لكي ترضى _ الرادود يحيى عفارة _ 1443هـ

[لكي ترضى] 1443هـ
أداء | الرادود يحيى عفارة
كلمات | الشاعر #الشيخ_وسام_الشويلي
الهندسة و التوزيع | قاسم حمادة
غرافيكس و مونتاج | ابراهيم حريري
اشراف | إيليا سعد
1443 هـ
انتاج : مضيف ثار الله


كلمات القصيدة
لكي ترضى ألهي خُذ رضيعي وهوَ ظامي
لكي ترضى سآتيكَ قطيعَ الرأسِ دامي
* * *
سوالف عاشگ ومعشوگ حچوا بيها
حسين وروحه هزهه الشوگ اعله باريها
بدمع اغترابه الجاري
يحچي ويناجي الباري
يـل بالـعـوالــــم داري تدري بإحساسي
ياربي هـاي جـروحي
بـآيـة محـبتـك توحي
انطيك ولدي وروحي وأحبابي وناسي


قرابيني بنيني كالأضاحي هم أمامي
قرابيني كفوفُ الفارسِ الليث ِالمحامي
* * *
قرابين العشگ لأجلك اقدمها
وروحي الرايده وصلك اسلّمها
يامن إلك توحيدي
عبد الله هذا وليدي
لأجلك رفعته بأيدي لحظات المقتل
ظامي وتروّه بسهمه
چًفّي انترس من دمّه
وي دمعي طلعت كلمه ياربّي اتقبّل


أياربّي وريدُ الطفلِ يحكي عن غرامي
أياربّي فعبدُ اللهِ وحيٌ من هيامي
* * *
بسبب نزفي ودمه جروحي انصبغ ثوبي
إلك تحچي بهمس روحي يمحبوبي
من كثر نزفي وتعبي
ظامي طحت ياربّي
مثلّثهم بنص گلبي لكن يالباري
ماغبت عن إحساسي
تسبيحك وي انفاسي
والحجر صوّب راسي ودم حبّك جاري


بلا ماءٍ وأُسقى من لظا كأسِ الحِمامِ
بلا ماءٍ تُشاغِلُني الرماةُ بالسهامِ
* * *
اليذبحوني حچي سمعوا لطف قربك
انگطع راسي ولا گطعوا وصل حبّك
دم نحري يقره حروفك
لآخر نفس ماعوفك
روحي تريد تشوفك يامالك روحي
كل ما ضلع يتكسّر
معناها بسمك كبّر
انطيلك اكثر وأكثر صيحات جروحي


أُناجيكَ إلهي خيلُهم طحنت عضامي
أُناجيكَ على الرمحِ وعيني للخيامِ
* * *
نسألكم الدعاء
وسام الشويلي




Yehia Afara - يحيى عفارة
Facebook: https://www.facebook.com/al.radood.yehia.afara
Instagram: https://instagram.com/yehia.afara
Telegram: https://t.me/yehiaafara