باجر أنسبي | محمد بوجبارة

[ باجر أنسبي ]

• الملا محمد بوجبارة
• الشاعر كرار حسين الكربلائي

• الهندسة الصوتية والتوزيع : يوسف العشيري
• مخطوطات : حسين مقيم
• ترجمة : حسن القطري
• إشراف عام : محمود السلطان
• إدارة المتابعة : محمد عبدرب الرسول
• إخراج : مهدي الكسار


• إنتاج : بوجباره ميديا
• محرم 1445هـ

——————————

زينب انه بلا خيمه
بالهيمه وكلها غربه الناس
وحدي بغربه يا ليلي احچيلي وينه چف عباس
...
يا ليل هدعش ماخذ عباس وآنه بليل ما بي گمر
شتصير العين للدمعات لو للسهر
شيبني الدهر

حسين بلا نعش ولو يحصل ماي آخذ ماي وروي النحر
الهاظمني تدوس فوگه الخيل ضلعه انكسر
شيبني الدهر

وحدي بهالظلام وآنه بغربتي
ورماد الخيام فوگ عصابتي
مصبوغ التراب من دم اخوتي

مقسوم انحب كل عمري وبصدري ماتت الانفاس
بعد الغالي تعبانه عطشانه وينه چف عباس

...

باچر انسبي وبچفوفي احبال فوگ النوگ مستغربه
ودموعي تطيح يم عباس وتعاتبه
وآنه مسلبه

تنسب بت نبي وشيبات حسين فوگ ارماح متخضبه
وبمتني السوط آخ السوط ما اصعبه
وآنه مسلبه

بالله بيا زمان امشي اويه الغرب
بت حامي الدخيل متني ينضرب
يهدوني ليزيد يا عالم صعب

عگب اخواني مسبيه محنيه ومني شاب الراس
بشام الحيره يشوفوني يسألوني وينه چف عباس