث أشجان *** ظلت بلا وليان
شـافـت مـثـل أحزان *** فاطمه الزهره

هـاي الـلـوعـه لـلأجـيـال مكشوفه
والـتـاريـخ بـالـدم كـتـبـوا حروفه
بـعـد مـحـنـه أظـن لـلواعي معروفه
لـو شـاف الگمـر مـتگطـعـه چفوفه
الـسـبـب يـخـبـرنا حيدر عنه ونشوفه
طـلـع لـلـبـيـعـه والأيـدين مچتوفه
گمــر وچفــوف رايـتـه بـكـتـره
طــلـع مچتـوف والـده بـعـصـره
تـتـشـابه الحالات *** من تنزف العبرات
تـرسـم إلـك مـأساة *** فاطمه الزهره

غـصـص بـدمـوعـك وبدموعي تتجسم
هـالـمـوقـف أذكـره وروحـي تـتألم
بـعـمـد صـوبـوا راس الگمـر وتهشم
مـثـل طـبـرة أبـوه ودمـه نـفس الدم
مـصـيـبـه مـن مـصيبه أفجع وأعظم
ويـرسـمـهـن جـمـر نـيران الـمخيم
بـوضـع عـبـاس لـحـيـدر انـذكره
بـنـفـس هـالـراس ونـفـس هالطبره
ومـصـيـبـة العامود *** لطبرة أبوه تعود
وعـالـطـبـرتين شهود *** فاطمه الزهره

اش مـا أنـظـر مـصـيـبـه والها اتهيب
تـذكـرنـي بـمـصـيـبه أعظم وأصعب
أشـوف الـنـار مـسـتـعره بخدر زينب
أذكـر فـاطـمـه ودار الـبگت تـلهب
أصـد لـلگمـر دامـي الـجـسم ومترب
أذكـر حـيـدر بـدم طـبـرتـه تخضب
خـدر مـسـلـوب نـاره مـتـوجـره
فـدك مـغـصـوب سـبـب الـجـمره
سـلـب الـخدر تدريه *** ويا الفدك خليه
بـاچر تـطـالـب فـيه *** فاطمه الزهره

أريـدك تـصـغـي يـا السامع بعد تسمع
وأريـدك بـالـصـبـر والـحـزن تتورع
لا تـسـتـغـرب الـعـبـاس يـتگطع
گبـلـه حـيـدر الـمـحـراب إله مصرع
لـو شـفـت الـعـقـيـلـه لليسر تطلع
گبـلـهـا الـزهـره أمـها شافت الأفجع
الـعـقـيـلـه شـلـون تـمشي متيسره
أبــد مـا تـهـون لـوعـة الـمـسـره
زيـنب مشت للشام *** كفلت حرم وأيتام
وتـذكـرت الآم *** فـاطـمـه الـزهره

مـشـت زيـنـب يـسـيره بنايبات البين
مـحـتـاره ولا تـعـرف دربـهـا من اين
مـشـت عـافـت أخـوها مگطع الچفين
تـاره تـبـاطـا تـنـظـر مصرعه بيا عين
زيـنـب هـذه راواهـا الـدهـر نـارين
مـن غـيـر الـيـسـر صـوبها بصوابين
بگلـبـهـا يـدور عـاصـف الـحـسره
ضـلـع مـكـسـور مـا جـبـر كسره
شافت ضلع مهشوم *** شافت ضحايا جسوم
وتـقـاسـمـت بـهموم *** فاطمه الزهره

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#خيمة
#محرم

يسكت العالم بأسره ونستمع صوت الحسين 1 | باسم الكربلائي
حسينية احمد عاشور في دولة الكويت
ليلة 10 محرم 1434 هـ

سـلام الله عـلـى صـوتك حبيبي يا حسين
يـسكت العالم بأسره و نستمع صوت الحسين

آنـا أنـظر عله أصحابي من هووا مثل النجوم
روحـي شبه الطير فرت إبمصرع الأكبر تحوم

و الـذبح جاسم ذبحني و إنذبح حلم الشباب
مـن عـطـش قلبي أشاهد النهر يجري تراب

عـالـنـهر طاحن إعيوني يم أبو الغيره إنحنيت
هـاي يكافل خدر زينب تترك حسين و مشيت

إشقد صعب توديع زينب أسرع و تركض وراي
و الـطفل مد إيده يشرب يعتقد دم نحره ماي

مـا أريـد أشبك رقيه أدري تشبكني و تموت
هـا يـسكنه إيطول ونج ونت الخدر سكوت

دمـعـة الأطفال كلمه كلمه وحده لا تروح
و الـعـليل إبعينه نظره نظره أكبر من جروح

صـابـنـي سـهم المثلث و الجبد نصين صار
مـن خرز ظهري سحبته و إنطفه إبعيني النهار

مـن طـحـت من المطهم عيني ظلت عالخيام
و الـمـهـر يحمل جراحي يحمل الزينب سلام

الـشـمـر لـمن رفسني إلتوه جسمي النحيل
و إثـنـعش طبره طبرني و ظلت إدمايه تسيل

مـن تـربع فوق صدري صحت يا عباس وين
و أسـمـع الـزهـره تنادي واحسيناً واحسين

ظـل يـحز نحري إعله كيفه يقهر إبزينب يريد
مـن نهض و الراس بيده صاحت إنهض يالعضيد

عـالأرض جسمي توزع صار ملعب للخيول
و إنـقطع من جفي خنصر ظلت إتدوره البتول

نادوا يا شيعه سلاماً و إذكروا الشيب الخضيب
و الـشفاه الذابلات و نوحوا عالجسم السليب

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#الحسين
#محرم

ريحانة المصطفى يا كعبة للوفى | باسم الكربلائي
حسينية القصاب | البحرين - المنامة
سنة 2002 م | ليلة 2 محرم 1423 هجرية

ريـحـانة المصطفى ** يا كعبة للوفى ** المجد فيك أكتفى ** يا ساكن في الروح
يـا حـســــــيـن يا حســـــــين يا حســين يا مذبوح

صـوت الـحـقـيـقـة اعـتـرف ** للناس حبك شرف ** ياقبلة الآمال
يـحـسـيـن انـت الـوفـي ** بـيـك الـمجد يكتفي ** يمحرر الأجيال
يـا أغـلـى دم انـسـفـك ** عـطـل مدار الفلك ** عالغبره لمن سال
رب الـجـلالـه ارفـعـك ** صـار الرمح موضعك ** راسك عليه انشال
رأسك فوق القناة ** اضحى لواءا لنا ** خلقت قبل الدنا ** خلقت قبل اللوح

دمـك ابـد مـانـشـف ** كـل جـرح منك نزف ** بيه حكمة الرحمن
يـحـسـيـن دم الـنـحـر ** بـالـلـوح تارك أثر ** والعرش والميزان
هـذاالـسـبـط يـنـذبـح ** ونشوف اثر كل جرح ** من نفتح القرآن
كـل آيـه دمـك نـهـر ** تـرجـم مـعـاني السور **يموضح الفرقان
يـاسـيـدي هـاهيه ** دماؤك الزاكيه ** لربها داعيه ** من جرحك المفتوح

يـا حـسـيـن لـمن طحت ** فرض الصلاة وضحت ** وتشاهدك هالقوم
مـطـروح فـوق الارض ** سـاجـد تـأدي الـفرض ** للخالق القيوم
ظـامـي وطـحـت عـالترب ** وبعطش ذاك القلب ** ثبتت فرض الصوم
زكـيـت بـذل الـنـفـس ** وتـريد من هالدرس ** فرض الزكاة يدوم
يـا قبلة للابا ** طافت عليك الظبا ** خامس اهل العبا ** اوحى اليك الروح

لـمـن رمـوك بـحـجـر ** تـواسي الي راسه انطبر ** واتخضب المحراب
واضـلـوعـك مـهـشـمـة ** اتواسي ضلع فاطمة ** من انكسر بالباب
كـبـدك رمـوه بـسـهـم ** هالرميه واست الم ** كبد الحسن من ذاب
بـنـورك عـدن زاهـرة ** رغـم الـدمـا الي جرى ** نورك ابد ما غاب
نـورك لـما زهى ** في سدرة المنتهى ** نمت غصون لها ** من دمك المسفوح

يـحـسـيـن جـيـنـا الـك ** ونـشـاهـد بـمصرعك ** بدم اسرار
ظـل الـجـسـم مـرتـهـن ** بـلايـه غسل لاكفن ** من حكمة الجبار
وثـلـث لـيـالـي يـتـم ** فوق الارض هالجسم ** رب الجلا له اختار
حـتـى الـمـلايـك تـمـر ** تـحـج يـمك وتعتمر ** وتنزل الك زوار
لبيك رب العلى ** نحن اعتمرنا الى ** من مات في كربلا ** فوق الثرى مطروح

نـزلـت امـلاك الـسـمـا ** لـن شافتك بالدما ** من منحرك مخضوب
جـبـريـل يـمـك نـزل ** مـيكال مدمع همل ** .من شاهدك مسلوب
واعـلـيـك فـطرس يحن **لن شافك بلا دفن ** والصرخة من كل صوب
صـاحـوا يـشـبـل الـطـهـر ** عظم الله الاجر ** بمصابك المكتوب
يـا ثاويا بالعرى ** يامرملا بالثرى ** عليك دمعي جرى ** من جفني المقروح

يـا حـسـيـن يـامـن الك ** ناح وحزن كل ملك ** وانفجعت الأملاك
كـل مـا يـلـوح الـفـجـر ** من منحرك ينتثر **.دمك على الافلاك
واحـنـا اعـلـى هـاي لـصـفه ** دمع الحزن نذرفه ** يبن النبي وننعاك
مـهـمـا يـطـول الـعـمـر **مـا يـنخمد هالجمر ** يتوهج لذكراك
يـاذاويـا بالعرى ** يامرملا بالثرى ** عليك دمعي جرى** من جفني المقروح

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#ريحانة
#المصطفى

السماء انفطرت | باسم الكربلائي
المجلس الحسيني / الحسينية البلاغية في لندن ليلة 5 محرم 1426 هـ

الـسماء انفطرت.. والنجوم انكدرت.. حينما غاب الحسين

الـعــالـم تـغـيـر مداره و أضحت الدنيا مظــــلمة
نـزل جـبـرائـيـل يـنـعـى ويـنـظر إلى حال أبو اليمة
مـثـل مـا هـز بـايـده مـهـده حـضـر بالميلاد يـمه
الـلـيـلـة حـضـر بالطـــف لكن شافه متغسل بدمه
كـوكب فوق الثرى .. أم حسين بالعرى .. وقطيع الودجين

الـك انـقل ثاني مشهد ترك بالدلال جمـــــــــرة
نـزل يـم حـسـيـن فـطـرس يـجـري دمـعاته وينظره
نـشـر بـالمصرع جناحه بدا يمسح بنحـــــــــره
رايـد يـجـازي ويـعـوض فـضـل الـريـحـانة الزهراء
صـاح والدمع همى .. يا خضيبا بالدمى .. أنت نور الخافقين

أهـوى جـسم حسين دامي طاحت الأملاك سجـــــد
كـل نـبـي و مـرسل الليلة حضر ويشاهد المشهــــد
والأشـد وأعـظـم وأصـعـب مـن حضر عنده محمـد
صبغ وجهه بدم وريده و بكثر جسمه توســـــــــد
صـاح و الجسم ندي .. ولدي يا ولدي .. أين ذاك الرأس أين

نـهـض مـن يـمـه محمد قعد يم الجسد حيــــــدر
شـاهـد بـلا راس جـسـمـه مـن ثرى المصرع تعفــر
نـوبـه مـن صـدره يـشـمـه و نـوبـه من فوهة المنحر
لـمـا يـسـمـع صـوت مدمي من وريد حسين يظهـــر
ابـتـي هـذا أنـا .. مـزقـوني بالقنى .. وأنا ابن القبلتين

نوبة جت فاطمة تنادي غير العالم وضــــــعـــهــا
انـحـنـت فـوق ضـلـوع صدره ناحت و لزمت ضلعهـا
شـمته بقطعة وريده و مزجت دمومه بدمـــهــــــا
تـنـادي مـن إلـي حـز وريـدك رقـبتك منهو إلي قطعها
يـا نـار الأضـلـعِ .. خذ دماء الأدمعِ .. بعدما كان لُجين

انـحـنـى ويم الجسد أمه ووالده والهادي جــــــده
عـلـى الـسـبـت يـجـري دمعهم لأن أخوه الحسن عنده
يـقـلـب الـمـظـلـوم بايده يدور على صواب جبــده
يـنـادي يـا زهـرة حـيـاتي يا جرح منك أشــــده
دمـعي الغالي جرى .. كي أواسي المنحرا .. وبكتك كل عين

راحـت الـزهـراء ويـا أبـوها و حيدر و يمه الحسن ينحب
تـوجـه يـم الـمـخـيـم شـافـوا أم الـحـزن زينـب
حـايـرة بـدمـع الـيـتـامـى و الـخـدر منها تسلـب
سـمـعـوا الأطـفـال تـصـرخ و الـخيم بالنار تلهــب
ودمـوع سـاكـبـة .. من جفون دائبة .. بشجون و أنين

للإشتراك في القناة : https://www.youtube.com/@Basim....Archive?sub_confirma

#الأرشيف_الباسمي
#لطميات
#باسم_الكربلائي
#محرم

يسكت العالم بأسره ونستمع صوت الحسين 2 | باسم الكربلائي
العتبة العباسية المقدسة

سـلام الله عـلـى صـوتك حبيبي يا حسين
يـسكت العالم بأسره و نستمع صوت الحسين

آنـا أنـظر عله أصحابي من هووا مثل النجوم
روحـي شبه الطير فرت إبمصرع الأكبر تحوم

و الـذبح جاسم ذبحني و إنذبح حلم الشباب
مـن عـطـش قلبي أشاهد النهر يجري تراب

عـالـنـهر طاحن إعيوني يم أبو الغيره إنحنيت
هـاي يكافل خدر زينب تترك حسين و مشيت

إشقد صعب توديع زينب أسرع و تركض وراي
و الـطفل مد إيده يشرب يعتقد دم نحره ماي

مـا أريـد أشبك رقيه أدري تشبكني و تموت
هـا يـسكنه إيطول ونج ونت الخدر سكوت

دمـعـة الأطفال كلمه كلمه وحده لا تروح
و الـعـليل إبعينه نظره نظره أكبر من جروح

صـابـنـي سـهم المثلث و الجبد نصين صار
مـن خرز ظهري سحبته و إنطفه إبعيني النهار

مـن طـحـت من المطهم عيني ظلت عالخيام
و الـمـهـر يحمل جراحي يحمل الزينب سلام

الـشـمـر لـمن رفسني إلتوه جسمي النحيل
و إثـنـعش طبره طبرني و ظلت إدمايه تسيل

مـن تـربع فوق صدري صحت يا عباس وين
و أسـمـع الـزهـره تنادي واحسيناً واحسين

ظـل يـحز نحري إعله كيفه يقهر إبزينب يريد
مـن نهض و الراس بيده صاحت إنهض يالعضيد

عـالأرض جسمي توزع صار ملعب للخيول
و إنـقطع من جفي خنصر ظلت إتدوره البتول

نادوا يا شيعه سلاماً و إذكروا الشيب الخضيب
و الـشفاه الذابلات و نوحوا عالجسم السليب

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#الحسين
#العتبه_العباسيه

هـاي امـي الـربـتـني ولهذا الموقف رادتني | باسم الكربلائي
الحسينية الكربلائية في دولة الكويت
٨ محرم سنة ١٤١٧ هجرية

هـاي امـي الـربـتـني *** ولهذا الموقف رادتني
بـالـمـدمـع نـادتني *** وياك استشهد وصتني
حــان الـمـوعـد *** خـل اسـتـشـهـد

هـذي مـفـاوز كـربلا *** هاي الحرب ياعمي
وهـذي وصـيـه والـدي *** شجعتني نخوه امي
مـهـموم وادري التضحيه *** تكشف سحابه همي
تـتـنـاثـر ازهـار الفرح *** حين يتناثر جسمي
مو وكت شمعه ولا عرس *** وكت انتصاري وعزمي
وامـضـت الـصارم شمعتي *** والحنه تصبح دمي
مـن اوكـع بالمصرع *** اوفي بكل حقوق المرضع
والام الـرضـعـتـني *** وياك استشهد وصتني
حــان الـمـوعـد *** خـل اسـتـشـهـد

خـيـل وزلم من كل كتر *** وسط الحرب مجموعه
وادم اجـت لـلمعركه *** لاتعس هدف مدفوعه
بـيـض الهنادي ملوحه *** وهاي السمر مشروعه
يـاعـمـي ارخص لي اطب*** وخمد سعير اللوعه
هـالـسـاعه مو ساعه شمع*** للعرس طفوا شموعه
وجـفن امي عاهد لو متت *** يحبس مسيل دموعه
والـواعـي بـتـفكيره *** يتمسك باعراف الغيره
والـغـيـره الـدفعتني *** وياك استشهد وصتني
حــان الـمـوعـد *** خـل اسـتـشـهـد

يـحسين ياعمي واظن *** ترخص لي لو ردت اطلع
هـزتـنـي لاجلك غيرتي*** وللذبح نحري تطوع
لـهـساعه ذاخرني الحسن *** هذي وصيته وتسمع
نـادانـي لـو عمك يظل *** وحده ويشح المفزع
ضـحـي لـه يبني برقبتك *** وعن مبداك لاترجع
واعـدني يحضر والدي *** لو طحت وسط المصرع
عـاهـدتـه وعـاهـدني *** ابرز وبعينه يشاهدني
وعـهـوده الـشجعتني *** وياك استشهد وصتني
حــان الـمـوعـد *** خـل اسـتـشـهـد

يـحـسـيـن ياعمي وبعد *** شتنطر شنهو التالي
وحـدتـك بـالطف هدمت *** حيلي وتغير حالي
خـلـيـنـي ابرز للوغى *** ويصفر شعاع هلالي
لـو مـانـعـتني من الحرب *** تصدع ركن امالي
شـلـون اصبر وشبلك على *** طايح صريع قبالي
دم ابـنـك ارخـصته شتظن*** دم بن خوك الغالي
خـل ابـرز لـعـسـكر *** اخذ منهم تار لاكبر
والـحـالـه الـهظمتني *** وياك استشهد وصتني
حــان الـمـوعـد *** خـل اسـتـشـهـد

جـاوبـه حـسـين بدمعته *** غير ياجاسم فكرك
بـعـدك بزهره دنيتك *** شنهو الشفت من عمرك
بـأول شـبـابـك ماردت *** كربلا تغيب بدرك
بـيـك انـظر اوصاف الحسن ***لمن عيوني تنظرك
ارجـع يـاجـاسم للخيم *** وامك اظن تنتظرك
مـنـهـو اليصبر الوالده ***لو شاهدت دم نحرك
شـلـون ارجـع لخيامي*** والاكبر طايح جدامي
وامـي الـي بـعـقتني *** وياك استشهد وصتني
حــان الـمـوعـد*** خـل اسـتـشـهـد

جـاوبـه جـاسم يالقلت *** اقصد ياجاسم لمك
هـي ال دعـتني لنصرتك *** قالت لي انصر عمك
وقـالـت يـاجاسم لاترد *** خوض المنايه بعزمك
وخـليني انضر بالحرب *** يم جسم الاكبر جسمك
وقـالـت لي روح لقاطمه *** صوغه اخذ من دمك
والـزهـرا مـن دار الخلد *** ضلت تردد بسمك
هـاي الام تـتـمنه *** تشوف جفوفي بدم تتحنه
عـالـمـذبـح دلـتني *** وياك استشهد وصتني
حــان الـمـوعـد *** خـل اسـتـشـهـد

حـادي الـمـنـايـه بكربلا ***يردد بموتي ويحدي
يـا عمي ماظل كل امل *** بس هالامل ظل عندي
اسـتـشهد بسوح الحرب *** وامضي لمحمد جدي
وعالكوثر القى المرتضى *** ويطفي الجمر من جبدي
واعـتـني لمك فاطمه *** وتجلي الترب عن خدي
واقـصـد واقبل والدي *** واهتف وفيت بعهدي
الـوالـد يـسـألـني *** وعنك ينشدني ويسالني
هـالـرحـمـه الشملتني *** وياك استشهد وصتني
حــان لــمـوعـد ** خـل اسـتـشـهـد

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#حسين
#محرم

ليلة وحدة لو تظل ليلة وحدة | باسم الكربلائي
العتبة الكاظمية المقدسة

لـيـلـه وحـده .. لـو تـظل ليله وحده
يـوفـي وعـده .. الـمـنـتظر يوفي وعده
و إنـتـظرته .. قلت له يمته .. نلتقي يم الجواد

إنـطـوت صـفـحة عتابي آمنت بالإنتظار
و بـكـثر ما جنت أعاتب قدمت لك إعتذار
جـيـت أزور الكاظميه و ألتفت يمنه و يسار
يـا تـره مـمكن أشوفك ليله و أبجي لك نهار
حـاضـر إنـتـه .. مـا غـبت حاضر إنته
مـوسـه شـفـتـه .. و الرضه موسه شفته
من ينادي .. علي الهادي .. تهتز السبعه الشداد
و إنـتـظرته .. قلت له يمته .. نلتقي يم الجواد

مـن أرض طـوس الغريبه تبتدي رحلة عذاب
و بـأرض سامره موكب يشعل إشموع الشباب
ابـحـضـرة الكاظم يمهدي يلتقون إبهالمصاب
صـاحت أرض الكاظميه كافي يالمهدي غياب
عـاشـرتـنـه .. الـفـاجـعـه عاشرتنه
عـذبـتـنـه .. غـيـبـتـك عـذبتنه
إبـهالرزيه .. الغاضريه .. و النجف تعلن حداد
و إنـتـظرته .. قلت له يمته .. نلتقي يم الجواد

و الله يالمهدي الحضورك يدعو كل هذا الحضور
يـا إلـهـي بـالـزجيه عجل إبيوم الظهور
هـالـمـصـيـبـه الألمتنه نلطم إبلايه شعور
دمـعـة الـزاير غريبه و إنت يالمهدي غيور
يـا مـحـمـد .. يـا عـلـي يـا مـحمد
جـرحـي يـشـهد .. ما نمت جرحي يشهد
ما كو راحه .. بس مناحه .. لايق إعليَّ السواد
و إنـتـظرته .. قلت له يمته.. نلتقي يم الجواد

إسـتـوطنت بيه المآسي و الدمع أصبح خليل
و الـحـزن لو حط رحاله يلغي قانون الرحيل
مـن كـثر حزني و مصابي إشما أسولفلك قليل
و إنـت آخـر أمل عندي لا تقل لي مستحيل
رافـع إيـدي .. بـالـصـحن رافع إيدي
يـا نـشـيـدي .. إبـكل فرض يا نشيدي
إبقلبي لهفه .. يمته تصفه .. يستقر وضع البلاد
و إنـتـظرته .. قلت له يمته.. نلتقي يم الجواد

أشـتـعـل جمره إعله جمره أذن إبجرحي بلال
آنـي مـا أقـدر أقـلك غير بس جلمة تعال
جـم تـعال و ما تجيني و كل شهر يطلع هلال
غـيـمه روحي من المدامع تنزل الدمعه بسؤال
مـا أعـوفـك .. يـا جـرح مـا أعوفك
ويـن أشـوفـك .. يـا حـلم وين أشوفك
و إبكرامه .. و بسلامه.. إبحكمك إتعيش العباد

إبـحضرة الكاظم حضرنه و الرضه راعي العزاء
و لازم الـزهـره الـحزينه تحضر إبهذا اللقاء
لـو بـني العباس تحضر تسمع أصوات الولاء
خـل يـشـوفـون السياده إلمن إيدوم البقاء
ويـنـه ويـنـه .. الـمـعـتصم وينه وينه
مـا دريـنـه .. إبـيـا كـتـر مـا درينه
مـن يـخـبره .. ما نذكره.. لا ندور بالرماد
للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي

غضب رب العباد نزل برض السواد | باسم الكربلائي
حسينية احمد عاشور في دولة الكويت
للشاعر سيد عبد الخالق المحنه
ليلة 7 محرم 1434 هـ

غــضــب رب الــعــبـاد .. نـزل بـرض الـسـواد
صـارت الـكـعـبـة اسـيـرة .. وابـرهـه يـم الـمـقـام
لــن خـلـيـل الله يـنـادي .. يـا گمـر هـاشـم سـلام

لـلگمـر سيف الغضب بالطف نزل .. صار بيمينه و ابن حيدر حمل
هالله هالله يـا زعـل شـايـل زعل .. و ارتجز حي على خير العمل
دوت نــار الــعــذاب .. مــثــل يـوم الـحـسـاب
زيـنـب بـصـوت الـزچيـة .. حـشـمـت مـن الـخيام
لــن خـلـيـل الله يـنـادي .. يـا گمـر هـاشـم سـلام

هـجـمـوا السبعين الف كلهم سوه .. اخو زينب شايل بچفه اللوه
ظـلـمة صارت عالنهار بلا ضوه.. ضاگت الوسعه و يدورون الهوه
نــده ويــن الــرجــال .. تــعـالـوا لـلـقـتـال
حـيـدر يـعـايـن شـبـيـهـه .. و يـبـتـسم سيد الانام
لــن خـلـيـل الله يـنـادي .. يـا گمـر هـاشـم سـلام

شال جوده و عالنهر گال الوعد .. و الحرس من شاف اخو زينب شرد
هـا يـمـلچ الموت لا تحسب بعد .. صاح ابو فاضل اريد اكثر عدد
اخــلــيــكــم عــبـيـد .. اذا زيـنـب تـريـد
اگلـب الـدنـيـه لأجـلـهـا .. و اعـلـن الـيـوم انتقام
لــن خـلـيـل الله يـنـادي .. يـا گمـر هـاشـم سـلام

صـاح يـا حـيـدرُ و زلزل كربله .. چالبراءة و نازل ابلا بسمله
نـاده هـذا حـسـيـن من يوصل اله.. زينب بجالي تضل مدلـله
قــســم بــالـعـاديـات .. اخـلـيـكـم شـتـات
طـفـحـت الـغـيـره بـوريـده .. و صـار عالموت ازدحام
لــن خـلـيـل الله يـنـادي .. يـا گمـر هـاشـم سـلام

صـاح اريد الماي وينه اليعترض .. گام يشطر سيفه بالطول و عرض
ماكو راحة اليوم راحتهم ركض .. و الله مدري اشلون شايلته الارض
و حگ ســكــنــه و ربــاب .. اگص كـل الـرگاب
انـه اخـو زيـنـب تـعـالـوا .. سـيـفـه مـثل الموت حام
لــن خـلـيـل الله يـنـادي .. يـا گمـر هـاشـم سـلام

والله لـو واحـد وصل زينب تره .. حالف اگلب هالسمه تحت الثره
الـيـوم اراويـكـم مراجل حيدره .. صاحت الحره يسبع الگنطره
يــا وفــاي الــوعــود .. تــعــال ابـلايـه جـود
خـويـه و الله الـخـوف اجـانـي .. و صـارت الـدنيا ظلام
لــن خـلـيـل الله يـنـادي .. يـا گمـر هـاشـم سـلام

نـاده يـا زيـنـب اسـمعي هالخبر .. لو اجيب الماي لو اظل عالنهر
صـاح ابـشـري واحـد بواحد شمر .. نادته زينب يا عباس الحذر
اذا تــوگع جــتــيــل .. اظــل ابــلا كـفـيـل
تـبگه اخـتـك لا عـشـيـرة .. و لا اخـوهـا و لا عـمام
لــن خـلـيـل الله يـنـادي .. يـا گمـر هـاشـم سـلام

خـويـه بـيـدك طلعتني من هلي .. من سألتك منهو يحرس محملي
انـت دگيـت الـصـدر خـويه الي .. گتلي انتي برگبتي و ادللي
خــذت روحــي و مـشـيـت .. و انـادي و لا اجـيـت
ارجـع ارجـع خـل اشـمـك .. و شـكـثـر عـندي كلام
لــن خـلـيـل الله يـنـادي .. يـا گمـر هـاشـم سـلام

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي

بأي ذنب دمي جرى | باسم الكربلائي
حسينية الامام الحسن (ع) في كربلاء المقدسة
ليلة الاحد 26 / 7 / 2003 الموافق ليلة 27 جمادي الاول 1424 هـ

بـأي ذنـب دمي جرى.. والجسم مني فوق الثرى
مـا غـسـلوني أو كفنوني.. بل قطعوني في البيداء

آنـه ريـحـانـة مـحـمـد وأقترن بالهادي أسمي
حـيـدر الـمـغصوب أبويه وفاطمة المظلومة أمي
أتـوضـت سـيوف المنايه بمنحري وطهرني جسمي
وصرت محراب الشهادة وصلت رماح إعلى جسمي
فـسـوف أروي مصيبتي .. والكون يبكي لحالتي
جـسـمـي سـلـيـب .. شـيـبي خطيبٌ
وذا لــهــيــبٌ .. فــي الأحــشـاء

ضـحـت أنـصاري وأخوتي وكل أهل بيتي وبنيني
والـجـيـوش أسـتـوحدوني وبسيوف محاوطيني
رمـيـة تـتبع رمية وأشكَف عن يساري وعن يميني
هـذي أول رمـيـة مـنهم بالحجر صابوا جبيني
وذا جـبـيـن تـألـما .. وأبتل شيبي من الدما
أخـذت ثـوبـي .. مـسـحـت شـيـبـي
فــذاب قــلــبــي .. لــــلأرزاء

عـقـب مـاصـابوا جبيني وذاك الصواب الحملته
بـسـهـم الـمـثـلث رموني وطايح بلالي شفته
عـالـمهر صدري حنيته وسهمي من ظهري سحبته
طـحـت مـن سرج المنية وعالترب خدَّي فرشته
أصـاب قـلـبـي تـأثـرا .. وأي قلبٍ تنثرا
ارمــا بــســهـمٍ .. مـن دون جـرمٍ
وأي يــــومٍ .. عــــاشــــوراء

أتـوسـد إعلى الغبرة جسمي سلمت للباري أمري
لـن شـمر بالسيف إجاني وللذبح ثنى إعلى صدري
شفته مد إيده إعلى راسي ووسَّط السيف اعلى نحري
وأبـتـدى يـحـز بوريدي وعالرمال دمومي تجري
فنال مني كيد العدى .. وأحتز رأسي سيف الردى
والـشـمـر يـدري .. مـذ حـزَّ نـحـري
فــي الــطــفِ .. تــجـري أيُ دمـاء

بـيـده شـايـل راسي لكن دمي ينزف حين شاله
رمـحـه خـلاه بـوريـدي وعالرمح راسي يتعالى
وحـاطـت الـناس إعلى رمحه عن يمينه وعن شماله
واحـد لـواحـد يسلمه وراسي هذا اللي جرى له
الـقوم مَن هم ومَن أنا .. يُشال رأسي على القنا
خـطـبـي فـظـيـعٌ .. رأسـي قـطـيـعٌ
جــســمــي صــريـعٌ .. دون رداء

راسـي مـابـيـن الأيادي وجسمي بحجور المنية
لـن عـشـر خـيَّالة قصدت غايرة وداست عليَّه
أضـلـوعي بالطف هشَّموها مثل ضلع أمي الزكية
ومـاتـرك من جسمي مفصل حافر خيول آل أُمية
تـنـاولـتـني نصولهم .. وفوق صدري خيولهم
لــم يــرحــمــونــي .. فـأوردونـي
كــأس الــمــنــونِ .. بـدل الـمـاء

لـلـجـسـد بـجـدل تعنه لكن بسيفه أعتنى لي
قـطـعت الخنصر دهتني والصخر يبجي إعلى حالي
عـقـب مـاجسمي تسلب عقب هالحال الجرى لي
بـخـنـجـره الـجمَّال إجاني و قطع يميني وشمالي
يُـدار رأسـي بـيـن الملا .. والجسم ثاوٍٍ بكربلا
غـذاََ سـنـحـشـر .. والـحـق يـظـهر
وســوف نــؤجـر .. فـي الـسـعـداء

للإشتراك في القناة : https://www.youtube.com/@Basim....Archive?sub_confirma

#الأرشيف_الباسمي
#لطميات
#باسم_الكربلائي
#كربلاء

اخاف من اعوفك بعد ما اشوفك | باسم الكربلائي

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

ياعباس اختك اني ولاتبارحني
جنت انت تمسيني وتصبحني
ردتك لان متت شوفك يفرحني
كلام الشامت بفركاك يجرحني
ياريت الموت اخذ روحي ويريحني
اذا انساك الله لا يسامحني
اخاف اشتكيلك واعذب دليلك
واريد بدموعي ابرد غليلك
تودعك دمعتي واخاف برجعتي بعد مااشوفك

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

اودعك يا ابن ابوي ولليسر اطلع
واعوفك بدر غايب نوره بالمصرع
مثل جسمك توذر قلبي وتقطع
كلامي وياك صار يجذمه المدمع
اذا ارجع ياخوي شراح اتوقع
اذا ارجع اشوفك بعد من ارجع
اباصر دليلي بسفرتي ورحيلي
كلتله عجيبه افارك كفيلي
على فقدك حسبتي
واخاف برجعتي بعد مااشوفك

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

اصيح واليموت شينفعه الصايح
سكتت ودموعي جدول على الوجه سايح
غصب عني اعوفك والظعن رايح
بلا توديع اتركك على النهر طايح
تعاتب لا تعاتب والعتب جارح
تودني والي يود من شيمته يسامح
ظعنه برواحه يريد السماحه
تسير الظعينه ونيني ونياحه
تنشدك مهجتي واخاف برجعتي بعد ما اشوفك

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

انشدك لو مشيت بظعني واتيسر
تقدر تنهض تشد الظعن تقدر
اذا بأسيافه خصمك يضرب الخدر
تقدر تحمي عيله وسايره بهل البر
اذا جتالك بمجلس شتم حيدر
تقدر تجي هناك تدافع وتحضر
اذا وكفونه بمجالس عدونا
حرم واحنا نسمع يشتمون ابونا
شينشف عبرتي واخاف برجعتي بعد مااشوفك

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

اذا اني مسبيه من يمك رحت ومشيت
عني ماقمت يااباالفضل حميت
اذا اني بمجلس دخلت وحايره ظليت
اذا حشمتك وللنخوه مالبيت
العذر مقبول منك ياخويه لو ما جيت
شلون تقوم وانت بس جسد ظليت
ياجمره حنيني يعذرك ونيني
عسى مني قطعوا يساري ويميني
شيرجع لهفتي واخاف برجعتي بعد ما اشوفك

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

شخلت ساحه الطف خذت مني فحول
شحجي وي النهر والسهم والعامود
فطر جبدي العطش بالنار سهمه الجوع
اذا تسكن لحد اسكن ياخوي لحود
للطف ياابن ابوي الظعن مني يعود
اخاف مااشوفك لو رجعت ردود
يطول غيابي واجيك بمصابي
اذا مالقيتك تزيد عذابي
تهيج جمرتي واخاف برجعتي بعد مااشوفك

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي

وعدك وينه وعدك وينه | باسم الكربلائي
الحسينية الكربلائية في قم المقدسة / ليلة 7 محرم 1414 هـ - 1993 م

وعــدك ويــنــه وعــدك ويــنــه .. صــاحـت زيـنـب، وعـدك ويـنـه
يــا عــبــاس انــتــه الــمــســؤول .. عـن هـذا الـمـوقـف شـتگول
وعــدك ويــنــه وعــدك ويــنــه .. صــاحـت زيـنـب، وعـدك ويـنـه

يـا عـبـاس أنـــــت الـكـافــــلـنـه وانـــــت الـضـيـغم والصنديد
جـيـت اشـرحــــلـك حـال عـيـالـك عـــــــطـشـانـه وللماي تريد
اطـفـالـك مـا تگـــــــدر تـصـرخ صــــــــارت تـومـيـلك بالايد
وهــذا الـشـاطـي اگـبـال خـيـامـك لا لـتگول الـشـاطـي ابـعـــــيـد
لتخليــــــــــنه، لتخليــــــــنه .. بهذا المـوقف لتخليــــــــنه
تـتـراجـف مـنـك هـالـجــــــــيـش .. صـابـر عـن هـالـمـوقف ليش
وعــدك ويــــنــه، وعــدك ويــنـه .. صـاحـت زيـنـب، وعـدك ويـنـه

كــلـسـا طـفــــــــلـه اتـمـر اگبـالـي تـوگف يـمـي وتـحچي اويـاي
مــا أفــهــم مــــنــهـا اشـمـا تـحچي ولا أسـمـع بــس چلـمـة مـاي
مـنـهـو ايـصــــبـر هـاي الـطـفـلـه حـاچيـنـي وبـاصــــرنـي بـراي
تگعـد لـو تـطــــــــلـع لـلـشـاطـي ابكيفك ظلت يـــــــمك هاي
يـا والـيـنه، يــــــــا واليــــــنه .. بيدك جودك يــــــــا والينه
أنـت الـعـارف والـحـســــــــاس .. ظلت يـــمك يا عــــــــباس
وعــدك ويــــنــه، وعــدك ويــنـه .. صـاحـت زيـنـب، وعـدك ويـنـه

مـا أشـرحـلـك حـال الـخــــــــدّر اشـــــرح بـس حـال الأطـفـال
طـفـلـيـن مـن اطـفـالـك وگفـــــوا يـحــــــــچون ابـمـدمع همال
واحـد يـنـشـد مــن الـثـانــــــــي شـــــتگول أنـت بـهـذا الحال
يـطـلـع عـمـنـه الـمــــاي ايـجـيـبـه لـو نـبــــــــگه ابجمر الدلال
يـعـلـم بـيـنـه، يـعــــــــلـم بيـــــنه شاف الحـــــاله ويعلم بينه
خـل نـطـلـع يـم عـمـنـه نـــــروح .. ونگلـه ابـمــــــدمـع مسفوح
وعــدك ويــــنــه، وعــدك ويــنـه .. صـاحـت زيـنـب، وعـدك ويـنـه

خـل اتـرك حـالــة اطـفـالـــــــك واشـرحـــلـك حـال الـرضـعـان
كـلـسـا اسـمـع واحـد يـصـــــرخ وأمـه تـحـاچـــــــــيـه بأحزان
هــاك ارضــع مــن دمــعـة عـيـنـي وحـتـى الـمـدمــع هـم خـلـصـان
ظـلـت يـم عــمـك يـولــــــــيـدي بـس هـوّه الـيـروي الـعـطـشان
شـبـحـت عـيـنـه، شـبـحـت عـيـنـه .. حـتـى الـيـرضـع شـبـحت عينه
مـا عـنـده لـســـــــان ايـحـاچيـك .. بـلسان الدمعه ايــــــــناديك
وعــدك ويــــنــه، وعــدك ويــنـه .. صـاحـت زيـنـب، وعـدك ويـنـه

يــا عـبـاس وإلـمــــــــن تـصـبـر مـن صـبـرك شـنـهـو الـمـريـود
بـيـدك هـذا الـجـود الـخــــــــالـي ابـلا مـاي اشـيـنـــفـع هـالجود
هـذا الـشـاطـي اگبـالـك يـجـــري والـمـثـلـك مـيريــــــــد اشهود
ريـتـك سـالـم تـرجــع الــــــــنـه ولـخـيامك بالـــــــماي اتعود
واتـرويــــنـه، واتـرويــــــــنـه .. تـرجع سالم واتـــــــــروينه
راح انـظــــــــل ابـهــا الآمـال .. واتـذكـر كـل صـوت الگـــــال
وعــدك ويــــنــه، وعــدك ويــنـه .. صـاحـت زيـنـب، وعـدك ويـنـه

شــال الــســيــف وهــاج وأغــضــب والــرايـه اتـرف اعـلـه الـرأس
صــارت ضــجّــه ابــبــاب اخـيــامــه وحـده اتـحـذره مـن الأرجـاس
وحـده اتـحـب اچفـوفـه اتگـــلـه لا تـتـأخـر يــــــــا عـــــباس
وحــده تــصــيـح ارجـع يـا عـمـي لا تـولـيـك أشـرار الـنـــــــاس
لـوظـلـــــــيـنـه، لو ظلــــــــينه .. بهاي الحاله لو ظلـــــــينه
بـس دمـعــــــات الـعـيـن تـسـيـح .. كـلـسـا يسمع طفله تصــــيح
وعــدك ويــــنــه، وعــدك ويــنـه .. صـاحـت زيـنـب، وعـدك ويـنـه

بــزودك مــن تــوصـل لـلـشـاطـي يـا عـبـاس اذكـرنـه اهــــــنـاك
بــس مــا تـتــرس جـودك ارجـع لـخـيـامـك والـمـاي آويــــــــاك
اطـفـال وخــــــــدر تـنـتــــظـرك مـا تگدر تحمل فرگـــــــاك
اسـرع لـلأطـفـال ابـجــــــــودك واسگيـهـا الـمـاي ابـيـــــمـناك
رد اعــلـيـنـه، رد اعــــــــلـيـنـه جـيـب الـمـاي ورد اعـــــلينه
يـا عـــــــبـاس وشـنـهـو الـمـاي .. مـا نـطـلب أكثر من هــــــاي
وعــدك ويــــنــه، وعــدك ويــنـه .. صـاحـت زيـنـب، وعـدك ويـنـه


للإشتراك في القناة : https://www.youtube.com/@Basim....Archive?sub_confirma

#الأرشيف_الباسمي
#لطميات
#باسم_الكربلائي
#محرم
#قم_المقدسة

يالقاصد لقبر حسين | باسم الكربلائي
الليلة الثانية من شهر محرم الحرام لسنة ١٤٢٤ هجرية
الرادود الحاج باسم الكربلائي الشاعر سيد سعيد الصافي الرميثي
قصيدة ( يا القاصد قبر حسين اوقف وانحني ببابه )
مملكة البحرين - حسينية القصاب

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

يا الزاير لون قبره يلوك بعينك من بعيد * سلم وأعقد النية وأقرا الحمد والتوحيد

وأطلب من أبو السجاد كلما تطلب وشتريد

أصعب وأكـلف الحاجات * عنده بكل وكت سهلات *

طبع الرزق بالنيات
كل مطلب وسيله يريد وكل موقف اله أسبابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

عن حسين أبو اليمة يا السامع خبر مشهور * يتناقل بكل مجلس وبكل الكتب مذكور

كلمن يعتني يزوره يرد منه بقلب مسرور
بقبره تبرد اللهفة * وجمرة حسرتك تطفه * اذا عندك مرض تشفه *
تبرى علته ويطيب كل من يشتم ترابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

لا تخلي العجب والشك ما بينك وبينه يحول * لو همك جبل ينزال وبفضل الحسين يزول

كرامة خصصه الباري الدعاء بقبته مقبول
ومن تتوجه بدعواك * يا الزاير أريد أنخاك * أريدك تندعيلي وياك
لتربة كربلاء حنيت ودموع الغربة سجابة

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

يا زاير لو رحت أنخاك لمن توصل لقبره * عوض عني أريد تشم مكان البيه نزف نحره

أختنقت ريتي وحنيت يا يوم الأشم عطره
وقله خادمك وده *ينال المطلب ال عنده * وقلبه ببابك يشده
علق لو حصل مراده يرد يمك من غيابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

نذر لحسين لو رديت ناذر أعتني له زحوف * قلبي يسبق أجدامي وبقبر الحسين يطوف

وأحني ضلوعي على الشباك وأحضنه بلوعه الملهوف

وأشكي شعندي من آلام * وخبرة بدورة الأيام * وأزور الأكبر وجسام
قبل ما أودع أبو اليمة أزور أهل الوفه أصحابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

وأتعني لعضيد حسين عباس الأخو الوفاي * ال قبله ما قبل يشرب ويتهنى بلذيذ الماي

وأقله من قبر زينب أنه جايب لك سلام وياي
غيور أطباعه معروفة * كريم يحي بضيوفه * أعذره مقطعة كفوفه
وراسه بالعمد مهشوم وبعينه السهم صابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه

قضيت العمر وأتمنى أعيش بحلم وبآمال* لون مني الأجل يحدي نعشي بكربلاء ينشال

يفروني على قبر حسين وش عندي ذنب ينزال
بجاه الطاهرة أمه * أريدن دفنتي يمه * وأنه الخادم لأبو اليمة
حي ميت دليلي يصيح آه يا حســـــــــــــــــــــين ومصابه

يا القاصد لقبر حسين * أوقف وانحني ببابه
وهل دمعك على الخدين وأسجد قبل أعتابه


للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#حسين

يعباس جيب الماي لسكينه | باسم الكربلائي
حسينية داود العاشور / البصرة - أبي الخصيب
سنة 1433 هجرية

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#العباس
#سكينة

أمك انا يحسين 2 | باسم الكربلائي

أمك انا يا حسين طفلك وين دليني .. صار الجرح جرحين بالطفلين واسيني
الـ محسن دليلي ينوح ولطفلك المذبوح .. صار الجرح جرحين بالطفلين واسيني

هاي الوديعه بنار الفجيعه للطف اجت هاليوم
كَايدها همها وبجف هضمها لزمت ضلع مهشوم
بذيج البوادي تنعى وتنادي اه يا بني يا مظلوم
حيرني وضعك يا بني واسمعك تحجي ويه هاي القوم
لطفلك تريد الماي شنهو الراي يوليدي .. اعصر الك عيناي ماي حشاي لو بيدي
عليك القلب مجروح ولطفلك المذبوح .. صار الجرح جرحين بالطففلين واسيني

امك انا يا حسين طفلك وين دليني .. صار الجرح جرحين بالطفلين واسيني
المحسن دليلي ينوح ولطفلك المذبوح .. صار الجرح جرحين بالطفلين واسيني

هاي آنه امك يوليدي يمك جيت بقلب ولهان
حين اعتنيتك حاير لقيتك شايل طفل عطشان
محد يطيعك ويرحم رضيعك لا ترتجي العدوان
خل يبقى ظامي واسمع كلامي رد يا بني للصيوان
امك واجيت انخاك واترجاك بالعبرة .. اخذ الطفل وياك امه هناك تنتظره
ليك النظر مشبوح ولطفك المذبوح .. صار الجرح جرحين بالطفلين واسيني

امك انا يا حسين طفلك وين دليني .. صار الجرح جرحين بالطفلين واسيني
المحسن دليلي ينوح ولطفلك المذبوح .. صار الجرح جرحين بالطفلين واسيني

حساب الـ حسبته بالطف عرفته وتوقعت هالحال
طفلك تصوب بالدم تخضب دمه على جفك سال
سهم المنية اثر عليه ادري السهم جتال
هاي انا مثلك ابجي على طفلك واتمرد الدلال
لعبدلله روحي تحوم تجري دموم عبراتي .. وعيوني جنها غيوم تمطر لوم دمعاتي
ليك الدمع مسفوح ولطفلك المذبوح .. صار الجرح جرحين بالطفلين واسيني

امك انا يا حسين طفلك وين دليني .. صار الجرح جرحين بالطفلين واسيني
المحسن دليلي ينوح ولطفلك المذبوح .. صار الجرح جرحين بالطفلين واسيني

وحدك اشوفك وشلون اعوفك بين العدى ومحتار
يحسين اخبرك لمن انظرك اتذكر الكرار
مثلك تحير حاله وتغير من هجموا على الدار
عبدلله شفته المحسن ذكرته ذكرني بالبسمار
لعبدلله راسي شاب قلبي ذاب واتالم .. وتذكرت بالباب ضلعي انصاب وتهشم
لمحسن حزينة الروح ولطفلك المذبوح .. صار الجرح جرحين بالطفلين واسيني

امك انا يحسين طفلك وين دليني .. صار الجرح جرحين بالطفلين وياسيني
المحسن دليلي ينوح ولطفلك المذبوح .. صار الجرح جرحين بالطفلين واسيني

يوليدي تدري عذبني دهري مفجوعه بالاولاد
المحسن هضمني وطفلك يهمني ما ناغوا ابــ امهاد
والموت اخذهم وحرمني منهم صبر القلب ما فاد
هاج وتأثر ضلع الـ تكسر هالليلة كسره انعاد
ضلع بصبر مسنود قلت تهون اهاتي .. ما ادري راح تعود ليه ردود لوعاتي
زاد على ضلعي النوح ولطفلك المذبوح .. صار الجرح جرحين بالطفلين واسيني

امك انه يحسين طفلك وين دليني .. صار الجرح جرحين بالطفلين واسيني
المحسن دليلي ينوح ولطفلك المذبوح .. صار الجرح جرحين بالطفلين واسيني

يا حسين اريدك تنطيني بايدك طفلك وابات وياه
واقعد واساهر يمه واناطر جايز يفك عيناه
واحجي له حالي وهضم الليالي بيه شعمل فرقاه
واعصر له مدمع وبجفني يرضع يغفى على جرف الاه
اعصر دمع واسقيه وتناغيه وناتي .. تسهر مهجتي عليه وتباريه حسراتي
لاجلك حملت جروح ولطفلك المذبوح .. صار الجرح جرحين بالطفلين واسيني

امك انا يحسين طفلك وين دليني .. صار الجرح جرحين بالطفلين واسيني
المحسن دليلي ينوح ولطفل المذبوح .. صار الجرح جرحين بالطفلين واسيني

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#حسين

يا شيعتي رغم اعداي | باسم الكربلائي
المجلس الحسيني / الحسينية البلاغيه في لندن
ليلة 5 محرم 1427 هجرية

ياشيعتي رغم عداي وگت العطش ذكروني - كلما تشربون الماي وگت العطش ذكروني

ياشيعتي وگت الشرب ذكروني دلالي ظامي - عدواني من ماي العذب حرموني حرمو ايتامي
أنا الذبيح ابلا ذنب سلبوني والجسم دامي -دمع الحزن والأشجان يا شيعه لا تنسوني
أنا الغريب العطشان وگت العطش ذكروني

يا شيعتي نار العطش بين احشاي تلهب وتسري - گلبي انخمش فكري اندهش من دنياي وليدري يدري
فوگ الترب خدي انفرش خيل اعداي هشمت صدري - يا شيعتي ابجرد الخيل عگب الچتل سحگوني
جمر العطش هد الحيل وگت العطش ذكروني

شيعتي ولو يوم انفگد منكم شاب عنكم تأخر - ذكروني من شفت الولد جسمه انصاب و بالدم تعفر
غابت الروح من الجسد لمن غاب عن عيني الاكبر - لفراگ الاكبر ما لوم ونخمد نور عيوني
انا الوحيد المظلوم وگت العطش ذكروني

اليفگد عضيدة وبي غدر هضم البين جور الفجيعه - خل يذكر امصاب الگمر والچفين ظلت گطيعه

بين العدا وسهم الغدر صاب العين يم الشريعه - حيلي انهدم عالعباس خابت عليه اظنوني
بفيض المدامع يا ناس وگت العطش ذكروني

لو شفتو عريس انفجع والاحزان زيدت همه - ذكروه ابجاسم من وگع عالتربان والحنه دمه
تالي العرس نحره انگطع والعدوان وذرة جسمه - ابدال العرس دمه يسيح ومصابه غير لوني
چني سمعت صوته يصيح وگت العطش ذكروني

شيعتي ولو منكم طفل گلبه يذوب وينگطع نحره - يذكر رضيعي المنقتل ابلايه ذنوب وبگلبه جمره
عبد الله نحره منفصل وعلى المصيوب نسچب العبرة - ابعيني شفت طفلي انصاب ياشيعه لا تلوموني
چبدي إنفجع گلبي ذاب وگت العطش ذكروني

لو شفتو عيله محيره والايام جارة عليها - اتذكرو عيالي اميسره بدرب الشام وغدرو بيها

والحرم مدمعها جره على الايتام وميسريها - وتنادي زينب بدموع منهو اليشد ظعوني
جاوبها راسي المگطوع وگت العطش ذكروني

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي

زينب تلطم اعله الراس | باسم الكربلائي
مسجد الموسوي في دولة الكويت
ليلة 25 شهر محرم 1427 هـ - 2006 م
كلمات الشاعر المرحوم السيد عبد الحسين الشرع

زيـنـب تلطم اعله الراس .. و اتنادي يمهر حسين
أسـمـع هـطـل بـالميدان .. خيالك تقنطر وين

لـزمـت بـيـديـها إلجامه و قامت تون و اتنشده
مـالـك تـسـحـب اعنانك و عنك مايله العده
يـمـكـدر ويـن أخويه حسين خليته اشبب وحده
اشـعـنـدد موجب إقبالي .. و تتهضم على حالي
تــراك امــردت دلالــــي
أسـمـع بالمعاره اصياح .. و العسكر فزع صوبين

مـن شـفـتـك عـليّ مجبل قلبي انخمش و اتطير
أسـمـعـك تـصـهل و تعول لاجن بالعويل الشر
سـولـفـلـي أخـيـي وين عنك وقع و اتقنطر
إمـشـي اويـاي دلـيني .. و لعند حسين وديني
اشــمــا لــك مــا تــحــاجـيـنـي
تـدق ابـحـافـرك يمي .. و شابح للخيم بالعين

يـمـهـر حـسـيـن حـاجيني قاصد هالخيم ليها
و لـسـبـالـك زلـم ظـلـت تحشمها و تنخيها
غـيـر الـحـرم و الـرضـعان ما تم هالخيم بيها
بـس واحد بقه وجعان .. جسمه امن المرض نحلان
ابـــوه ابــخــطــة الــمــيــدان
علينه ضاعت أخباره .. و لا نندل طريجه امن امنين

مـدري اشـعـوقـك عني و هاي الخيل إجت لينه
ايـخـاف اتـفـرهـد اخيمنه و تفرهد عز العلينه
خـذنـه اويـاك لـلـمـيدان و اعله حسين دلينه
و كـل الـحـرم تـبـعنه .. و بيهن للولي اتعنه
ســمــعــن مــن بـعـد ونــه
و صـوت ايـصيح يا زينب .. يختي طالعه لاوين

سـمـعت زينب و ركضت و قامت تركض النسوان
لـمـن وصـلـن الـحـومـه لكَنه اموسد التربان
يلوج امن العطش و يصيح و جق جدي النبي عطشان
يـا هـالـوادم درحـموني .. شربت ماي دسقوني
بــعــد مــا شــوف بــعــيـونـي
و قـامت عالوجه تلطم .. و تخمش زينب الخدين

تـدنـت زيـنـب و قامت تجلب اجروح البصدره
لـنـهـا اتـشـوف الـمثلث طالع من حرز ظهره
قـامـت عـالـوجن تلطم و تسجب زينب العبره
تـقـله ويل قلبي اعليك .. يخويه هالسهم ماذيك
تــلــوج اعــلـه الـثـره امـخـلـيـك
و هـو اللي قطع حيلك .. و جاسم جبدتك نصين

زيـنـب جـاعـده يـمه و تجلب اجروح البجبده
يـحـيـدر جـان مـقصدها تطلع السهم و اتشده
لـن الـشـمـر يـا كـرار لازم مـرهـفه بيّده
و لـمـن وصـل قامت ليه .. و تتوسل يحيدر بيه
تــقــلــه الــهــا الـحـرم خـلـيـه
مـا تـم بـيه كتر سالم .. تحط سيفك يمكدر وين

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#زينب

امك أنا يحسين 1 | باسم الكربلائي
الحسينية الكربلائية
سنة 1429 هجرية

أمك انا يا حسين طفلك وين دليني ... صار الجرح جرحين بالطفلين واسيني
الـ محسن دليلي ينوح ولطفلك المذبوح ... صار الجرح جرحين بالطفلين واسيني

هاي الوديعه بنار الفجيعه للطف اجت هاليوم
كَايدها همها وبجف هضمها لزمت ضلع مهشوم
بذيج البوادي تنعى وتنادي اه يا بني يا مظلوم
حيرني وضعك يا بني واسمعك تحجي ويه هاي القوم
لطفلك تريد الماي شنهو الراي يوليدي ... اعصر الك عيناي ماي حشاي لو بيدي
عليك القلب مجروح ولطفلك المذبوح ... صار الجرح جرحين بالطففلين واسيني

امك انا يا حسين طفلك وين دليني ... صار الجرح جرحين بالطفلين واسيني
المحسن دليلي ينوح ولطفلك المذبوح ... صار الجرح جرحين بالطفلين واسيني

هاي آنه امك يوليدي يمك جيت بقلب ولهان
حين اعتنيتك حاير لقيتك شايل طفل عطشان
محد يطيعك ويرحم رضيعك لا ترتجي العدوان
خل يبقى ظامي واسمع كلامي رد يا بني للصيوان
امك واجيت انخاك واترجاك بالعبرة ... اخذ الطفل وياك امه هناك تنتظره
ليك النظر مشبوح ولطفك المذبوح ... صار الجرح جرحين بالطفلين واسيني

امك انا يا حسين طفلك وين دليني .. صار الجرح جرحين بالطفلين واسيني
المحسن دليلي ينوح ولطفلك المذبوح ... صار الجرح جرحين بالطفلين واسيني

حساب الـ حسبته بالطف عرفته وتوقعت هالحال
طفلك تصوب بالدم تخضب دمه على جفك سال
سهم المنية اثر عليه ادري السهم جتال
هاي انا مثلك ابجي على طفلك واتمرد الدلال
لعبدلله روحي تحوم تجري دموم عبراتي ... وعيوني جنها غيوم تمطر لوم دمعاتي
ليك الدمع مسفوح ولطفلك المذبوح .. صار الجرح جرحين بالطفلين واسيني

امك انا يا حسين طفلك وين دليني ... صار الجرح جرحين بالطفلين واسيني
المحسن دليلي ينوح ولطفلك المذبوح ... صار الجرح جرحين بالطفلين واسيني

وحدك اشوفك وشلون اعوفك بين العدى ومحتار
يحسين اخبرك لمن انظرك اتذكر الكرار
مثلك تحير حاله وتغير من هجموا على الدار
عبدلله شفته المحسن ذكرته ذكرني بالبسمار
لعبدلله راسي شاب قلبي ذاب واتالم ... وتذكرت بالباب ضلعي انصاب وتهشم
لمحسن حزينة الروح ولطفلك المذبوح ... صار الجرح جرحين بالطفلين واسيني

امك انا يحسين طفلك وين دليني ... صار الجرح جرحين بالطفلين وياسيني
المحسن دليلي ينوح ولطفلك المذبوح ... صار الجرح جرحين بالطفلين واسيني

يوليدي تدري عذبني دهري مفجوعه بالاولاد
المحسن هضمني وطفلك يهمني ما ناغوا ابــ امهاد
والموت اخذهم وحرمني منهم صبر القلب ما فاد
هاج وتأثر ضلع الـ تكسر هالليلة كسره انعاد
ضلع بصبر مسنود قلت تهون اهاتي ... ما ادري راح تعود ليه ردود لوعاتي
زاد على ضلعي النوح ولطفلك المذبوح ... صار الجرح جرحين بالطفلين واسيني

امك انه يحسين طفلك وين دليني ... صار الجرح جرحين بالطفلين واسيني
المحسن دليلي ينوح ولطفلك المذبوح ... صار الجرح جرحين بالطفلين واسيني

يا حسين اريدك تنطيني بايدك طفلك وابات وياه
واقعد واساهر يمه واناطر جايز يفك عيناه
واحجي له حالي وهضم الليالي بيه شعمل فرقاه
واعصر له مدمع وبجفني يرضع يغفى على جرف الاه
اعصر دمع واسقيه وتناغيه وناتي ... تسهر مهجتي عليه وتباريه حسراتي
لاجلك حملت جروح ولطفلك المذبوح ... صار الجرح جرحين بالطفلين واسيني

امك انا يحسين طفلك وين دليني ... صار الجرح جرحين بالطفلين واسيني
المحسن دليلي ينوح ولطفل المذبوح ... صار الجرح جرحين بالطفلين واسيني

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#حسين

كل قطرة دم بشرياني | باسم الكربلائي

كـل قـطـرة دم بـشرياني تهتف باسمك... يا حسين
روحي اشلون تظل بجسمي من اذكر جسمك... يا حسين
جسمي مو اغلى من جسمك ... دمي مو أغلى من دمك

يـا هـل الـعايش على ارموشي حلم كل لحظة يتجسم
سـحـر شـوقـك يـا بو الأكبر يسايرني بخلايا الدم
جـسـد و اتـمـثـلك كوكب اصد لجروحك اتوهم
أشـوفـن كـل جـرح مـنـك ثـغر للدنيا يتبسم
عـجـيـبـة تـندبح ضامي يا من كل عين الك زمزم
و الأعـجـب تنزف اجروحك و أنت الكل جرح بلسم
دنـيـانـة الـمـشغوفة بحبك بيك اتغنت... يا حسين
مـو بـس الـعـابـس جنيته كلها انجنت... يا حسين
كـلـها غدت تلهج باسمك ... دمي مو أغلى من دمك

لـون عـابـس وقـف بـالطف يصيح الشوق جنني
مـلايـيـن أصـبـحـت مـثـله لونك عنها تسألني
عِـشـاكَـة و كـل فـرد منهم غِدى بعابس يذكرني
و كـلـمـن انـشـده يـجاوب يقول احسين هيمني
و أنـا بـعـالـم لـهـيـب الطف سيوف الهم يبارنّي
عـجـيـبـة يـوذرنّ جـسـمك و لا مثلك يوذرّني
شـبـهـت اجروحك بعيوني و الدم يجري... يا حسين
و الـحـافر ما هشّم صدرك هشّم صدري... يا حسين
و آنـا ريـت انصرع يمك ... دمي مو أغلى من دمك

حـلـيـف الـهـم كـلف يقدر دليله بصبره يتورع
عـلـى مـصـابـك يـا بو اليمة وراعة قلبي ما تنفع
تـريـد اصـبـر اشبعد اصبر و اشوفك دامي بالمصرع
اشـتـظن جفن المحب يغفى و حبيبه اعلى الثرى مقّطع
يـا بـو الأكـبـر لـون يـذبُل نخبره بحلك و يسمع
يـفـتـت كـل صـخر غيضه و يجود اعليك بالمدمع
لـو يـسـمـع بمصابك يذبُل جَان اتفطر... يا حسين
و اشـلـون آنا العاشق و اصبر بيش اتصبر... يا حسين
و آنـا هـمـي بكثر همك ... دمي مو اغلى من دمك

الـحـديـد اتـلـيـن الداوود عجيبة اعليك يتصلب
و يـصـيـر اسيوف و يقطع جسد فوق الثرى امخضب
الـشـمـس لـو مر عليها الغيم بثياب الخجل تتحجب
اشـعـجـب ما غابت و جسمك تشوفه بكربله مترب
عـجـيـبـة الـماي ظل يجري و لا عن خجل يتنضب
و يـشـوفـك ضـامي و بكتره دليلك بالعطش يلهب
بـهـذا الـماي اشلون اتهنا و قلبك ضامي... يا حسين
اشـلون اتنام الليل اعيوني و جسمك دامي ... يا حسين
بـروحـي و بدمي أخدمك ... دمي مو أغلى من دمك

لـون خـيّـم عـلـيّ لـيـلي بسواد العاشر اتذكر
صـور عـن لـيـلـة الـعاشر اعيش وياها و اتحسر
اعـانـكَ لـجـمـة اجـروحي بفضاوة قلبي و اتصبر
و لا صـحـوة سِـمـه بـعـيني تريضني يا بو الأكبر
سـوادت لـيـلـي تـرسـم لي وداعك ويه هالحدر
و اشـد اعـلـى الـحزن حيلي لون خيط الفجر أسفر
كـل مـصـباح اتذكر يومك يوم العاشر... يا حسين
بـس مـوجات المدمع ترحم قلبي الشاجر... يا حسين
دمـعي دم يجري و يكلمك ... دمي مو اغلى من دمك

صـرت كـلـمـا أصـد لـلنار أذكر جمرة اخيامك
و لـون اسـمـع طـفـل يبجِي أنوحن و أذكر أيتامك
و إذا مـنـي عـضـو اتـألـم أهـيم بسجَت ألآمك
و إذا يـومـي يـخـالـفـنـي أون لـمخالف أيامك
أنـا و كـل اهـلـي و اصـحابي نذر لتراب أجدامك
يـا غـالـي و أغلى من عمري رخيصة اعيوني جدامك
روحي و جسمي و شما املك باسمك صاحن... يا حسين
و كـل ذرات الـعـالم مثلي لجلك ناحن ... يا حسين
دمـي لـو تـطلب أسلمك ... دمي مو أغلى من دمك

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#حسين

يريح الهاب وياك وديني | باسم الكربلائي
محرم 1420هـ
الحسينية الكربلائية - دولة الكويت

يا ريح الهاب وياك وديني ..
ازور احباب غياب عن عيني ..
سفرهم طال .. وانا بهالحال ..
ازور احباب غياب عن عيني ..



عليله وذاب دلالي خلـص بـالآه والــونه ..
ابوي حسين فارقني وخبر لليوم مامنه ..
اخذ وياه كل اهلي .. قطع رجواي والضنـه ..
اريد وياك تاخذني .. يا ريح الهاب واتعنى ..
على النسمات يا ريح خليني ..
واشوفن وين .. وياي دليني ..
ضعنهم شال .. وانا بهالحال ..
ازور احباب غياب عن عيني ..



بوجود حسين يتنافح .. ملاحه وطيب مراعي ..
عفاني اشلون اتحمل .. غصص وهموم دنياي ..
وانا الماجان يتهاون .. شريج الروح وياي ..
ندهني وسار للممشى .. وعقبني وشال حداي ..
حدى الحداي .. ناديت تاليني ..
يا حادي النوق .. وياك مشيني ..
مشى ولا قال .. وانا بهالحال ..
ازور احباب .. غياب عن عيني ..



جزاني وفاة حاديهم .. عساه يكون لا طوع ..
قطع بالنوق وعيوني .. على الركبان تتشبع ..
مشى وضليت عالبيدا .. بنظر ما يوس اتلمع ..
ترك بالروح حسراتي .. ومصب العين دم يسفع ..
علل وهموم .. والبين واليني ..
سعير الشوق .. لو هاج ياذيني ..
الهجر جتال .. وانا بهالحال ..
ازور احباب .. غياب عن عيني ..



يا ريح الهاب احجيلك وانا الحسبات تشغلني ..
نذر انطيك كل عمري .. لو ان وياك تحملني ..
اسوم عليك بارينا .. الضعن وياه يوصلني ..
وابوي حسين لو شفته ياريح الهاب نزلني ..
تراني الضيم والبين عاميني ..
من الحسبات .. مليت تدريني ..
شيضل عالبال .. وانا بهالحال ..
ازور احباب .. غياب عن عيني ..



ابوي حسين دوهلني .. نحت والنوح يحلالي ..
يا ريت الروح لا عاشت .. لو ان يروح عن بالي ..
عساه الموت ياخذني .. وعساها تحين آجالي ..
مشى وضليت اتنظر .. ولا مرسال ودالي ..
ابوي الي راح .. ما يصير ناسيني ..
ولا مبعوث للدار .. يلفيني ..
ولا مرسال .. وانا بهالحال ..
ازور احباب .. غياب عن عيني



يا ريح الهاب لو تدري .. اشحملت هموم بغيابه ..
غزاني الشيب من صغري .. وحمم بحشاي لهابه ..
شبيه الطير دلالي .. خفق لغياب احبابه ..
لفاني الليل بالحسره .. وقضيته بروح مرتابه ..
ظلام الليل .. بالآه يجزيني ..
ذهيلت راي .. والشيب غازيني ..
على هالمنوال .. وانا بهالحال ..
ازور احباب .. غياب عن عيني ..



نهاري يروح باللوعه .. يجيني الليل بهمومه ..
ظلام وخوف يترادف.. واطش دموع لنجومه ..
واشوف الدار وحشتها .. تخلي الروح مالومه ..
نياح النوق لحبابي .. نحت والعين معدومه ..
لو ان الموت ماراد يطويني ..
هضم دنياي والنوح يكفيني ..
الدمع همال .. وانا بهالحال ..

للإشتراك في القناة : https://www.youtube.com/@Basim....Archive?sub_confirma


#الأرشيف_الباسمي
#لطميات
#باسم_الكربلائي
#زينب
#محرم

صلى عليك مليك السماء | باسم الكربلائي

صــلــى عــلــيــك مــلـيـكُ الـسـمـاء
جـسـمٌ صـريـعٌ فـي الـعـراء .. مـقـطعُ الاعضاء
سـلـيـب .. حـسـيـن .. غـريـب .. حـسـين

مـو آيـة وحـده بهذي نزلت آيات .. بيها الكتاب يصرِّح
شـمـا بـالـسما والأرض من مخلوقات .. بسم الإله تسبِّح
مـعـنـاهـا يـشعر عالم الموجودات .. باليحزن و باليفرح
و بـهالشعور عليك ناحت كل ذات .. وادي الطفوف يوضّح
بــكــى عــلــيــك ضــمـيـرُ الـجـمـاد
ثـم ارتـدى ثـوبَ الـحـداد .. يـا مُـبـكـي الأطواد
عـجـيـب .. حـسـيـن .. غـريـب .. حـسين

أول صـواب الـحـجـر لـمن صابك .. ذاك الجبين اتهشّم
هـذا الحجر ظل ينحب على مصابك .. وأصبح جبينك مأتم
سـهـم الـمـثـلـث سِـجَد يم أعتابك أدى التحية و سلَّم
ومـن صـوب چبـدك ظل يحن لصوابك .. ألّمك وهو تألم
شـابـت عـلـيـك .. رؤوس الـنـبـال
وبـكـتـك صـالـيـة الـقـتـال .. من محجرٍ هطّال
حـبـيـب .. حـسـيـن .. غـريـب .. حـسـين

لـمـن طِـحِت و استقبلت وجه الله .. بدم الجروح الترجف
تـعـنـاك شـمر الخنا وسيفه بيمناه .. لقطع النحر متلهف
وعالنحر من وسّط السيف و خلاّه .. سيف الشمر ظل يرجف
هالسيف ظل يبچي على نحرك و دماه .. وعلى الجراح التنزف
بــكــت عــلــيــك عــيـونٌ الـسـيـوف
وتـراب بـاديـة الـطـفـوف .. فـي خـطبك المعروف
تـريـب.. حـسـيـن .. غـريـب .. حـسـيـن

عـن جثتك يا حسين راسك فصلوه .. جسمك صريع مترَّب
تـراب الأرض يبچي على حالك خلوه .. بموجة دماك تخضّب
و الـشـمس من شافت وريدك قطعوه .. بالحزن ظلت تلهب
راسـك بـراس الـرمح لمن شالوه .. حتى الرمح ظل ينحب
جـرت عـلـيـك .. دمـوعُ الـرمـاح
وبـكـتـك بـارقـة الـصـفـاح .. يا من إلى الأرواح
مـجـيـب .. حـسـيـن .. غـريـب .. حـسـين

والـدك يـوم الـحـشر هو الميزان .. وبچفه حوض الكوثر
شـلون انته ابنه تموت بالطف عطشان .. چبدك ذِبَل و اتفطر
نـهـر الـفـرات الـيوم منك خجلان .. من چبدتك يتعذر
خـلـوك يـمـه بـلا غُسِل بلا أچفان .. مغسَّل بدم المنحر
نــاحــت عــلــيــك ضــفــاف الـفـرات
دمـعٌ ومـوجٌ جـاريـات .. وأنـتَ فـي الـفـلوات
خـصـيـب .. حـسـيـن .. غـريـب .. حـسين

حـتـه الـخـيـم حزنانه يبن الأطهار .. حيرتك وتنظرها
هـاي الـخـيـم مـا وجروها الأشرار .. جمر الحزن وجرها
مـن كـثـر ما حزنة إلك شبت نار .. اعليك القهر سجرها
وعـين السحاب اعليك سالت مدرار .. ناعي الأجل كدرها
هــلــت عــلــيــكَ جـفـونُ الـسـحـاب
وبـكـت لـمـصـرعـكَ الـهـضاب .. وأنت للألباب
قـريـب .. حـسـيـن .. غـريـب .. حـسـيـن

ابكل عين إلك دمعة حزن يا مظلوم .. ابكل قلب لهفه و حسره
مـو بـس جـماد الأرض ينعاك اليوم .. ينحب الكون بأسره
يـحـسـيـن وشـما بالسموات انجوم .. أجرت عليك العبره
حـزنـك على اوجوه الكواكب مرسوم .. يبن البتول الزهره
هـوت عـلـيـكَ شـمـوسُ البهاء .. بالحزنُ أثقلها العزاء
إذ أنـت لـلـعـلـيـاء
ربـيـب .. حـسـيـن .. غـريـب .. حـسـيـن

للإشتراك في القناة : https://www.youtube.com/@Basim....Archive?sub_confirma

#الأرشيف_الباسمي
#لطميات
#باسم_الكربلائي