عيشني بخيرك _ يحيى عفارة _محرمّ ١٤٤٣ ه

[عيشني بخيرك ] محرمّ ١٤٤٣ ه
الرادود | #يحيى_عفارة
كلمات | الشاعر احمد الخفاجي
مكساج | مهدي عليق
تصوير و مونتاج | ميرزا منتظر العكايشي


كلمات القصيدة
عيشني بخيرك .. موتني هواك
ماشوفن غيرك .. كحلني ضواك
من غيرك اموت يالعشكه حلال
شما عنك اروح تندهلي تعال
*****

حسين ياديرت عشك عشت بخدمتك سلطان
علمني حبك عالصدك من غيرك بلا عنوان
ينادوني بسمك وافتخر الخادم احله من افلان
صعدني صيتك للسمه يالمن عرفتك عطشان
هنيال الخادم .. يتربه بديك
تحسدني الوادم .. حسبتني عليك
دنيانه هلاك والخدمه دلال
شما عنك اروح تندهلي تعال
*****

يامحله ثوبي بخدمتك عند الخدم يسوه اقصور
مايشعر بهذا ويحس بس الينوح بعاشور
كون اليجيلك سيدي ضلعه عله بابك مكسور
ماقصد إيذاء النفس الما يحب مامجبور
ثوب اسود لابس ..كل عمري حزين
يمجنن عابس .. جنني حسين
حن كلبي عليك كطعني وصال
شما عنك اروح تندهلي تعال
****

ياسيدي دربك صعب مابي دغش وي الناس
آخرته للكوثر عدل والساقي جف العباس
الحلوه بخدمتك سيدي يتوارد براسي حساس
من اذكر اسمك بالطم من صدري اشم عطر الياس
من عطر الحضره .. بالمجلس اشم
بصحن ابن الزهره .. لو هذا حلم
بطيوفك اهيم فززني سؤال
شما عنك اروح تندهلي تعال
******
بس انت حبك يختلف والناس تحسبله احساب
مجنونك تعذره الخلك ومجنون غيرك جذاب
لو من صدك جمرة بكلب من صدري يطلع عطاب
مو بيدي الطم عالوجه لترسها عيني بنشاب
يا اول لمحه .. عيشني جنون
ماشايف رمحه .. لوشفته شلون
يا اغله حبيب مر بيه خيال
شما عنك اروح تندهلي تعال
******

يالوجهك مضوي الشمس ومسوي للغيمه فياي
شفت النهر ميت عطش وانطيته من عينك ماي
وكل شده لو بيها طحت الكاك بس انت وياي
مو حكي اندبك كل وكت يابو علي بروحي هواي
مو اول عاشك .. يعشكله غريب
نص كلبي حروفك .. يكتبلي حبيب
ماعوفك اكيد كل عمري محال
شما عندك اروح تندهلي تعال
*******
تمت
#احمد الخفاجي


Yehia Afara - يحيى عفارة
Facebook: https://www.facebook.com/al.radood.ye...
Instagram: https://instagram.com/yehia.afara
Telegram: https://t.me/yehiaafara